Home >
Scripture >
scripture >
Malayalam
Copy linkചന്ദ്രശേഖര അഷ്ടക സ്തോത്രം
Composer : Markandeya
Singer
Subhalakshmi Krishnamurthy
Play Song
Source language
Malayalam
Translation language
Click on the songs to view the meaning
Chandrashekara Ashtaka Stotram
ചന്ദ്രശേഖരാഷ്ടകം ।
ചന്ദ്രശേഖര ചന്ദ്രശേഖര
ചന്ദ്രശേഖര പാഹി മാം ।
ചന്ദ്രശേഖര ചന്ദ്രശേഖര
ചന്ദ്രശേഖര രക്ഷ മാം ॥1॥
രത്നസാനുശരാസനം രജതാദ്രിശൃംഗനികേതനം
സിഞ്ജിനീകൃത പന്നഗേശ്വരമച്യുതാനന സായകം ।
ക്ഷിപ്രദഗ്ധപുരത്രയം ത്രിദിവാലയൈരഭിവന്ദിതം
ചന്ദ്രശേഖരമാശ്രയേ മമ കിം കരിഷ്യതി വൈ യമഃ ॥2॥
പഞ്ചപാദപ പുഷ്പഗന്ധ പദാംബുജദ്വയ ശോഭിതം
ഭാലലോചന ജാതപാവക ദഗ്ധമന്മഥവിഗ്രഹം ।
ഭസ്മദിഗ്ധകലേബരം ഭവ നാശനം ഭവമവ്യയം
ചന്ദ്രശേഖരമാശ്രയേ മമ കിം കരിഷ്യതി വൈ യമഃ ॥3॥
മത്തവാരണ മുഖ്യചർമകൄതോത്തരീയ മനോഹരം
പങ്കജാസന പദ്മലോചന പൂജിതാംഘ്രിസരോരുഹം ।
ദേവസിന്ധുതരംഗസീകര സിക്തശുഭ്രജടാധരം
ചന്ദ്രശേഖരമാശ്രയേ മമ കിം കരിഷ്യതി വൈ യമഃ ॥4॥
യക്ഷരാജസഖം ഭഗാക്ഷഹരം ഭുജംഗവിഭൂഷണം
ശൈലരാജസുതാപരിഷ്കൃത ചാരുവാമകലേബരം ।
ക്ഷ്വേഡനീലഗലം പരശ്വധധാരിണം മൃഗധാരിണം
ചന്ദ്രശേഖരമാശ്രയേ മമ കിം കരിഷ്യതി വൈ യമഃ ॥5॥
കുണ്ഡലീകൃത കുണ്ഡലേശ്വര കുണ്ഡലം വൃഷവാഹനം
നാരദാദിമുനീശ്വര സ്തുതവൈഭവം ഭുവനേശ്വരം ।
അന്ധകാന്തകമാശ്രിതാമരപാദപം ശമനാന്തകം
ചന്ദ്രശേഖരമാശ്രയേ മമ കിം കരിഷ്യതി വൈ യമഃ ॥6॥
ഭേഷജം ഭവരോഗിണാമഖിലാപദാമപഹാരിണം
ദക്ഷയജ്ഞവിനാശനം ത്രിഗുണാത്മകം ത്രിവിലോചനം ।
ഭുക്തിമുക്തിഫലപ്രദം സകലാഘസംഘനിബർഹണം
ചന്ദ്രശേഖരമാശ്രയേ മമ കിം കരിഷ്യതി വൈ യമഃ ॥7॥
ഭക്തവത്സലമർചിതം നിധിമക്ഷയം ഹരിദംബരം
സർവഭൂതപതിം പരാത്പരമപ്രമേയമനുത്തമം ।
സോമവാരിദഭൂഹുതാശന സോമപാനിലഖാകൃതിം
ചന്ദ്രശേഖരമാശ്രയേ മമ കിം കരിഷ്യതി വൈ യമഃ ॥8॥
വിശ്വസൃഷ്ടിവിധായിനം പുനരേവ പാലനതത്പരം
സംഹരന്തമപി പ്രപഞ്ചമശേഷലോക നിവാസിനം ।
ക്രീഡയന്തമഹർനിശം ഗണനാഥയൂഥസമന്വിതം
ചന്ദ്രശേഖരമാശ്രയേ മമ കിം കരിഷ്യതി വൈ യമഃ ॥9॥
മൃത്യുഭീത മൃകണ്ഡുസൂനുകൃതസ്തവം ശിവസന്നിധൗ
യത്ര കുത്ര ച യഃ പഠേന്ന ഹി തസ്യ മൃത്യുഭയം ഭവേത് ।
പൂർണമായുരരോഗതാമഖിലാർഥ സമ്പദമാദരാത്
ചന്ദ്രശേഖര ഏവ തസ്യ ദദാതി മുക്തിമയത്നതഃ ॥10॥
ഇതി ശ്രീചന്ദ്രശേഖരാഷ്ടകസ്തോത്രം സമ്പൂർണം ॥