logo

|

Home >

Scripture >

scripture >

Malayalam

ഹൃദയബോധനസ്തോത്രം - Hrudayabodhana Stotram

Hrudayabodhana Stotram


ഹൃദയ സദാ സ്മര പരമവിതാരം ഹൈമവതീകമിതാരം || 
വിഷയഭ്രമണം വിശ്രമവിധുരം വ്യര്ഥം മാസ്മ കൃഥാസ്ത്വം || 

 

ആധിവ്യാധിശതാകുലമനിഭൠതസുഖലോഭാഹിതവിവിധക്ലേശം || 
ആയുശ്ചഞ്ചലകമലദലാഞ്ചലഗതജലബിന്ദുസദൃശക്ഷേമം || 
അശുചിനികായേഽവശ്യവിനാശിനി കായേ ബാലിശമമതാകാഽയേ 
നിയതാപായീ ന ചിരസ്ഥായീ ഭോഗോഽപ്യസുഭഗപര്യവസായീ ||൧|| 

 

ആന്തരരിപുവശമശിവോദര്കം പീതവിതര്കം വിശസി വൃഥാ 
ത്വം കിം തവ ലബ്ധം തത്പ്രേരണയാ  സന്തതവിഷയഭ്രാന്ത്യേയത്യാ ||
സംകടസംഘവിദാരണനിപുണേ ശംകരചരണേ കിങ്കരശരണേ 
സംഘടയ രതിം സങ്കലയ ധൃതിം സഫലയ നിഭൃതം ജനിലാഭം ച  ||൨|| 

 

സങ്കല്പൈകസമുദ്ഭാവിതജഗദുത്പത്ത്യാദിഭിരാത്തവിനോദേ 
യസ്മിന്നേവ മഹേശ്വരശബ്ദഃ സ്വാര്ഥസമന്വയമജഹജ്ജയതി || 
അഖിലാംഹോപഹമമിതശുഭാവഹമഭയദുഹന്തം സ്മരദേഹദഹം 
കരുണാമൃതരസവരുണാലയമയി ഹരിണാങ്കോജ്ജ്വലമൗലിമുപാസ്വ ||൩|| 

 

ത്രിജഗദതീതം യന്മഹിമാനം ത്രയ്യപി ചകിതൈവാഭിദധാതി 
പ്രണമദമര്ത്യപ്രവരശിരോമണിദീധിതിദീപിതപാദസരോജം || 
ഭക്താഭ്യര്ഥിതസാര്ഥസമര്ഥനസാമര്ഥ്യോദ്ധൃതകല്പകകര്പം 
കന്ദര്പാരിമൃതേഽന്യഃ കോഽപി വദാന്യോ ജഗതി ന മാന്യോ ജയതി ||൪|| 

 

ഇതി ഹൃദയബോധനസ്തോത്രം സംപൂര്ണം ||

Related Content

Abhayankaram Shivaraksha Stotram

About the Saints in English

Articles from Siddhanta Deepika in English

Bengali Devotional stotra

chandramaulIshastotram - Chandramoulisha Stotram