അഗസ്ത്യാശ്ടകമ്

This Page is courtesy of Sanskrit Documents List. Please send your corrections

അദ്യ മേ സഫലം ജന്മ ചാദ്യ മേ സഫലം തപഃ |
അദ്യ മേ സഫലം ജ്ഞാനം ശംഭോ ത്വത്പാദദര്ശനാത് || ൧||

കൃതാര്ഥോ.അഹം കൃതാര്ഥോ.അഹം കൃതാര്ഥോ.അഹം മഹേശ്വര |
അദ്യ തേ പാദപദ്മസ്യ ദര്ശനാത്ഭക്തവത്സല || ൨||

ശിവശ്ശംഭുഃ ശിവശ്ശംഭുഃ ശിവശ്ശംഭുഃ ശിവശ്ശിവഃ |
ഇതി വ്യാഹരതോ നിത്യം ദിനാന്യായാന്തു യാന്തു മേ || ൩||

ശിവേ ഭക്തിശ്ശിവേ ഭക്തിശ്ശിവേ ഭക്തിര്ഭവേഭവേ |
സദാ ഭൂയാത് സദാ ഭൂയാത്സദാ  ഭൂയാത്സുനിശ്ചലാ || ൪||

ആജന്മ മരണം യസ്യ മഹാദേവാന്യദൈവതമ് |
മാജനിഷ്യത മദ്വംശേ ജാതോ വാ ദ്രാഗ്വിപദ്യതാമ് || ൫||

ജാതസ്യ ജായമാനസ്യ ഗര്ഭസ്ഥസ്യാ.അപി ദേഹിനഃ |
മാഭൂന്മമ കുലേ ജന്മ യസ്യ ശംഭുര്ന\-ദൈവതമ് || ൬||

വയം ധന്യാ വയം ധന്യാ വയം ധന്യാ ജഗത്ത്രയേ |
ആദിദേവോ മഹാദേവോ യദസ്മത്കുലദൈവതമ് || ൭||

ഹര ശംഭോ മഹാദേവ വിശ്വേശാമരവല്ലഭ |
ശിവശങ്കര സര്വാത്മന്നീലകണ്ഠ നമോ.അസ്തു തേ || ൮||

അഗസ്ത്യാഷ്ടകമേതത്തു യഃ പഠേച്ഛിവസന്നിധൗ |
ശിവലോകമവാപ്നോതി ശിവേന സഹ മോദതേ || ൯||

|| ഇത്യഗസ്ത്യാഷ്ടകമ് ||