logo

|

Home >

Scripture >

scripture >

Malayalam

അഭയങ്കരം ശിവരക്ഷാസ്തോത്രം Abhayankaram - Shivarakshaastotram

Abhayankaram Shivarakshaastotram


ശിവായ നമഃ || 

അഭയങ്കരം ശിവരക്ഷാസ്തോത്രം |

അസ്യ ശ്രീശിവരക്ഷാസ്തോത്രമന്ത്രസ്യ യാജ്ഞവല്ക്യ ഋഷിഃ, 
ശ്രീസദാശിവോ ദേവതാ, അനുഷ്ടുപ് ഛന്ദഃ , 
ശ്രീസദാശിവപ്രീത്യര്ഥം ശിവരക്ഷാസ്തോത്രജപേ വിനിയോഗഃ || 

ചരിതം ദേവദേവസ്യ മഹാദേവസ്യ പാവനം | 
അപാരം പരമോദാരം ചതുര്വര്ഗസ്യ സാധനം ||൧|| 

ഗൗരീവിനായകോപേതം പഞ്ചവക്ത്രം ത്രിനേത്രകം | 
ശിവം ധ്യാത്വാ ദശഭുജം ശിവരക്ഷാം പഠേന്നരഃ ||൨|| 

ഗങ്ഗാധരഃ ശിരഃ പാതു ഭാലമര്ധേന്ദുശേഖരഃ | 
നയനേ മദനധ്വംസീ കര്ണൗ സര്പവിഭൂഷണഃ ||൩|| 

ഘ്രാണം പാതു പുരാരാതിര്മുഖം പാതു ജഗത്പതിഃ | 
ജിഹ്വാം വാഗീശ്വരഃ പാതു കന്ധരാം ശിതികന്ധരഃ ||൪|| 

ശ്രീകണ്ഠഃ പാതു മേ കണ്ഠം സ്കന്ധൗ വിശ്വധുരന്ധരഃ | 
ഭുജൗ ഭൂഭാരസംഹര്താ കരൗ പാതു പിനാകധൃക് ||൫|| 

ഹൃദയം ശങ്കരഃ പാതു ജഠരം ഗിരിജാപതിഃ | 
നാഭിം മൃത്യുഞ്ജയഃ പാതു കടീ വ്യാഘ്രാജിനാംബരഃ ||൬|| 

സക്ഥിനീ പാതു ദീനാര്തശരണാഗതവത്സലഃ | 
ഊരൂ മഹേശ്വരഃ പാതു ജാനുനീ ജഗദീശ്വരഃ ||൭|| 

ജങ്ഘേ പാതു ജഗത്കര്താ ഗുല്ഫൗ പാതു ഗണാധിപഃ | 
ചരണൗ കരുണാസിന്ധുഃ സര്വാങ്ഗാനി സദാശിവഃ ||൮|| 

ഏതാം ശിവബലോപേതാം രക്ഷാം യഃ സുകൃതീ പഠേത് | 
സ ഭുക്ത്വാ സകലാന്കാമാന് ശിവസായുജ്യമാപ്നുയാത് ||൯|| 

ഗ്രഹഭൂതപിശാചാദ്യാസ്ത്രൈലോക്യേ വിചരന്തി യേ | 
ദൂരാദാശു പലായന്തേ ശിവ നാമാഭിരക്ഷണാത് ||൧൦|| 

അഭയങ്കരനാമേദം കവചം പാര്വതീപതേഃ | 
ഭക്ത്യാ ബിഭര്തി യഃ കണ്ഠേ തസ്യ വശ്യം ജഗത്രയം ||൧൧|| 

ഇമാം നാരായണഃ സ്വപ്നേ ശിവരക്ഷാം യഥാദിശത് | 
പ്രാതരുത്ഥായ യോഗീന്ദ്രോ യാജ്ഞവല്ക്യസ്തഥാഽലിഖത് ||൧൨|| 

ഇതി ശ്രീയാജ്ഞവല്ക്യപ്രോക്തമഭയങ്കരം ശിവരക്ഷാസ്തോത്രം സംപൂര്ണം ||

Related Content

आर्तिहर स्तोत्रम - Artihara stotram

दक्षिणामूर्ति वर्णमालास्तोत्रम - DhakshiNamurthi varnamala

शिव प्रातः स्मरण स्तोत्रम - shiva praataH smaraNa stotram

श्री शिवापराधक्षमापण स्तोत्रम - Shivaaparaadhakshamaapana

ਪ੍ਰਦੋਸ਼ ਸ੍ਤੋਤ੍ਰਮ - Pradoshastotram