ശിവായ നമഃ || രത്നൈഃ കല്പിതമാസനം ഹിമജലൈഃ സ്നാനം ച  ദിവ്യാംബരം നാനാരത്നവിഭൂഷിതം മൃഗമദാമോദാങ്കിതം ചന്ദനം | ജാതീചംപക ബില്വ പത്രരചിതം പുഷ്പം ച ധൂപം തഥാ ദീപം ദേവ ദയാനിധേ പശുപതേ ഹൃത്കല്പിതം ഗൠഹ്യതാം ||൧|| സൗവര്ണെ നവരത്നഖണ്ഡരചിതെ പാത്രേ ഘൃതം പായസം ഭക്ഷ്യം പന്ചവിധം പയൊദധിയുതം രംഭാഫലം പാനകം | ശാകാനാമയുതം ജലം രുചികരം കര്പൂരഖണ്ഡോജ്ജ്വലം താംബൂലം മനസാ മയാ വിരചിതം ഭക്ത്യാ പ്രഭോ സ്വീകുരു ||൨|| ഛത്രം ചാമരയോര് യുഗം വ്യജനകം ചാദര്ശകം നിര്മലം വീണാഭേരി മൃദംഗ കാഹലകലാ ഗീതം ച നൃത്യം തഥാ | സാഷ്ടാംഗം പ്രണതിഃ സ്തുതിര്ബഹുവിധാ ഹ്യെതത്സമസ്തം മയാ സംകല്പേന സമര്പിതം തവ വിഭോ പൂജാം ഗൃഹാണ പ്രഭോ ||൩|| ആത്മാ ത്വം ഗിരിജാ മതിഃ സഹചരാഃ പ്രാണാഃശരീരം ഗൃഹം പൂജാ തേ വിഷയോപഭോഗരചനാ നിദ്രാ സമാധിസ്ഥിതിഃ | സഞ്ചാരഃ പദയോഃ പ്രദക്ഷിണവിധിഃ സ്തോത്രാണി സര്വാ ഗിരോ യദ്യത്കര്മ കരോമി തത്തദഖിലം ശംഭോ തവാരാധനം ||൪|| കരചരണകൃതം വാക്കായജം കര്മജം വാ ശ്രവണനയനജം വാ മാനസം വാഽപരാധം | വിഹിതമവിഹിതം വാ സര്വമേതത്ക്ഷമസ്വ ജയ ജയ കരുണാബ്ധേ ശ്രീ മഹാദേവ ശംഭോ ||൫|| ഇതി ശ്രീമച്ഛംകരാചാര്യവിരചിതം ശിവമാനസപൂജാസ്തോത്രം സമാപ്തം ||