logo

|

Home >

Scripture >

scripture >

Malayalam

ശിവരാമ അഷ്ടകം - Shivaraama Ashtakam

Shivaraama Ashtakam


ശിവ ഹരേ ശിവ രാമ സഖേ പ്രഭോ ത്രിവിധതാപനിവാരണ ഹേ വിഭോ || 
അജ ജനേശ്വര യാദവ പാഹി മാം ശിവ ഹരേ വിജയം കുരു മേ വരം ||൧|| 

 

കമലലോചന രാമ ദയാനിധേ ഹര ഗുരോ ഗജരക്ഷക ഗോപതേ || 
ശിവതനോ ഭവ ശങ്കര പാഹി മാം ശിവ ഹരേ വിജയം കുരു മേ വരം ||൨|| 

 

സ്വജനരഞ്ജന മംഗളമന്ദിരം ഭജതി തം പുരുഷം പരമം പദം || 
ഭവതി തസ്യ സുഖം പരമാദ്ഭുതം ശിവ ഹരേ വിജയം കുരു മേ വരം ||൩|| 

 

ജയ യുധിഷ്ഠിരവല്ലഭ ഭൂപതേ ജയ ജയാര്ജിതപുണ്യപയോനിധേ || 
ജയ കൃപാമയ കൃഷ്ണ നമോഽസ്തു തേ ശിവ ഹരേ വിജയം കുരു മേ വരം ||൪|| 

 

ഭവവിഭോചന മാധവ മാപതേ സുകവിമാനസഹംസ ശിവാരതേ || 
ജനകജാരത രാഘവ രക്ഷ മാം ശിവ ഹരേ വിജയം കുരു മേ വരം ||൫|| 

 

അവനിമണ്ഡലമംഗള മാപതേ ജലദസുന്ദര രാമ രമാപതേ || 
നിഗമകീര്തിഗുണാര്ണവ ഗോപതേ ശിവ ഹരേ വിജയം കുരു മേ വരം || ൬|| 

 

പതിതപാവനനാമമയീ ലതാ തവ യശോ വിമലം പരിഗീയതേ || 
തദപി മാധവ മാം കിമുപേക്ഷസേ ശിവ ഹരേ വിജയം കുരു മേ വരം || ൭|| 

 

അമരതാപരദേവ രമാപതേ വിജയതസ്തവ നാമ ധനോപമാ || 
മയി കഥം കരുണാര്ണവ ജായതേ ശിവ ഹരേ വിജയം കുരു മേ വരം || ൮|| 

 

ഹനുമതഃ പ്രിയ ചാപകര പ്രഭോ സുരസരിദ്ധൃതശേഖര ഹേ ഗുരോ || 
മമ വിഭോ കിമു വിസ്മരണം കൃതം ശിവ ഹരേ വിജയം കുരു മേ വരം || ൯|| 

 

നരഹരേതി പരം ജനസുന്ദരം പഠതി യഃ ശിവരാമകൃതസ്തവം || 
വിശതി രാമരമാചരണാംബുജേ ശിവ ഹരേ വിജയം കുരു മേ വരം ||൧൦|| 

 

പ്രാതരുത്ഥായ യോ ഭക്ത്യാ പഠേദേകാഗ്രമാനസഃ || 
വിജയോ ജായതേ തസ്യ വിഷ്ണുസാന്നിധ്യമാപ്നുയാത് ||൧൧|| 

 

ഇതി ശ്രീരാമാനന്ദവിരചിതം ശിവരാമസ്തോത്രം സംപൂര്ണം ||

Related Content

Abhayankaram Shivaraksha Stotram

About the Saints in English

Articles from Siddhanta Deepika in English

Bengali Devotional stotra

chandramaulIshastotram - Chandramoulisha Stotram