Home >
Scripture >
scripture >
Malayalam
Copy linkശിവാഷ്ടകം
Singer
Subhalakshmi Krishnamurthy
Play Song
Source language
Malayalam
Translation language
Click on the songs to view the meaning
Shivashtakam
ശിവ അഷ്ടകം
പ്രഭും പ്രാണനാഥം വിഭും വിശ്വനാഥം ജഗന്നാഥനാഥം സദാനന്ദഭാജം ।
ഭവദ്ഭവ്യഭൂതേശ്വരം ഭൂതനാഥം ശിവം ശങ്കരം ശംഭുമീശാനമീഡേ ॥1॥
ഗലേ രുണ്ഡമാലം തനൗ സർപജാലം മഹാകാലകാലം ഗണേശാധിപാലം ।
ജടാജൂടഗംഗോത്തരംഗൈർവിശാലം ശിവം ശങ്കരം ശംഭുമീശാനമീഡേ ॥2॥
മുദാമാകരം മണ്ഡനം മണ്ഡയന്തം മഹാമണ്ഡലം ഭസ്മഭൂഷാധരം തം ।
അനാദിം ഹ്യപാരം മഹാമോഹമാരം ശിവം ശങ്കരം ശംഭുമീശാനമീഡേ ॥3॥
തടാധോനിവാസം മഹാട്ടാട്ടഹാസം മഹാപാപനാശം സദാ സുപ്രകാശം ।
ഗിരീശം ഗണേശം സുരേശം മഹേശം ശിവം ശങ്കരം ശംഭുമീശാനമീഡേ ॥4।
ഗിരീന്ദ്രാത്മജാസംഗൃഹീതാർധദേഹം ഗിരൗ സംസ്ഥിതം സർവദാ സന്നിഗേഹം ।
പരബ്രഹ്മ ബ്രഹ്മാദിഭിർവന്ദ്യമാനം ശിവം ശങ്കരം ശംഭുമീശാനമീഡേ ॥5॥
കപാലം ത്രിശൂലം കരാഭ്യാം ദധാനം പദാംഭോജനമ്രായ കാമം ദദാനം ।
ബലീവർദയാനം സുരാണാം പ്രധാനം ശിവം ശങ്കരം ശംഭുമീശാനമീഡേ ॥6॥
ശരച്ചന്ദ്രഗാത്രം ഗുണാനന്ദപാത്രം ത്രിനേത്രം പവിത്രം ധനെശസ്യ മിത്രം ।
അപർണാകളത്രം ചരിത്രം വിചിത്രം ശിവം ശങ്കരം ശംഭുമീശാനമീഡേ ॥7॥
ഹരം സർപഹാരം ചിതാഭൂവിഹാരം ഭവം വേദസാരം സദാ നിർവികാരം ।
ശ്മശാനേ വസന്തം മനോജം ദഹന്തം ശിവം ശങ്കരം ശംഭുമീശാനമീഡേ ॥8॥
സ്തവം യഃ പ്രഭാതേ നരഃ ശൂലപാണേഃ പഠേത്സർവദാ ഭർഗഭാവാനുരക്തഃ ।
സ പുത്രം ധനം ധാന്യമിത്രം കളത്രം വിചിത്രൈഃ സമാരാദ്യ മോക്ഷം പ്രയാതി ॥9॥
ഇതി ശ്രീശിവാഷ്ടകം സമ്പൂർണം ॥