logo

|

Home >

Scripture >

scripture >

Malayalam

കാലഭൈരവാഷ്ടകം - Kalabhairava Ashtakam

Kalabhairava Ashtakam


ശിവായ നമഃ ||

കാലഭൈരവ അഷ്ടകം

ദേവരാജ സേവ്യമാന പാവനാംഘ്രി പങ്കജം
വ്യാലയജ്ഞ സൂത്രമിന്ദു ശേഖരം കൃപാകരം  ।
നാരദാദി യോഗിവൃന്ദ വന്ദിതം ദിഗംബരം
കാശികാ പുരാധിനാഥ കാലഭൈരവം ഭജേ॥ 1॥

ഭാനുകോടി ഭാസ്വരം ഭവാബ്ധിതാരകം പരം
നീലകണ്ഠം ഈപ്സിതാർഥ ദായകം ത്രിലോചനം ।
കാലകാലം അംബുജാക്ഷം അക്ഷശൂലം അക്ഷരം
കാശികാ പുരാധിനാഥ കാലഭൈരവം ഭജേ॥2॥

ശൂലടങ്ക പാശദണ്ഡ പാണിമാദി കാരണം
ശ്യാമകായം ആദിദേവം അക്ഷരം നിരാമയം ।
ഭീമവിക്രമം പ്രഭും വിചിത്രതാണ്ഡവപ്രിയം
കാശികാ പുരാധിനാഥ കാലഭൈരവം ഭജേ ॥3॥

ഭുക്തിമുക്തിദായകം പ്രശസ്തചാരുവിഗ്രഹം
ഭക്തവത്സലം സ്ഥിതം സമസ്തലോകവിഗ്രഹം ।
വിനിക്വണൻ മനോജ്ഞഹേമകിങ്കിണീ ലസത്കടിം
കാശികാ പുരാധിനാഥ കാലഭൈരവം ഭജേ ॥4॥

ധർമസേതുപാലകം ത്വധർമമാർഗനാശകം
കർമപാശ മോചകം സുശർമദായകം വിഭും ।
സ്വർണവർണശേഷപാശ ശോഭിതാംഗമണ്ഡലം
കാശികാ പുരാധിനാഥ കാലഭൈരവം ഭജേ ॥ 5॥

രത്നപാദുകാ പ്രഭാഭിരാമ പാദയുഗ്മകം
നിത്യം അദ്വിതീയം ഇഷ്ടദൈവതം നിരഞ്ജനം ।
മൃത്യുദർപനാശനം കരാളദംഷ്ട്രമോക്ഷണം
കാശികാ പുരാധിനാഥ കാലഭൈരവം ഭജേ ॥6॥

അട്ടഹാസ ഭിന്നപദ്മജാണ്ഡകോശ സന്തതിം
ദൃഷ്ടിപാതനഷ്ടപാപ ജാലമുഗ്രശാസനം ।
അഷ്ടസിദ്ധിദായകം കപാല മാലികന്ധരം
കാശികാ പുരാധിനാഥ കാലഭൈരവം ഭജേ ॥7॥

ഭൂതസംഘനായകം വിശാലകീർതിദായകം
കാശിവാസലോക പുണ്യപാപശോധകം വിഭും ।
നീതിമാർഗകോവിദം പുരാതനം ജഗത്പതിം
കാശികാ പുരാധിനാഥ കാലഭൈരവം ഭജേ ॥8॥

കാലഭൈരവാഷ്ടകം പഠന്തി യേ മനോഹരം
ജ്ഞാനമുക്തിസാധനം വിചിത്രപുണ്യവർധനം ।
ശോക മോഹ ദൈന്യ ലോഭ കോപ താപ നാശനം
തേ പ്രയാന്തി കാലഭൈരവാംഘ്രി സന്നിധിം ധ്രുവം ॥9॥

ഇതി ശ്രീമച്ഛങ്കരാചാര്യവിരചിതം കാലഭൈരവാഷ്ടകം സമ്പൂർണം ॥

Related Content

ശ്രീമദപ്പയ്യ ദീക്ഷിത വിരചിതാ ആത്മാര്പ്പനസ്തുതിഃ - shrimada

ശ്രീമദപ്പയ്യ ദീക്ഷിത വിരചിതമ് നിഗ്രഹാഷ്ടകമ് - shrimadappayy

അനാദി കല്പേശ്വര സ്തോത്രം - Anaadi Kalpeshvara Stotram

അപമൃത്യുഹരം മഹാമൃത്യുഞ്ജയ സ്തോത്രം - Apamrutyuharam Mahamtut

അപരാധഭഞ്ജനസ്തോത്രം - Aparadhabanjana Stotram