Sri Shiva Jataajoota Stutih

---

സ ധൂര്ജ്ജടിജടാജൂടോ ജായതാം വിജയായ വഃ | 
യത്രൈകപലിതഭ്രാന്തിം കരോത്യദ്യാപി ജാഹ്നവീ ||൧|| 

 

ചൂഡാപീഡകപാലസങ്കുലഗലന്മന്ദാകിനീവാരയോ 
വിദ്യത്പ്രായലലാടലോചനപുടജ്യോതിര്വിമിശ്രത്വിഷഃ | 
പാന്തു ത്വാമകഠോരകേതകശിഖാസന്ദിഗ്ധമുഗ്ധേന്ദവോ 
ഭൂതേശസ്യ ഭുജംഗവല്ലിവലയസ്രങ്നദ്ധജൂടാജടാഃ ||൨|| 

 

ഗംഗാവാരിഭിരുക്ഷിതാഃ ഫണിഫണൈരുത്പല്ലവാസ്തച്ഛിഖാ-
രത്നൈഃ കോരകിതാഃ സിതാംശുകലയാ സ്മേരൈകപുഷ്പശ്രിയഃ | 
ആനന്ദാശ്രുപരിപ്ലുതാക്ഷിഹുതഭുഗ്ധൂമൈര്മിലദ്ദോഹദാ 
നാല്പം കല്പലതാഃ ഫലം ദദതു വോഽഭീഷ്ടം ജടാ ധൂര്ജ്ജടേഃ ||൩|| 

 

ഇതി ശ്രീശിവജടാജൂടസ്തുതിഃ സമാപ്താ ||