Home >
Scripture >
scripture >
Kannada
Copy linkಶ್ರೀಕಾಶೀವಿಶ್ವನಾಥಸ್ತೋತ್ರಮ್ - Shri Kashivishvanatha Stotram
Singer
Please select an Audio
Play Song
Source language
Kannada
Translation language
Click on the songs to view the meaning
Shri Kashivishvanatha Stotram
ಶ್ರೀ ಕಾಶೀವಿಶ್ವನಾಥ ಸ್ತೋತ್ರಮ್
ಕಣ್ಠೇ ಯಸ್ಯ ಲಸತ್ಕರಾಳಗರಳಂ ಗಙ್ಗಾಜಲಂ ಮಸ್ತಕೇ
ವಾಮಾಙ್ಗೇ ಗಿರಿರಾಜರಾಜತನಯಾ ಜಾಯಾ ಭವಾನೀ ಸತೀ |
ನನ್ದಿಸ್ಕನ್ದಗಣಾಧಿರಾಜಸಹಿತಾ ಶ್ರೀವಿಶ್ವನಾಥಪ್ರಭುಃ
ಕಾಶೀಮನ್ದಿರಸಂಸ್ಥಿತೋಽಖಿಲಗುರುರ್ದೇಯಾತ್ಸದಾ ಮಙ್ಗಳಮ್ ||೧||
ಯೋ ದೇವೈರಸುರೈರ್ಮುನೀನ್ದ್ರತನಯೈರ್ಗನ್ಧರ್ವಯಕ್ಷೋರಗೈ-
ರ್ನಾಗರ್ಭೂತಲವಾಸಿಭಿರ್ದ್ವಿಜವರೈಃ ಸಂಸೇವಿತಃ ಸಿದ್ಧಯೇ |
ಯಾ ಗಙ್ಗೋತ್ತರವಾಹಿನೀ ಪರಿಸರೇ ತೀರ್ಥೈರಸಙ್ಖ್ಯೈರ್ವೃತಾ
ಸಾ ಕಾಶೀ ತ್ರಿಪುರಾರಿರಾಜನಗರೀ ದೇಯಾತ್ಸದಾ ಮಙ್ಗಳಮ್ ||೨||
ತೀರ್ಥಾನಾಂ ಪ್ರವರಾ ಮನೋರಥಕರೀ ಸಂಸಾರಪಾರಾಪರಾನನ್ದಾ
ನನ್ದಿಗಣೇಶ್ವರೈರುಪಹಿತಾ ದೇವೈರಶೇಷೈಃ ಸ್ತುತಾ |
ಯಾ ಶಂಭೋರ್ಮಣಿಕುಣ್ಡಲೈಕಕಣಿಕಾ ವಿಷ್ಣೋಸ್ತಪೋದೀರ್ಘಿಕಾ
ಸೇಯಂ ಶ್ರೀಮಣಿಕರ್ಣಿಕಾ ಭಗವತೀ ದೇಯಾತ್ಸದಾ ಮಙ್ಗಳಮ್ ||೩||
ಏಷಾ ಧರ್ಮಪತಾಕಿನೀ ತಟರುಹಾಸೇವಾವಸನ್ನಾಕಿನೀ
ಪಶ್ಯನ್ಪಾತಕಿನೀ ಭಗೀರಥತಪಃಸಾಫಲ್ಯದೇವಾಕಿನೀ |
ಪ್ರೇಮಾರೂಢಪತಾಕಿನೀ ಗಿರಿಸುತಾ ಸಾ ಕೇಕರಾಸ್ವಾಕಿನೀ
ಕಾಶ್ಯಾಮುತ್ತರವಾಹಿನೀ ಸುರನದೀ ದೇಯಾತ್ಸದಾ ಮಙ್ಗಳಮ್ ||೪||
ವಿಘ್ನಾವಾಸನಿವಾಸಕಾರಣಮಹಾಗಣ್ಡಸ್ಥಲಾಲಮ್ಬಿತಃ
ಸಿನ್ದೂರಾರುಣಪುಞ್ಜಚನ್ದ್ರಕಿರಣಪ್ರಚ್ಛಾದಿನಾಗಾಚ್ಛವಿಃ
ಶ್ರೀವಿಶ್ವೇಶ್ವರವಲ್ಲಭೋ ಗಿರಿಜಯಾ ಸಾನನ್ದಕಾನನ್ದಿತಃ
ಸ್ಮೇರಾಸ್ಯಸ್ತವ ಢುಣ್ಢಿರಾಜಮುದಿತೋ ದೇಯಾತ್ಸದಾ ಮಙ್ಗಳಮ್ ||೫||
ಕೇದಾರಃ ಕಲಶೇಶ್ವರಃ ಪಶುಪತಿರ್ಧರ್ಮೇಶ್ವರೋ ಮಧ್ಯಮೋ
ಜ್ಯೇಷ್ಠೇಶೋ ಪಶುಪಶ್ಚ ಕನ್ದುಕಶಿವೋ ವಿಘ್ನೇಶ್ವರೋ ಜಮ್ಬುಕಃ |
ಚನ್ದ್ರೇಶೋ ಹ್ಯಮೃತೇಶ್ವರೋ ಭೃಗುಶಿವಃ ಶ್ರೀವೃದ್ಧಕಾಲೇಶ್ವರೋ
ಮಧ್ಯೇಶೋ ಮಣಿಕರ್ಣಿಕೇಶ್ವರಶಿವೋ ದೇಯಾತ್ಸದಾ ಮಙ್ಗಳಮ್ ||೬||
ಗೋಕರ್ಣಸ್ತ್ವಥ ಭಾರಭೂತನುದನುಃ ಶ್ರೀಚಿತ್ರಗುಪ್ತೇಶ್ವರೋ
ಯಕ್ಷೇಶಸ್ತಿಲಪರ್ಣಸಙ್ಗಮಶಿವೋ ಶೈಲೇಶ್ವರಃ ಕಶ್ಯಪಃ |
ನಾಗೇಶೋಽಗ್ನಿಶಿವೋ ನಿಧೀಶ್ವರಶಿವೋಽಗಸ್ತೀಶ್ವರಸ್ತಾರಕ-
ಜ್ಞಾನೇಶೋಽಪಿ ಪಿತಾಮಹೇಶ್ವರಶಿವೋ ದೇಯಾತ್ಸದಾ ಮಙ್ಗಳಮ್ || ೭||
ಬ್ರಹ್ಮಾಣ್ಡಂ ಸಕಲಂ ಮನೋಷಿತರಸೈ ರತ್ನೈಃ ಪಯೋಭಿರ್ಹರಂ
ಖೇಲೈಃ ಪೂರಯತೇ ಕುಟುಮ್ಬನಿಲಯಾನ್ ಶಂಭೋರ್ವಿಲಾಸಪ್ರದಾ |
ನಾನಾದಿವ್ಯಲತಾವಿಭೂಷಿತವಪುಃ ಕಾಶೀಪುರಾಧೀಶ್ವರೀ
ಶ್ರೀವಿಶ್ವೇಶ್ವರಸುನ್ದರೀ ಭಗವತೀ ದೇಯಾತ್ಸದಾ ಮಙ್ಗಳಮ್ ||೮||
ಯಾ ದೇವೀ ಮಹಿಷಾಸುರಪ್ರಮಥನೀ ಯಾ ಚಣ್ಡಮುಣ್ಡಾಪಹಾ
ಯಾ ಶುಮ್ಭಾಸುರರಕ್ತಬೀಜದಮನೀ ಶಕ್ರಾದಿಭಿಃ ಸಂಸ್ತುತಾ |
ಯಾ ಶೂಲಾಸಿಧನುಃಶರಾಭಯಕರಾದುರ್ಗಾದಿಸನ್ದಕ್ಷಿಣಾ-
ಮಾಶ್ರಿತ್ಯಾಶ್ರಿತವಿಘ್ನಶಂಸಮಯತು ದೇಯಾತ್ಸದಾ ಮಙ್ಗಳಮ್ || ೯||
ಆದ್ಯಾ ಶ್ರೀರ್ವಿಕಟಾ ತತಸ್ತು ವಿರಜಾ ಶ್ರೀಮಙ್ಗಳಾ ಪಾರ್ವತೀ
ವಿಖ್ಯಾತಾ ಕಮಲಾ ವಿಶಾಲನಯನಾ ಜ್ಯೇಷ್ಠಾ ವಿಶಿಷ್ಟಾನನಾ |
ಕಾಮಾಕ್ಷೀ ಚ ಹರಿಪ್ರಿಯಾ ಭಗವತೀ ಶ್ರೀಘಣ್ಟಘಣ್ಟಾದಿಕಾ
ಮೌರ್ಯಾ ಷಷ್ಟಿಸಹಸ್ರಮಾತೃಸಹಿತಾ ದೇಯಾತ್ಸದಾ ಮಙ್ಗಳಮ್ || ೧೦||
ಆದೌ ಪಞ್ಚನದಂ ಪ್ರಯಾಗಮಪರಂ ಕೇದಾರಕುಣ್ಡಂ ಕುರು-
ಕ್ಷೇತ್ರಂ ಮಾನಸಕಂ ಸರೋಽಮೃತಜಲಂ ಶಾವಸ್ಯ ತೀರ್ಥಂ ಪರಮ್ |
ಮತ್ಸ್ಯೋದರ್ಯಥ ದಣ್ಡಖಾಣ್ಡಸಲಿಲಂ ಮನ್ದಾಕಿನೀ ಜಮ್ಬುಕಂ
ಘಣ್ಟಾಕರ್ಣಸಮುದ್ರಕೂಪಸಹಿತೋ ದೇಯಾತ್ಸದಾ ಮಙ್ಗಳಮ್ || ೧೧||
ರೇವಾಕುಣ್ಡಜಲಂ ಸರಸ್ವತಿಜಲಂ ದುರ್ವಾಸಕುಣ್ಡಂ ತತೋ
ಲಕ್ಷ್ಮೀತೀರ್ಥಲವಾಙ್ಕುಶಸ್ಯ ಸಲಿಲಂ ಕನ್ದರ್ಪಕುಣ್ಡಂ ತಥಾ |
ದುರ್ಗಾಕುಣ್ಡಮಸೀಜಲಂ ಹನುಮತಃ ಕುಣ್ಡಪ್ರತಾಪೋರ್ಜಿತಃ
ಪ್ರಜ್ಞಾನಪ್ರಮುಖಾನಿ ವಃ ಪ್ರತಿದಿನಂ ದೇಯಾತ್ಸದಾ ಮಙ್ಗಳಮ್ ||೧೨||
ಆದ್ಯಃ ಕೂಪವರಸ್ತು ಕಾಲದಮನಃ ಶ್ರೀವೃದ್ಧಕೂಪೋಽಪರೋ
ವಿಖ್ಯಾತಸ್ತು ಪರಾಶರಸ್ತು ವಿದಿತಃ ಕೂಪಃ ಸರೋ ಮಾನಸಃ |
ಜೈಗೀಷವ್ಯಮುನೇಃ ಶಶಾಙ್ಕನೃಪತೇಃ ಕೂಪಸ್ತು ಧರ್ಮೋದ್ಭವಃ
ಖ್ಯಾತಃ ಸಪ್ತಸಮುದ್ರಕೂಪಸಹಿತೋ ದೇಯಾತ್ಸದಾ ಮಙ್ಗಳಮ್ ||೧೩||
ಲಕ್ಷ್ಮೀನಾಯಕಬಿನ್ದುಮಾಧವಹರಿರ್ಲಕ್ಷ್ಮೀನೃಸಿಂಹಸ್ತತೋ
ಗೋವಿನ್ದಸ್ತ್ವಥ ಗೋಪಿಕಾಪ್ರಿಯತಮಃ ಶ್ರೀನಾರದಃ ಕೇಶವಃ
ಗಙ್ಗಾಕೇಶವವಾಮನಾಖ್ಯತದನು ಶ್ವೇತೋ ಹರಿಃ ಕೇಶವಃ
ಪ್ರಹ್ಲಾದಾದಿಸಮಸ್ತಕೇಶವಗಣೋ ದೇಯಾತ್ಸದಾ ಮಙ್ಗಳಮ್ ||೧೪||
ಲೋಲಾರ್ಕೋವಿಮಲಾರ್ಕಮಾಯುಖರವಿಃ ಸಂವರ್ತಸಞ್ಜ್ಞೋ
ರವಿರ್ವಿಖ್ಯಾತೋ ದ್ರುಪದುಃಖಸ್ವೋಲ್ಕಮರುಣಃ ಪ್ರೋಕ್ತೋತ್ತರಾರ್ಕೋ ರವಿಃ |
ಗಙ್ಗಾರ್ಕಸ್ತ್ವಥ ವೃದ್ಧವೃದ್ಧಿವಿಬುಧಾ ಕಾಶೀಪುರೀಸಂಸ್ಥಿತಾಃ
ಸೂರ್ಯಾ ದ್ವಾದಶಸಂಜ್ಞಕಾಃ ಪ್ರತಿದಿನಂ ದೇಯಾತ್ಸದಾ ಮಙ್ಗಳಮ್ || ೧೫||
ಆದ್ಯೋ ಢುಣ್ಢಿವಿನಾಯಕೋ ಗಣಪತಿಶ್ಚಿನ್ತಾಮಣಿಃ ಸಿದ್ಧಿದಃ
ಸೇನಾವಿಘ್ನಪತಿಸ್ತು ವಕ್ತ್ರವದನಃ ಶ್ರೀಪಾಶಪಾಣಿಃ ಪ್ರಭುಃ |
ಆಶಾಪಕ್ಷವಿನಾಯಕಾಪ್ರಷಕರೋ ಮೋದಾದಿಕಃ ಷಡ್ಗುಣೋ
ಲೋಲಾರ್ಕಾದಿವಿನಾಯಕಾಃ ಪ್ರತಿದಿನಂ ದೇಯಾತ್ಸದಾ ಮಙ್ಗಳಮ್ ||೧೬||
ಹೇರಮ್ಬೋ ನಲಕೂಬರೋ ಗಣಪತಿಃ ಶ್ರೀಭೀಮಚಣ್ಡೀಗಣೋ
ವಿಖ್ಯಾತೋ ಮಣಿಕರ್ಣಿಕಾಗಣಪತಿಃ ಶ್ರೀಸಿದ್ಧಿದೋ ವಿಘ್ನಪಃ|
ಮುಣ್ಡಶ್ಚಣ್ಡಮುಖಶ್ಚ ಕಷ್ಟಹರಣಃ ಶ್ರೀದಣ್ಡಹಸ್ತೋ ಗಣಃ
ಶ್ರೀದುರ್ಗಾಖ್ಯಗಣಾಧಿಪಃ ಪ್ರತಿದಿನಂ ದೇಯಾತ್ಸದಾ ಮಙ್ಗಳಮ್ ||೧೭||
ಆದ್ಯೋ ಭೈರವಭೀಷಣಸ್ತದಪರಃ ಶ್ರೀಕಾಲರಾಜಃ ಕ್ರಮಾ-
ಚ್ಛ್ರೀಸಂಹಾರಕಭೈರವಸ್ತ್ವಥ ರುರುಶ್ಚೋನ್ಮತ್ತಕೋ ಭೈರವಃ |
ಕ್ರೋಧಶ್ಚಣ್ಡಕಪಾಲಭೈರವವರಃ ಶ್ರೀಭೂತ ನಾಥಾದಯೋ
ಹ್ಯಷ್ಟೌ ಭೈರವಮೂರ್ತಯಃ ಪ್ರತಿದಿನಂ ದೇಯಾತ್ಸದಾ ಮಙ್ಗಳಮ್ ||೧೮||
ಆಧಾತೋಽಮ್ಬಿಕಯಾ ಸಹ ತ್ರಿನಯನಃ ಸಾರ್ಧಂ ಗಣೈರ್ನನ್ದಿತಾಂ
ಕಾಶೀಮಾಶು ವಿಶನ್ ಹರಃ ಪ್ರಥಮತೋ ವಾರ್ಷಧ್ವಜೇಽವಸ್ಥಿತಃ |
ಆಯಾತಾ ದಶ ಧೇನವಃ ಸುಕಪಿಲಾ ದಿವ್ಯೈಃ ಪಯೋಭಿರ್ಹರಂ
ಖ್ಯಾತಂ ತದ್ವೃಷಭಧ್ವಜೇನ ಕಪಿಲಂ ದೇಯಾತ್ಸದಾ ಮಙ್ಗಳಮ್ || ೧೯||
ಆನನ್ದಾಖ್ಯವನಂ ಹಿ ಚಮ್ಪಕವನಂ ಶ್ರೀನೈಮಿಷಂ ಖಾಣ್ಡವಂ
ಪುಣ್ಯಂ ಚೈತ್ರರಥಂ ತ್ವಶಾಕವಿಪಿನಂ ರಮ್ಭಾವನಂ ಪಾವನಮ್ |
ದುರ್ಗಾರಣ್ಯಮಥೋಽಪಿ ಕೈರವವನಂ ವೃನ್ದಾವನಂ ಪಾವನಂ
ವಿಖ್ಯಾತಾನಿ ವನಾನಿ ವಃ ಪ್ರತಿದಿನಂ ದೇಯಾತ್ಸದಾ ಮಙ್ಗಳಮ್ ||೨೦||
ಅಲಿಕುಲದಲನೀಲಃ ಕಾಲದಂಷ್ಟ್ರಾಕರಾಳಃ
ಸಜಲಜಲದನೀಲೋ ವ್ಯಾಲಯಜ್ಞೋಪವೀತಃ |
ಅಭಯವರದಹಸ್ತೋ ಡಾಮರೋದ್ದಾಮನಾದಃ
ಸಕಲದುರಿತಭಕ್ಷೋ ಮಙ್ಗಳಂ ವೋ ದದಾತು || ೨೧||
ಅರ್ಧಾಙ್ಗೇ ವಿಕಟಾ ಗಿರಿನ್ದ್ರತನಯೋ ಗೌರೀ ಸತೀ ಸುನ್ದರೀ
ಸರ್ವಾಙ್ಗೇ ವಿಲಸದ್ವಿಭೂತಿಧವಳೋ ಕಾಲೋ ವಿಶಾಲೇಕ್ಷಣಃ
ವೀರೇಶಃ ಸಹನನ್ದಿಭೃಙ್ಗಿಸಹಿತಃ ಶ್ರೀವಿಶ್ವನಾಥಃ ಪ್ರಭುಃ
ಕಾಶೀಮನ್ದಿರಸಂಸ್ಥಿತೋಽಖಿಲಗುರುರ್ದೇಯಾತ್ಸದಾ ಮಙ್ಗಳಮ್ ||೨೨||
ಯಃ ಪ್ರಾತಃ ಪ್ರಯತಃ ಪ್ರಸನ್ನಮನಸಾ ಪ್ರೇಮಪ್ರಮೋದಾಕುಲಃ
ಖ್ಯಾತಂ ತತ್ರ ವಿಶಿಷ್ಟಪಾದಭುವನೇಶೇನ್ದ್ರಾದಿಭಿರ್ಯತ್ಸ್ತುತಮ್ |
ಪ್ರಾತಃ ಪ್ರಾಙ್ಮುಖಮಾಸನೋತ್ತಮಗತೋ ಬ್ರುಯಾಚ್ಛೃಣೋತ್ಯಾದರಾತ್
ಕಾಶೀವಾಸಮುಖಾನ್ಯವಾಪ್ಯ ಸತತಂ ಪ್ರೀತೇ ಶಿವೇ ಧೂರ್ಜಟಿಃ ||೨೩||
ಇತಿ ಶ್ರೀಮಚ್ಛಙ್ಕರಾಚಾರ್ಯವಿರಚಿತಂ ಕಾಶೀವಿಶ್ವನಾಥಸ್ತೋತ್ರಂ ಸಂಪೂರ್ಣಮ್ ||