Umamaheshvara Stotram

---

നമഃ ശിവാഭ്യാം നവായൗവനാഭ്യാം പരസ്പരാശ്ലിഷ്ടവപുര്ധരാഭ്യാം || 
നഗേന്ദ്രകന്യാവൃഷകേതനാഭ്യാം നമോ നമഃ ശങ്കരപാര്വതീഭ്യാം ||൧|| 

 

നമഃ ശിവാഭ്യാം സരസോത്സവാഭ്യാം നമസ്കൃതാഭീഷ്ടവരപ്രദാഭ്യാം | 
നാരായണേനാര്ച്ചിതപാദുകാഭ്യാം നമോ നമഃ ശങ്കരപാര്വതീഭ്യാം ||൨|| 

 

നമഃ ശിവാഭ്യാം വൃഷവാഹനാഭ്യാം വിരിഞ്ചിവിഷ്ണ്വിന്ദ്രസുപൂജിതാഭ്യാം | 
വിഭൂതിപാടീരവിലേപനാഭ്യാം നമോ നമഃ ശങ്കരപാര്വതീഭ്യാം ||൩|| 

 

നമഃ ശിവാഭ്യാം ജഗദീശ്വരാഭ്യാം ജഗത്പതിഭ്യാം ജയവിഗ്രഹഭ്യാം | 
ജംഭാരിമുഖ്യൈരഭിവന്ദിതാഭ്യാം നമോ നമഃ ശങ്കരപാര്വതീഭ്യാം ||൪|| 

 

നമഃ ശിവാഭ്യാം പരമൗഷധാഭ്യാം പഞ്ചാക്ഷരീപഞ്ജരരഞ്ജിതാഭ്യാം  | 
പ്രപഞ്ചസൃഷ്ടിസ്ഥിതിസംഹൃതിഭ്യാം നമോ നമഃ ശങ്കരപാര്വതീഭ്യാം || ൫|| 

 

നമഃ ശിവാഭ്യാമതിസുന്ദരാഭ്യാമത്യന്തമാസക്തഹൃദംബുജാഭ്യാം | 
അശേഷലോകൈകഹിതങ്കരാഭ്യാം നമോ നമഃ ശങ്കരപാര്വതീഭ്യാം ||൬|| 

 

നമഃ ശിവാഭ്യാം കലിനാശനാഭ്യാം കങ്കാളകല്യാണവപുര്ധരാഭ്യാം | 
കൈലാസശൈലസ്ഥിതദേവതാഭ്യാം നമോ നമഃ ശങ്കരപാര്വതീഭ്യാം ||൭|| 

 

നമഃ ശിവാഭ്യാമശുഭാപഹാഭ്യാമശേഷലോകൈകവിശേഷിതാഭ്യാം || 
അകുണ്ഠിതാഭ്യാം സ്മൃതിസംഭൃതാഭ്യാം നമോ നമഃ ശങ്കരപാര്വതീഭ്യാം  ||൮|| 

 

നമഃ ശിവാഭ്യാം രഥവാഹനാഭ്യാം രവീന്ദുവൈശ്വാനരലോചനാഭ്യാം | 
രാകാശശാങ്കാഭമുഖാംബുജാഭ്യാം നമോ നമഃ ശങ്കരപാര്വതീഭ്യാം || ൯|| 

 

നമഃ ശിവാഭ്യാം ജടിലന്ധരാഭ്യാം ജരാമൃതിഭ്യാം ച വിവര്ജിതാഭ്യാം  | 
ജനാര്ദ്ദനാബ്ജോദ്ഭവപൂജിതാഭ്യാം നമോ നമഃ ശങ്കരപാര്വതീഭ്യാം ||൧൦|| 

 

നമഃ ശിവാഭ്യാം വിഷമേക്ഷണാഭ്യാം ബില്വച്ഛദാമല്ലികദാമഭൃദ്ഭ്യാം | 
ശോഭാവതീശാന്തവതീശ്വരാഭ്യാം നമോ നമഃ ശങ്കരപാര്വതീഭ്യാം ||  ൧൧|| 

 

നമഃ ശിവാഭ്യാം പശുപാലകാഭ്യാം ജഗത്രയീരക്ഷണബദ്ധഹൃദ്ഭ്യാം | 
സമസ്തദേവാസുരപൂജിതാഭ്യാം നമോ നമഃ ശങ്കരപാര്വതീഭ്യാം ||൧൨|| 

 

സ്തോത്രം ത്രിസന്ധ്യം ശിവപാര്വതീയം ഭക്ത്യാ പഠേദ്വാദശകം നരോ യഃ | 
സ സര്വസൗഭാഗ്യഫലാനി ഭുങ്തേ ശതായുരന്തേ ശിവലോകമേതി ||൧൩|| 

 

ഇതി ശ്രീമത്പരമഹംസപരിവ്രാജകാചാര്യസ്യ  ശ്രീഗോവിന്ദഭഗവത്പൂജ്യപാദശിഷ്യസ്യ ശ്രീമച്ഛങ്കരഭഗവതഃ  കൃതാവുമാമഹേശ്വരസ്തോത്രം സംപൂര്ണം ||