Home >
Scripture >
scripture >
Malayalam
Copy linkകല്കികൃതം ശിവസ്തോത്രം - Kalkikrutam Shiva Stotram
Singer
Please select an Audio
Play Song
Source language
Malayalam
Translation language
Click on the songs to view the meaning
Kalkikrutam Shiva Stotram
ഗൗരീനാഥം വിശ്വനാഥം ശരണ്യം ഭൂതാവാസം വാസുകീകണ്ഠഭൂഷം ||
ത്ര്യക്ഷം പഞ്ചാസ്യാദിദേവം പുരാണം വന്ദേ സാന്ദ്രാനന്ദസന്ദോഹദക്ഷം ||൧||
യോഗാധീശം കാമനാശം കരാളം ഗംഗാസംഗക്ലിന്നമൂര്ധാനമീശം ||
ജടാജൂടാടോപരിക്ഷിപ്തഭാവം മഹാകാളം ചന്ദ്രഭാലം നമാമി ||൨||
ശ്മശാനസ്ഥം ഭൂതവേതാളസംഗം നാനാശസ്ത്രൈഃ ഖഡ്ഗശൂലാദിഭിശ്ച ||
വ്യഗ്രാത്യുഗ്രാ ബാഹവോ ലോകനാശേ യസ്യ ക്രോധോദ്ഭൂതലോകോഽസ്തമേതി ||൩||
യോ ഭൂതാദിഃ പഞ്ചഭൂതൈഃ സിസൃക്ഷുസ്തന്മാത്രാത്മാ കാലകര്മസ്വഭാവൈഃ ||
പ്രഹൃത്യേദം പ്രാപ്യ ജീവത്വമീശോ ബ്രഹ്മാനന്ദേ ക്രീഡതേ തം നമാമി ||൪||
സ്ഥിതൗ വിഷ്ണുഃ സര്വജിഷ്ണുഃ സുരാത്മാ ലോകാന്സാധൂന് ധര്മസേതൂന്ബിഭര്തി ||
ബ്രഹ്മാദ്യംശേ യോഽഭിമാനീ ഗുണാത്മാ ശബ്ദാദ്യംഗൈസ്തം പരേശം നമാമി ||൫||
യസ്യാജ്ഞയാ വായവോ വാന്തി ലോകേ ജ്വലത്യഗ്നിഃ സവിതാ യാതി തപ്യന് ||
ശീതാംശുഃ ഖേ താരകാസംഗ്രഹശ്ച പ്രവര്ത്തന്തേ തം പരേശം പ്രപദ്യേ ||൬||
യസ്യ ശ്വാസാത്സര്വധാത്രീ ധരിത്രീ ദേവോ വര്ഷത്യംബുകാലഃ പ്രമാതാ ||
മേരുര്മധ്യേ ഭുവനാനാം ച ഭര്ത്താ തമീശാനം വിശ്വരൂപം നമാമി ||൭||
ഇതി ശ്രീകല്കിപുരാണേ കല്കികൃതം ശിവസ്തോത്രം സംപൂര്ണം ||