Home >
Scripture >
scripture >
Malayalam
Copy linkപ്രദോഷ സ്തോത്രാഷ്ടകം - Pradhosha Stotrashtakam
Singer
Please select an Audio
Play Song
Source language
Malayalam
Translation language
Click on the songs to view the meaning
Pradhosha Stotrashtakam
ശിവായ നമഃ ||
പ്രദോഷസ്തോത്രാഷ്ടകം |
സത്യം ബ്രവീമി പരലോകഹിതം ബ്രവീമി സാരം ബ്രവീമ്യുപനിഷദ്ധ്രുദയം ബ്രവീമി |
സംസാരമുല്ബണമസാരമവാപ്യ ജന്തോഃ സാരോഽയമീശ്വരപദാംബുരുഹസ്യ സേവാ ||൧||
യേ നാർചയന്തി ഗിരിശം സമയേ പ്രദോഷേ യേ നാർചിതം ശിവമപി പ്രണമന്തി ചാന്യേ |
ഏതത്കഥാം ശ്രുതിപുടൈർന പിബന്തി മൂഢാസ്തേ ജന്മജന്മസു ഭവന്തി നരാ ദരിദ്രാഃ ||൨||
യേ വൈ പ്രദോഷസമയേ പരമേശ്വരസ്യ കുര്വന്ത്യനന്യമനസോംഽഘ്രിസരോജപൂജാം |
നിത്യം പ്രവൃദ്ധധനധാന്യകളത്രപുത്രസൗഭാഗ്യസംപദധികാസ്ത ഇഹൈവ ലോകേ ||൩||
കൈലാസശൈലഭുവനേ ത്രിജഗജ്ജനിത്രീം ഗൗരീം നിവേശ്യ കനകാചിതരത്നപീഠേ |
നൃത്യം വിധാതുമമിവാഞ്ചതി ശൂലപാണൗ ദേവാഃ പ്രദോഷസമയേ നു ഭജന്തി സര്വേ ||൪||
വാഗ്ദേവീ ധൃതവല്ലകീ ശതമുഖോ വേണും ദധത്പദ്മജസ്താലോന്നിദ്രകരോ രമാ ഭഗവതീ ഗേയപ്രയോഗാന്വിതാ |
വിഷ്ണുഃ സാന്ദ്രമൠദങ്ഗവാദനപടുർദേവാഃ സമന്താത്സ്ഥിതാഃ സേവന്തേ തമനു പ്രദോഷസമയേ ദേവം
മൃഡാനീപതിം ||൫||
ഗന്ധര്വയക്ഷപതഗോരഗസിദ്ധസാധ്യാവിദ്യാധരാമരവരാപ്സരസാം ഗണാംശ്ച |
യേഽന്യേ ത്രിലോകനിലയാഃ സഹഭൂതവർഗാഃ പ്രാപ്തേ പ്രദോഷസമയേ ഹരപാർശ്വസംസ്ഥാഃ ||൬||
അതഃ പ്രദോഷേ ശിവ ഏക ഏവ പൂജ്യോഽഥ നാന്യേ ഹരിപദ്മജാദ്യാഃ |
തസ്മിന്മഹേശേ വിധിനേജ്യമാനേ സര്വേ പ്രസീദന്തി സുരാധിനാഥാഃ ||൭||
ഏഷ തേ തനയഃ പൂര്വജന്മനി ബ്രാഹ്മണോത്തമഃ |
പ്രതിഗ്രഹൈര്വയോ നിന്യേ ന ദാനാദ്യൈഃ സുകർമഭിഃ ||൮||
അതോ ദാരിദ്ര്യമാപന്നഃ പുത്രസ്തേ ദ്വിജഭാമിനി |
തദ്ദോഷപരിഹാരാർഥം ശരണം യാതു ശങ്കരം ||൯||
ഇതി ശ്രീസ്കാന്ദോക്തം പ്രദോഷസ്തോത്രാഷ്ടകം സംപൂർണം ||