Home >
Scripture >
scripture >
Malayalam
Copy linkശ്രീകണ്ഠ അഷ്ടകം- Shrikanthaashtakam
Singer
Please select an Audio
Play Song
Source language
Malayalam
Translation language
Click on the songs to view the meaning
Srikanta Ashtakam
യഃ പാദപപിഹിതതനുഃ പ്രകാശതാം പരശുരാമേണ |
നീതഃ സോഽവ്യാത്സതതം ശ്രീകണ്ഠഃ പാദനമ്രകല്പതരുഃ ||൧||
യഃ കാലം ജിതഗര്വം കൃത്വാ ക്ഷണതോ മൃകണ്ഡുമുനിസൂനും |
നിര്ഭയമകരോത്സോഽവ്യച്ഛ്രീകണ്ഠഃ പാദനമ്രകല്പതരുഃ ||൨||
കുഷ്ഠാപസ്മാരമുഖാ രോഗാ യത്പാദസേവനാത്സഹസാ |
പ്രശമം പ്രയാന്തി സോഽവ്യാച്ഛ്രീകണ്ഠഃ പാദനമ്രകല്പതരുഃ ||൩||
യദവിദ്യൈവ ജഗദിദമഖിലം പ്രതിഭാതി സത്യവത്പൂര്വം |
ജ്ഞാനാത്സോഽവ്യാത്സതതം ശ്രീകണ്ഠഃ പാദനമ്രകല്പതരുഃ ||൪||
യതിവൃന്ദവന്ദ്യചരണഃ കമിതാ ധരണീധരേന്ദ്രതനയായാഃ |
ശ്രീശാദിവന്ദിതോഽവ്യാച്ഛ്രീകണ്ഠഃ പാദനമ്രകല്പതരുഃ ||൫||
യോ ദക്ഷിണാസ്യരൂപം ധൃത്വാ വിജ്ഞാനദാനകൃതദീക്ഷഃ |
മുഗ്ധേഭ്യോഽപി സ പായാച്ഛ്രീകണ്ഠഃ പാദനമ്രകല്പതരുഃ ||൬||
അന്ധോഽപി യത്കരുണയാ ചക്ഷുഷ്മാന്ഭവതി സത്വരം ലോകേ |
കരുണാനിധിഃ സ പായാച്ഛ്രീകണ്ഠഃ പാദനമ്രകല്പതരുഃ ||൭||
കപിലാതടാദൃതഗതിഃ കപിലാദിമുനീന്ദ്രവന്ദ്യപദപദ്മഃ |
ശ്രീദഃ പായാത്സതതം ശ്രീകണ്ഠഃ പാദനമ്രകല്പതരുഃ ||൮||
ശ്രീകണ്ഠാഷ്ടകമേതത്പഠതി ജനോ യഃ കൃതാദരഃ സതതം |
ശ്രീവിദ്യാസദനം സ പ്രഭവേന്നൈവാത്ര സന്ദേഹഃ ||൯||
ഇതി ശ്രീകണ്ഠാഷ്ടകം സംപൂര്ണം ||