|
Home >
Scripture >
scripture >
Marathi
Copy link
शिवजयवाद स्तोत्रम - Shivajayavaada Stotram
Shivajayavaada Stotram
जय जय गिरिजालङ्कृतविग्रह, जय जय विनताखिलदिक्पाल ।
जय जय सर्वविपत्तिविनाशन, जय जय शङ्कर दीनदयाळ ॥१॥
जय जय सकलसुरासुरसेवित, जय जय वांछितदानवितन्द्र ।
जय जय लोकालोकधुरन्धर जय जय नागेश्वर धृतचन्द्र ॥२॥
जय जय हिमाचलनिवासिन जय जय करुणाकल्पितलिङ्ग ।
जय जय संसृतिरचनाशिल्पिन जय जय भक्तहृदंबुजभृङ्ग ॥३॥
जय जय भोगिफणामणिरञ्जित, जय जय भूतिविभूषितदेह ।
जय जय पितृवनकेलिपरायण, जय जय गौरीविभ्रमगेह ॥४॥
जय जय गाङ्गतरङ्गलुलितजट, जय जय मङ्गळपूरसमुद्र ।
जय जय बोधविजृंभणकारण , जय जय मानसपूर्तिविनिद्र ॥५॥
जय जय दयातरङ्गितलोचन, जय जय चित्रचरित्रपवित्र ।
जय जय शब्दब्रह्मविकाशक, जय जय किल्बिषतापधवित्र ॥६॥
जय जय तन्त्रनिरूपणतत्पर, जय जय योगविकस्वरधाम ।
जय जय मदनमहाभटभञ्जन, जय जय पूरितपूजककाम ॥७॥
जय जय गङ्गाधर विश्वेश्वर, जय जय पतितपवित्रविधान ।
जय जय बंबंनाद कृपाकर, जय जय शिव शिव सौख्यनिधान ॥८॥
य इमं शिवजयवादमुदारं पठति सदा शिवधाम्नि ।
तस्य सदाशिवशासनयोगान्माद्यति संपन्नाम्नि ॥९॥
इति शिवजयवादस्तोत्रं संपूर्णम ॥
Related Content
শিৱজযৱাদ স্তোত্রম - Shivajayavaada Stotram
શિવજયવાદ સ્તોત્રમ - Shivajayavaada Stotram
ਸ਼ਿਵਜਯਵਾਦ ਸ੍ਤੋਤ੍ਰਮ - Shivajayavaada Stotram
शिवजयवाद स्तोत्रम् - Shivajayavaada Stotram
ಶಿವಜಯವಾದ ಸ್ತೋತ್ರಮ್ - Shivajayavaada Stotram
