Home >
Scripture >
scripture >
Kannada
Copy linkಶಿವಸ್ತುತಿಃ (ಶ್ರೀ ಮಲ್ಲಿಕುಚಿಸೂರಿಸೂನು ನಾರಯಣ ಪಣ್ಡಿತಾಚಾರ್ಯ ವಿರಚಿತಾ) - Shiva Stutih (Shri Mallikuchisoorisoonu Narayana Panditaachaarya Virachita)
Singer
Please select an Audio
Play Song
Source language
Kannada
Translation language
Click on the songs to view the meaning
Shiva Stutih
(Shri Mallikuchisoorisoonu Narayana Panditaachaarya Virachita)
ಶಿವಾಯ ನಮಃ ||
ಶಿವಸ್ತುತಿಃ |
(ಶ್ರೀ ಮಲ್ಲಿಕುಚಿಸೂರಿಸೂನು ನಾರಯಣ ಪಣ್ಡಿತಾಚಾರ್ಯ ವಿರಚಿತಾ)
ಸ್ಫುಟಂ ಸ್ಫಟಿಕಸಪ್ರಭಂ ಸ್ಫುಟಿತಹಾರಕಶ್ರೀಜಟಂ ಶಶಾಙ್ಕದಲಶೇಖರಂ ಕಪಿಲಫುಲ್ಲನೇತ್ರತ್ರಯಮ್ |
ತರಕ್ಷುವರಕೃತ್ತಿಮದ್ಭುಜಗಭೂಷಣಂ ಭೂತಿಮತ್ಕದಾ ನು ಶಿತಿಕಣ್ಠ ತೇ ವಪುರವೇಕ್ಷತೇ ವೀಕ್ಷಣಮ್ ||೧||
ತ್ರಿಲೋಚನ ವಿಲೋಚನೇ ಲಸತಿ ತೇ ಲಲಾಮಾಯಿತೇ ಸ್ಮರೋ ನಿಯಮಘಸ್ಮರೋ ನಿಯಮಿನಾಮಭೂದ್ಭಸ್ಮಸಾತ್ |
ಸ್ವಭಕ್ತಿಲತಯಾ ವಶೀಕೃತವತೀ ಸತೀಯಂ ಸತೀ ಸ್ವಭಕ್ತವಶತೋ ಭವಾನಪಿ ವಶೀ ಪ್ರಸೀದ ಪ್ರಭೋ ||೨||
ಮಹೇಶ ಮಹಿತೋಽಸಿ ತತ್ಪುರುಷಪೂರುಷಾಗ್ರ್ಯೋ ಭವಾನಘೋರರಿಪುಘೋರ ತೇಽನವಮ ವಾಮದೇವಾಞ್ಜಲಿಃ |
ನಮಃ ಸಪದಿಜಾತ ತೇ ತ್ವಮಿತಿ ಪಞ್ಚರೂಪೋಚಿತಪ್ರಪಞ್ಚಚಯಪಞ್ಚವೃನ್ಮಮ ಮನಸ್ತಮಸ್ತಾಡಯ ||೩||
ರಸಾಘನರಸಾನಲಾನಿಲವಿಯದ್ವಿವಸ್ವದ್ವಿಧುಪ್ರಯಷ್ಟೃಷು ನಿವಿಷ್ಟಮಿತ್ಯಜ ಭಜಾಮಿ ಮೂರ್ತ್ಯಷ್ಟಕಮ್ |
ಪ್ರಶಾನ್ತಮುತ ಭೀಷಣಂ ಭುವನಮೋಹನಂ ಚೇತ್ಯಹೋ ವಪೂಂಷಿ ಗುಣಭೂಷಿತೇಽಹಮಹಮಾತ್ಮಮೋಹಮ್ಭಿದೇ ||೪||
ವಿಮುಕ್ತಿಪರಮಾಧ್ವನಾಂ ತವ ಷಡಧ್ವನಾಮಾಸ್ಪದಂ ಪದಂ ನಿಗಮವೇದಿನೋ ಜಗತಿ ವಾಮದೇವಾದಯಃ |
ಕಥಞ್ಚಿದುಪಶಿಕ್ಷಿತಾ ಭಗವತೈವ ಸಂವಿದ್ರತೇ ವಯಂ ತು ವಿರಲಾನ್ತರಾಃ ಕಥಮುಮೇಶ ತನ್ಮನ್ಮಹೇ ||೫||
ಕಠೋರಿತಕುಠಾರಯಾ ಲಲಿತಶೂಲಯಾ ವಾಹಯಾ ರಣಡ್ಡಮರುಣಾ ಸ್ಫುದ್ಧರಿಣಯಾ ಸಖಟ್ವಾಙ್ಗಯಾ |
ಚಲಾಭಿರಚಲಾಭಿರಪ್ಯಗಣಿತಾಭಿರುನ್ನತ್ಯತಶ್ಚತುರ್ದಶ ಜಗನ್ತಿ ತೇ ಜಯ ಜಯೇತ್ಯಯುರ್ವಿಸ್ಮಯಮ್ ||೬||
ಪುರಾ ತ್ರಿಪುರರನ್ಧನಂ ವಿವಿಧದೈತ್ಯವಿಧ್ವಂಸನಂ ಪರಾಕ್ರಮಪರಂಪರಾ ಅಪಿ ಪರಾ ನ ತೇ ವಿಸ್ಮಯಃ |
ಅಮರ್ಷಿಬಲಹರ್ಷಿತಕ್ಷುಭಿತವೃತ್ತನೇತ್ರೋಜ್ಜ್ವಲಜ್ಜ್ವಲನಹೇಲಯಾ ಶಲಭಿತಂ ಹಿ ಲೋಕತ್ರಯಮ್ ||೭||
ಸಹಸ್ರನಯನೋ ಗುಹಃ ಸಹಸಹಸ್ರರಶ್ಮಿರ್ವಿಧುರ್ಬೃಹಸ್ಪತಿರುತಾಪ್ಪತಿಃ ಸಸುರಸಿದ್ಧವಿದ್ಯಾಧರಾಃ |
ಭವತ್ಪದಪರಾಯಣಾಃ ಶ್ರಿಯಮಿಮಾಂ ಯಯುಃ ಪ್ರಾರ್ಥಿತಾಂ ಭವಾನ್ ಸುರತರುರ್ಭೃಶಂ ಶಿವ ಶಿವ ಶಿವಾವಲ್ಲಭ ||೮||
ತವ ಪ್ರಿಯತಮಾದತಿಪ್ರಿಯತಮ ಸದೈವಾನ್ತರಂ ಪಯಸ್ಯುಪಹಿತಂ ಘೃತಂ ಸ್ವಯಮಿವ ಶ್ರಿಯೋ ವಲ್ಲಭಮ್ |
ವಿಬುಧ್ಯ ಲಘುಬುದ್ಧಯಃ ಸ್ವಪರಪಕ್ಷಲಕ್ಷ್ಯಾಯಿತಂ ಪಠನ್ತಿ ಹಿ ಲುಠನ್ತಿ ತೇ ಶಠಹೃದಃ ಶುಚಾ ಶುಣ್ಠಿತಾಃ ||೯||
ನಿವಾಸನಿಲಯಾ ಚಿತಾ ತವ ಶಿರಸ್ತತೇರ್ಮಾಲಿಕಾ ಕಪಾಲಮಪಿ ತೇ ಕರೇ ತ್ವಮಶಿವೋಽಸ್ಯನನ್ತರ್ಧಿಯಾಮ್ |
ತಥಾಪಿ ಭವತಃ ಪದಂ ಶಿವಶಿವೇತ್ಯದೋ ಜಲ್ಪತಾಮಕಿಞ್ಚನ ನ ಕಿಞ್ಚನ ವೃಜಿನಮಸ್ತಿ ಭಸ್ಮೀಭವೇತ್ ||೧೦||
ತ್ವಮೇವ ಕಿಲ ಕಾಮಧುಕ್ ಸಕಲಕಾಮಮಾಪೂರಯನ್ ಸದಾ ತ್ರಿನಯನೋ ಭವಾನ್ ವಹತಿ ಚಾರ್ಚಿ ನೇತ್ರೋದ್ಭವಮ್ |
ವಿಷಂ ವಿಷಧರಾನ್ದಧತ್ಪಿಬಸಿ ತೇನ ಚಾನನ್ದವಾನ್ವಿರುದ್ಧಚರಿತೋಚಿತಾ ಜಗದಧೀಶ ತೇ ಭಿಕ್ಷುತಾ ||೧೧||
ನಮಃ ಶಿವಶಿವಾಶಿವಾಶಿವಾರ್ಥಕೄನ್ತಾಶಿವಂ ನಮೋ ಹರಹರಾಹರಾಹರ ಹರಾನ್ತರೀಂ ಮೇ ದ್ರುಶಮ್ |
ನಮೋ ಭವ ಭವಾಭವಪ್ರಭವಭೂತಯೇ ಮೇ ಭವಾನ್ನಮೋ ಮೃಡ ನಮೋ ನಮೋ ನಮ ಉಮೇಶ ತುಭ್ಯಂ ನಮಃ ||೧೨||
ಸತಾಂ ಶ್ರವಣಪದ್ಧತಿಂ ಸರತು ಸನ್ನತೋಕ್ತೇತ್ಯಸೌ ಶಿವಸ್ಯ ಕರುಣಙ್ಕುರಾತ್ಪ್ರತಿಕೃತಾತ್ಸದಾ ಸೋಚಿತಾ |
ಇತಿ ಪ್ರಥಿತಮಾನಸೋ ವ್ಯಧಿತ ನಾಮ ನಾರಾಯಣಃ ಶಿವಸ್ತುತಿಮಿಮಾಂ ಶಿವಂ ಲಿಕುಚಿಸೂರಿಸೂನುಃ ಸುಧೀಃ ||೧೩||
ಇತಿ ಶ್ರೀಮಲ್ಲಿಕುಚಿಸೂರಿಸೂನುನಾರಯಣಪಣ್ಡಿತಾಚಾರ್ಯವಿರಚಿತಾ ಶಿವಸ್ತುತಿಃ ಸಂಪೂರ್ಣಾ||