Home >
Scripture >
scripture >
Malayalam
Copy linkനിർവാണഷട്കം
Composer : Shankaracharya
Singer
Subhalakshmi Krishnamurthy
Play Song
Source language
Malayalam
Translation language
Click on the songs to view the meaning
Nirvana Shatkam
നിർവാണ ഷട്കം
മനോബുദ്ധ്യഹങ്കാരചിത്താനി നാഹം ന ച ശ്രോത്രജിഹ്വേ ന ച ഘ്രാണനേത്രേ ।
ന ച വ്യോമ ഭൂമിർന തേജോ ന വായുശ്ചിദാനന്ദരൂപഃ ശിവോഽഹം ശിവോഽഹം ॥1॥
ന ച പ്രാണസഞ്ജ്ഞോ ന വൈ പഞ്ചവായുർന വാ സപ്തധാതുർന വാ പഞ്ചകോശാഃ ।
ന വാക്പാണിപാദം ന ചോപസ്ഥപായുശ്ചിദാനന്ദരൂപഃ ശിവോഽഹം ശിവോഽഹം ॥2॥
ന മേ ദ്വേഷരാഗൗ ന മേ ലോഭമോഹൗ മദോ നൈവ മേ നൈവ മാത്സര്യഭാവഃ ।
ന ധർമോ ന ചാർഥോ ന കാമോ ന മോക്ഷശ്ചിദാനന്ദരൂപഃ ശിവോഽഹം ശിവോഽഹം ॥3॥
ന പുണ്യം ന പാപം ന സൗഖ്യം ന ദുഃഖം ന മന്ത്രോ ന തീർഥം ന വേദാ ന യജ്ഞാഃ ।
അഹം ഭോജനം നൈവ ഭോജ്യം ന ഭോക്താ ചിദാനന്ദരൂപഃ ശിവോഽഹം ശിവോഽഹം ॥4॥
ന മൃത്യുർന ശങ്കാ ന മേ ജാതിഭേദഃ പിതാ നൈവ മേ നൈവ മാതാ ന ജന്മ ।
ന ബന്ധുർന മിത്രം ഗുരുർനൈവ ശിഷ്യശ്ചിദാനന്ദരൂപഃ ശിവോഽഹം ശിവോഽഹം ॥5॥
അഹം നിർവികല്പോ നിരാകാരരൂപോ വിഭുത്വാഞ്ച സർവത്ര സർവേന്ദ്രിയാണാം ।
ന ചാസംഗതം നൈവ മുക്തിർന മേയശ്ചിദാനന്ദരൂപഃ ശിവോഽഹം ശിവോഽഹം ॥6॥
ഇതി ശ്രീമച്ഛങ്കരാചാര്യവിരചിതം നിർവാണഷട്കം സമ്പൂർണം ॥