logo

|

Home >

Scripture >

scripture >

Malayalam

പ്രദോഷ സ്തോത്രം - Pradosha Stotram

Pradosha Stotram

 

ജയ ദേവ ജഗന്നാഥ ജയ ശങ്കര ശാശ്വത । 
ജയ സർവസുരാധ്യക്ഷ ജയ സർവസുരാർചിത ॥1॥


ജയ സർവഗുണാതീത ജയ സർവവരപ്രദ ॥ 
ജയ നിത്യ നിരാധാര ജയ വിശ്വംഭരാവ്യയ ॥2॥


ജയ വിശ്വൈകവന്ദ്യേശ ജയ നാഗേന്ദ്രഭൂഷണ । 
ജയ ഗൗരീപതേ ശംഭോ ജയ ചന്ദ്രാർധശേഖര ॥3॥


ജയ കോഠ്യർകസങ്കാശ ജയാനന്തഗുണാശ്രയ । 
ജയ ഭദ്ര വിരൂപാക്ഷ ജയാചിന്ത്യ നിരഞ്ജന ॥4॥


ജയ നാഥ  കൃപാസിന്ധോ ജയ ഭക്താർതിഭഞ്ജന । 
ജയ ദുസ്തരസംസാരസാഗരോത്താരണ പ്രഭോ ॥5॥


പ്രസീദ മേ മഹാദേവ സംസാരാർതസ്യ ഖിദ്യതഃ । 
സർവപാപക്ഷയം കൃത്വാ രക്ഷ മാം പരമേശ്വര ॥6॥


മഹാദാരിദ്ര്യമഗ്നസ്യ മഹാപാപഹതസ്യ ച ॥ 
മഹാശോകനിവിഷ്ടസ്യ മഹാരോഗാതുരസ്യ ച ॥7॥


ഋണഭാരപരീതസ്യ ദഹ്യമാനസ്യ കർമഭിഃ ॥ 
ഗ്രഹൈഃപ്രപീഡ്യമാനസ്യ പ്രസീദ മമ ശങ്കര ॥8॥


ദരിദ്രഃ പ്രാർഥയേദ്ദേവം പ്രദോഷേ ഗിരിജാപതിം ॥ 
അർഥാഢ്യോ വാഽഥ രാജാ വാ പ്രാർഥയേദ്ദേവമീശ്വരം ॥9॥


ദീർഘമായുഃ സദാരോഗ്യം കോശവൃദ്ധിർബലോന്നതിഃ ॥ 
മമാസ്തു നിത്യമാനന്ദഃ പ്രസാദാത്തവ ശങ്കര ॥10॥


ശത്രവഃ സങ്ക്ഷയം യാന്തു പ്രസീദന്തു മമ പ്രജാഃ ॥ 
നശ്യന്തു ദസ്യവോ രാഷ്ട്രേ ജനാഃ സന്തു നിരാപദഃ ॥11॥


ദുർഭിക്ഷമാരിസന്താപാഃ ശമം യാന്തു മഹീതലേ ॥ 
സർവസസ്യസമൃദ്ധിശ്ച ഭൂയാത്സുഖമയാ ദിശഃ ॥12॥


ഏവമാരാധയേദ്ദേവം പൂജാന്തേ ഗിരിജാപതിം ॥ 
ബ്രാഹ്മണാൻഭോജയേത് പശ്ചാദ്ദക്ഷിണാഭിശ്ച പൂജയേത് ॥13॥


സർവപാപക്ഷയകരീ സർവരോഗനിവാരണീ । 
ശിവപൂജാ മയാഽഽഖ്യാതാ സർവാഭീഷ്ടഫലപ്രദാ ॥14॥

 

ഇതി പ്രദോഷസ്തോത്രം സമ്പൂർണം ॥

Related Content

ശ്രീമദപ്പയ്യ ദീക്ഷിത വിരചിതാ ആത്മാര്പ്പനസ്തുതിഃ - shrimada

ശ്രീമദപ്പയ്യ ദീക്ഷിത വിരചിതമ് നിഗ്രഹാഷ്ടകമ് - shrimadappayy

daaridrya dahana shiva stotram (दारिद्र्य दहन शिव स्तोत्रम्

himaalayakutam shivastotram (हिमालयकृतं शिवस्तोत्रम्)

Kalkikrutam Shiva Stotram