logo

|

Home >

Scripture >

scripture >

Malayalam

മഹാദേവാഷ്ടകം - Mahadeva Ashtakam

 

Mahadeva Ashtakam


ശിവം ശാന്തം ശുദ്ധം പ്രകടമകളങ്കം ശ്രുതിനുതം 
മഹേശാനം ശംഭും സകലസുരസംസേവ്യചരണം | 
ഗിരീശം ഗൗരീശം ഭവഭയഹരം നിഷ്കളമജം 
മഹാദേവം വന്ദേ പ്രണതജനതാപോപശമനം ||൧|| 

 

സദാ സേവ്യം ഭക്തൈര്ഹൃദി വസന്തം ഗിരിശയ-
മുമാകാന്തം ക്ഷാന്തം കരഘൃതപിനാകം ഭ്രമഹരം | 
ത്രിനേത്രം പഞ്ചാസ്യം ദശഭുജമനന്തം ശശിധരം 
മഹാദേവം വന്ദേ പ്രണതജനതാപോപശമനം ||൨||

 

ചിതാഭസ്മാലിപ്തം ഭുജഗമുകുടം വിശ്വസുഖദം 
ധനാധ്യക്ഷസ്യാംഗം ത്രിപുരവധകര്ത്താരമനഘം | 
കരോടീഖട്വാംഗേ ഹ്യുരസി ച ദധാനം മൃതിഹരം 
മഹാദേവം വന്ദേ പ്രണതജനതാപോപശമനം ||൩|| 

 

സദോത്സാഹം ഗംഗാധരമചലമാനന്ദകരണം 
പുരാരാതിം ഭാതം രതിപതിഹരം ദീപ്തവദനം | 
ജടാജൂടൈര്ജുഷ്ടം രസമുഖഗണേശാനപിതരം 
മഹാദേവം വന്ദേ പ്രണതജനതാപോപശമനം ||൪|| 

 

വസന്തം കൈലാസേ സുരമുനിസഭായാം ഹി നിതരാം 
ബ്രുവാണം സദ്ധര്മ്മം നിഖിലമനുജാനന്ദജനകം | 
മഹേശാനീ സാക്ഷാത്സനകമുനിദേവര്ഷിസഹിതാ 
മഹാദേവം വന്ദേ പ്രണതജനതാപോപശമനം ||൫|| 

 

ശിവാം സ്വേ വാമാംഗേ ഗുഹഗണപതിം ദക്ഷിണഭുജേ 
ഗലേ കാലം വ്യാലം ജലധിഗരളം കണ്ഠവിവരേ | 
ലലാടേ ശ്വേതേന്ദും ജഗദപി ദധാനം ച ജഠരേ 
മഹാദേവം വന്ദേ പ്രണതജനതാപോപശമനം ||൬||

 

സുരാണാം ദൈത്യാനാം ബഹുലമനുജാനാം ബഹുവിധം 
തപഃകുര്വാണാനാം ഝടിതി ഫലദാതാരമഖിലം | 
സുരേശം വിദ്യേശം ജലനിധിസുതാകാന്തഹൃദയം 
മഹാദേവം വന്ദേ പ്രണതജനതാപോപശമനം ||൭|| 

 

വസാനം വൈയാഘ്രീം മൃദുലലലിതാം കൃത്തിമജരാം 
വൃഷാരൂഢം സൃഷ്ട്യാദിഷു കമലജാദ്യാത്മവപുഷം | 
അതര്ക്യം നിര്മായം തദപി ഫലദം ഭക്തസുഖദം 
മഹാദേവം വന്ദേ പ്രണതജനതാപോപശമനം ||൮|| 

 

ഇദം സ്തോത്രം ശംഭോര്ദുരിതദലനം ധാന്യധനദം ഹൃദി 
ധ്യാത്വാ ശംഭും തദനു രഘുനാഥേന രചിതം | 
നരഃ സായംപ്രാതഃ പഠതി നിയതം തസ്യ വിപദഃ 
ക്ഷയം യാന്തി സ്വര്ഗ്ഗം വ്രജതി സഹസാ സോഽപി മുദിതഃ ||൯|| 

 

ഇതി പണ്ഡിതരഘുനാഥശര്മണാ വിരചിതം ശ്രീമഹാദേവാഷ്ടകം സമാപ്തം ||

Related Content

ਸਦਾਸ਼ਿਵਾਸ਼੍ਟਕਮ - Sadashivashtakam

સદાશિવાષ્ટકમ - Sadashivashtakam

Bilvaashtakam

Mahadeva Ashtakam

Sadashiva Ashtakam