Vishveshvara Neeraajanam

---

ശിവായ നമഃ || 

വിശ്വേശ്വരനീരാജനം

സത്യം ജ്ഞാനം ശുദ്ധം പൂര്ണം ഹൠദി ഭാതം, വന്ദേ ശംഭും ശാന്തം മായാഗുണരഹിതം | 
സാക്ഷിരൂപം തത്ത്വം വിദ്വദ്ഭിര്ഗമ്യം, വേദൈര്ജ്ഞേയം നിത്യം ഗുരുഭക്തൈര്വേദ്യം | 
ഓം ഹര ഹര ഹര മഹാദേവ ||൧||  

ദേവാന് ഭീതാന് ദൃഷ്ട്വാ യഃ കൃപയാവിഷ്ടോ, വിഷപാനമപി കൠത്വാഽസിതകണ്ഠോ ജാതഃ | 
ത്രിപുരം വിമിദേ യുദ്ധേ ദുര്ഭേദ്യം സര്വൈസ്തം വന്ദേ സര്വേശം ദേവൈര്ഹൃദി ധ്യാതം | 
ഓം ഹര ഹര ഹര മഹാദേവ ||൨|| 

വിഘ്നവിനാശനകര്താ ഭവതാം യസ്താതഃ പൂജ്യോ നിഖിലൈര്ദേവൈര്ദുരിതം ഹരതു നഃ |
സ്കന്ദഃ പുത്രോ ബലവാന് താരകാസുരഹന്താ സ്വമാത്രേ വരദാതാ ബ്രഹ്മചര്യം ധര്താ |
ഓം ഹര ഹര ഹര മഹാദേവ ||൩|| 

ദശമുഖബാണപ്രഭൃതയോ ഭക്താസ്തേ ജാതാഃ, നാഹം വക്തും ശക്തഃ പരിഗണനം കൃത്വാ | 
യേ ദേവാനാമൈശ്വര്യം സ്വാധീനം ചക്രുഃ തേഷാം ചിത്രം വീര്യം തവ കൃപയാ ജാതം | 
ഓം ഹര ഹര ഹര മഹാദേവ ||൪|| 

പൂജാം കര്തും വിഷ്ണുര്നേത്രം ത്വയി സമര്പ്യ, രാജ്യം കുരുതേ ജഗതാം ത്രയാണാം തവ ദൃഷ്ട്യാ | 
യതീനാം ഹൃദയേ സ്ഥിത്വാ കാമം നാശയിതാ, ഗങ്ഗാധര ശിവ ശങ്കര ഗിരിജാധീശസ്ത്വം |
ഓം ഹര ഹര ഹര മഹാദേവ ||൫|| 

സംഹര്തൃ ശിവരൂപമുഗ്രം തവ ധ്യാത്വാ ഭീതാ ദേവാഃസര്വേ ഭക്തിം ത്വയി ചക്രുഃ | 
ദുഃഖം ദൃഷ്ട്വാ ജഗതി ശരണം ത്വാം യാമോ ദേവാനാമപി ദേവം മഹാദേവം പ്രണുമഃ | 
ഓം ഹര ഹര ഹര മഹാദേവ | ൬|| 

ത്യക്ത്വാ ധര്മം ബ്രഹ്മാ ദുഹിതര്യാസക്തഃ, ദണ്ഡം പ്രാപ്തസ്ത്വത്തഃ പന്ഥാനം നീതഃ | 
വിദ്യോപദേഷ്ടുസ്ത്വത്തഃ സനകാദ്യാ ഭക്താഃ, ഉപദേശം ശൃണ്വന്തി വൈരാഗ്യേ സക്താഃ |
ഓം ഹര ഹര ഹര മഹാദേവ ||൭|| 

പ്രാണാന്തേ വൈ കാശ്യാം മുക്തിം സര്വേഭ്യോ വേദപുരാണൈഃ കഥിതാം ദദതേ നിത്യം യഃ 
സര്വജ്ഞം തമനാദിം സ്തൗതി യോ ഭക്ത്യാ, അര്ഥം കാമം ധര്മം മോക്ഷം ലഭതേ സഃ | 
ഓം ഹര ഹര ഹര മഹാദേവ ||൮|| 

ഇത്യച്യുതാനന്ദഗിരിവിരചിതം വിശ്വേശ്വരനീരാജനം സംപൂര്ണം ||