പ്രദോഷസ്തോത്രമ്

This Page is courtesy of Sanskrit Documents List. Please send your corrections

ശ്രീ ഗണേശായ നമഃ |

ജയ ദേവ ജഗന്നാഥ ജയ ശങ്കര ശാശ്വത |
ജയ സര്വസുരാധ്യക്ഷ ജയ സര്വസുരാര്ചിത || ൧||

ജയ സര്വഗുണാതീത ജയ സര്വവരപ്രദ |
ജയ നിത്യ നിരാധാര ജയ വിശ്വമ്ഭരാവ്യയ || ൨||

ജയ വിശ്വൈകവന്ദ്യേശ ജയ നാഗേന്ദ്രഭൂഷണ |
ജയ ഗൗരീപതേ ശമ്ഭോ ജയ ചന്ദ്രാര്ധശേഖര || ൩||

ജയ കോട്യര്കസങ്കാശ ജയാനന്തഗുണാശ്രയ |
ജയ ഭദ്ര വിരൂപാക്ഷ ജയാചിന്ത്യ നിരഞ്{}ജന || ൪||

ജയ നാഥ കൃപാസിന്ധോ ജയ ഭക്{}താര്തിഭഞ്{}ജന |
ജയ ദുസ്തരസംസാരസാഗരോത്താരണ പ്രഭോ || ൫||

പ്രസീദ മേ മഹാദേവ സംസാരാര്തസ്യ ഖിദ്യതഃ |
സര്വപാപക്ഷയം കൃത്വാ രക്ഷ മാം പരമേശ്വര || ൬||

മഹാദാരിദ്ര്യമഗ്നസ്യ മഹാപാപഹതസ്യ ച |
മഹാശോകനിവിഷ്ടസ്യ മഹാരോഗാതുരസ്യ ച || ൭||

ഋണഭാരപരീതസ്യ ദഹ്യമാനസ്യ കര്മഭിഃ |
ഗ്രഹൈഃ പ്രപീഡ്യമാനസ്യ പ്രസീദ മമ ശങ്കര || ൮||

ദരിദ്രഃ പ്രാര്ഥയേദ്ദേവം പ്രദോഷേ ഗിരിജാപതിമ് |
അര്ഥാഢ്യോ വാ.അഥ രാജാ വാ പ്രാര്ഥയേദ്ദേവമീശ്വരമ് || ൯||

ദീര്ഘമായുഃ സദാരോഗ്യം കോശവൃദ്ധിര്ബലോന്നതിഃ |
മമാസ്തു നിത്യമാനന്ദഃ പ്രസാദാത്തവ ശങ്കര || ൧൦||

ശത്രവഃ സംക്ഷയം യാന്തു പ്രസീദന്തു മമ പ്രജാഃ |
നശ്യന്തു ദസ്യവോ രാഷ്ട്രേ ജനാഃ സന്തു നിരാപദഃ || ൧൧||

ദുര്ഭിക്ഷമരിസന്താപാഃ ശമം യാന്തു മഹീതലേ |
സര്വസസ്യസമൃദ്ധിശ്ച ഭൂയാത്സുഖമയാ ദിശഃ || ൧൨||

ഏവമാരാധയേദ്ദേവം പൂജാന്തേ ഗിരിജാപതിമ് |
ബ്രാഹ്മണാന്ഭോജയേത് പശ്ചാദ്ദക്ഷിണാഭിശ്ച പൂജയേത് || ൧൩||

സര്വപാപക്ഷയകരീ സര്വരോഗനിവാരണീ |
ശിവപൂജാ മയാ.അ.അഖ്യാതാ സര്വാഭീഷ്ടഫലപ്രദാ || ൧൪||

|| ഇതി പ്രദോഷസ്തോത്രം സമ്പൂര്ണമ് ||