Home >
Scripture >
scripture >
Malayalam
Copy linkഈശാനസ്തവഃ - Ishaanastavah Stotram
Singer
Please select an Audio
Play Song
Source language
Malayalam
Translation language
Click on the songs to view the meaning
Ishaanastavah
യഃ ഷഡ്വക്ത്രഗജാനനാദ്ഭുതസുതാവിഷ്കാരണവ്യജിതാ-
ചിന്ത്യോത്പാദനവൈഭവാം ഗിരിസുതാം മായാം നിജാംഗേ ദധത് |
സേവ്യാം സംസൃതിഹാനയേ ത്രിപഥഗാം വിദ്യാം ച മൂര്ധ്നാ വഹന്
സ്വം ബ്രഹ്മത്വമഭിവ്യനക്തി ഭജതഃ പായാത് സ ഗംഗാധരഃ ||൧||
യസ്യാലോച്യ കപര്ദദുര്ഗവിലുഠദ്ഗംഗാംബുശൗക്ല്യാച്ഛതാ-
മാധുര്യാണി പരാജയോദിതശുചാ ക്ഷീണഃ കലാമാത്രതാം |
ബിഭ്രത് പിത്സതി നൂനമുത്കടജടാജൂടോച്ചകൂടാച്ഛശീ
ലാലാടാക്ഷിശിഖാസു സോഽസ്തു ഭജതാം ഭവ്യായ ഗംഗാധരഃ ||൨||
യല്ലാലാടകൃപീടയോനിസതതാസംഗാദ്വിലീനഃ ശശീ
ഗംഗാരൂപമുപേത്യ തത്പ്രശമനാശക്തഃ കൃശാംഗഃ ശുചാ |
ഉദ്ബധ്നാതി തനും ത്രപാപരവശോ മന്യേ ജടാദാമഭിഃ
പായാത് സ്തവ്യവിഭാവ്യനവ്യചരിതോ ഭക്താന് സ ഗംഗാധരഃ ||൩||
അങ്കാരൂഢധരാധരാധിപസുതാസൗന്ദര്യസന്തര്ജിതാ
ഗംഗാ യസ്യ കപര്ദദുര്ഗമവനേ ലീനാ വിലീനാ ഹ്രിയാ |
ചിന്താപാണ്ഡുതനുഃ സ്ഖലന്ത്യവിരതം പാര്വത്യസൂയാസ്മിതൈ-
രന്തര്ധി ബഹു മന്യതേഽസ്തു ഭജതാം ഭൂത്യൈ സ ഗംഗാധരഃ ||൪||
മുഗ്ധാം സ്ന്രിഗ്ധ ഇവ പ്രതാര്യ ഗിരിജാമര്ധാംഗദാനച്ഛലാ-
ന്നിത്യോദ്യദ്വഹുലഭ്രമാം ത്രിപഥഗാമാത്മോത്തമാംഗേ വഹന് |
സ്ഥാനേ യോ വിഷമേക്ഷണത്വപദവീമാരോപ്യതേ കോവിദൈഃ
പ്രച്ഛന്നപ്രണയക്രമോഽസ്തു ഭജതാം പ്രീത്യൈ സ ഗംഗാധരഃ ||൫||
സേവാസജ്ജസുരാര്ഷിപരിഷദ്വ്യാകീര്ണപുഷ്പാഞ്ജലിപ്രശ്ച-
യോതന്മകരന്ദബിന്ദുസതതാസാരഃ പതന്മസ്തകേ |
യസ്യാവിശ്രമസംഭൃതസ്ത്രിപഥഗാനാമ്നാ ജനൈഃ ഖ്യാപ്യതേ
സ ത്രൈലോക്യനിഷേവിതാംഘ്രിയുഗളഃ പുഷ്ണാതു ഗംഗാധരഃ ||൬||
യസ്മിന്നുദ്ധതതാണ്ഡവൈകരസതാസാടോപനാഠ്യക്രമേ
വിസ്രസ്താസു ജടാസു ഭാസുരതനുര്ധാരാശതൈഃ പാതുകാ |
ഗംഗാജംഗമവാരിപര്വതധിയം ചിത്തേ വിധത്തേ സതാ-
മേതം ചിത്രവിഭൂതിരസ്തു ഭജതാം ഭവ്യായ ഗംഗാധരഃ ||൭||
യോ ഗംഗാപയസി പ്രഭോ തവ മഹാനത്യാദരഃ കല്പതേ
സംമൂര്ച്ഛദ്വിഷയാപനായ വിധയേ ക്രുധ്യസ്യസത്യോക്തയേ |
ഈശാനസ്തവസാഗരാന്തഗമനേ വാണ്യഃ പുരാണ്യോഽക്ഷമാഃ
സങ്ക്ഷിപ്യേത്ഥമഭിഷ്ടുതഃ സസിതഗുഃ പ്രീതോഽസ്തു ഗംഗാധരഃ ||൮||
ഇതീശാനസ്തവഃ സംപൂര്ണഃ ||