Home >
Scripture >
scripture >
Kannada
Copy linkಉಮಾಮಹೇಶ್ವರ ಸ್ತೋತ್ರ
Singer
Gokula Krishna Aiyar
Play Song
Source language
Kannada
Translation language
Click on the songs to view the meaning
Umamaheshvara Stotra
ನಮಃ ಶಿವಾಭ್ಯಾಂ ನವಾಯೌವನಾಭ್ಯಾಂ ಪರಸ್ಪರಾಶ್ಲಿಷ್ಟವಪುರ್ಧರಾಭ್ಯಾಂ ||
ನಗೇನ್ದ್ರಕನ್ಯಾವೃಷಕೇತನಾಭ್ಯಾಂ ನಮೋ ನಮಃ ಶಙ್ಕರಪಾರ್ವತೀಭ್ಯಾಂ||೧||
ನಮಃ ಶಿವಾಭ್ಯಾಂ ಸರಸೋತ್ಸವಾಭ್ಯಾಂ ನಮಸ್ಕೃತಾಭೀಷ್ಟವರಪ್ರದಾಭ್ಯಾಂ |
ನಾರಾಯಣೇನಾರ್ಚಿತಪಾದುಕಾಭ್ಯಾಂ ನಮೋ ನಮಃ ಶಙ್ಕರಪಾರ್ವತೀಭ್ಯಾಂ ||೨||
ನಮಃ ಶಿವಾಭ್ಯಾಂ ವೃಷವಾಹನಾಭ್ಯಾಂ ವಿರಿಞ್ಚಿವಿಷ್ಣ್ವಿನ್ದ್ರಸುಪೂಜಿತಾಭ್ಯಾಂ |
ವಿಭೂತಿಪಾಟೀರವಿಲೇಪನಾಭ್ಯಾಂ ನಮೋ ನಮಃ ಶಙ್ಕರಪಾರ್ವತೀಭ್ಯಾಂ ||೩||
ನಮಃ ಶಿವಾಭ್ಯಾಂ ಜಗದೀಶ್ವರಾಭ್ಯಾಂ ಜಗತ್ಪತಿಭ್ಯಾಂ ಜಯವಿಗ್ರಹಭ್ಯಾಂ |
ಜಂಭಾರಿಮುಖ್ಯೈರಭಿವನ್ದಿತಾಭ್ಯಾಂ ನಮೋ ನಮಃ ಶಙ್ಕರಪಾರ್ವತೀಭ್ಯಾಂ ||೪||
ನಮಃ ಶಿವಾಭ್ಯಾಂ ಪರಮೌಷಧಾಭ್ಯಾಂ ಪಞ್ಚಾಕ್ಷರೀಪಞ್ಜರರಞ್ಜಿತಾಭ್ಯಾಂ |
ಪ್ರಪಞ್ಚಸೃಷ್ಟಿಸ್ಥಿತಿಸಂಹೃತಿಭ್ಯಾಂ ನಮೋ ನಮಃ ಶಙ್ಕರಪಾರ್ವತೀಭ್ಯಾಂ ||೫||
ನಮಃ ಶಿವಾಭ್ಯಾಮತಿಸುನ್ದರಾಭ್ಯಾಮತ್ಯನ್ತಮಾಸಕ್ತಹೃದಂಬುಜಾಭ್ಯಾಂ |
ಅಶೇಷಲೋಕೈಕಹಿತಙ್ಕರಾಭ್ಯಾಂ ನಮೋ ನಮಃ ಶಙ್ಕರಪಾರ್ವತೀಭ್ಯಾಂ ||೬||
ನಮಃ ಶಿವಾಭ್ಯಾಂ ಕಲಿನಾಶನಾಭ್ಯಾಂ ಕಙ್ಕಾಳಕಲ್ಯಾಣವಪುರ್ಧರಾಭ್ಯಾಂ |
ಕೈಲಾಸಶೈಲಸ್ಥಿತದೇವತಾಭ್ಯಾಂ ನಮೋ ನಮಃ ಶಙ್ಕರಪಾರ್ವತೀಭ್ಯಾಂ ||೭||
ನಮಃ ಶಿವಾಭ್ಯಾಮಶುಭಾಪಹಾಭ್ಯಾಮಶೇಷಲೋಕೈಕವಿಶೇಷಿತಾಭ್ಯಾಂ ||
ಅಕುಣ್ಠಿತಾಭ್ಯಾಂ ಸ್ಮೃತಿಸಂಭೃತಾಭ್ಯಾಂ ನಮೋ ನಮಃ ಶಙ್ಕರಪಾರ್ವತೀಭ್ಯಾಂ ||೮||
ನಮಃ ಶಿವಾಭ್ಯಾಂ ರಥವಾಹನಾಭ್ಯಾಂ ರವೀನ್ದುವೈಶ್ವಾನರಲೋಚನಾಭ್ಯಾಂ |
ರಾಕಾಶಶಾಙ್ಕಾಭಮುಖಾಂಬುಜಾಭ್ಯಾಂ ನಮೋ ನಮಃ ಶಙ್ಕರಪಾರ್ವತೀಭ್ಯಾಂ ||೯||
ನಮಃ ಶಿವಾಭ್ಯಾಂ ಜಟಿಲನ್ಧರಾಭ್ಯಾಂ ಜರಾಮೃತಿಭ್ಯಾಂ ಚ ವಿವರ್ಜಿತಾಭ್ಯಾಂ |
ಜನಾರ್ದನಾಬ್ಜೋದ್ಭವಪೂಜಿತಾಭ್ಯಾಂ ನಮೋ ನಮಃ ಶಙ್ಕರಪಾರ್ವತೀಭ್ಯಾಂ ||೧೦||
ನಮಃ ಶಿವಾಭ್ಯಾಂ ವಿಷಮೇಕ್ಷಣಾಭ್ಯಾಂ ಬಿಲ್ವಚ್ಛದಾಮಲ್ಲಿಕದಾಮಭೃಚ್ದ್ಯಾಂ |
ಶೋಭಾವತೀಶಾನ್ತವತೀಶ್ವರಾಭ್ಯಾಂ ನಮೋ ನಮಃ ಶಙ್ಕರಪಾರ್ವತೀಭ್ಯಾಂ || ೧೧||
ನಮಃ ಶಿವಾಭ್ಯಾಂ ಪಶುಪಾಲಕಾಭ್ಯಾಂ ಜಗತ್ರಯೀರಕ್ಷಣಬದ್ಧಹೃದ್ಭ್ಯಾಂ |
ಸಮಸ್ತದೇವಾಸುರಪೂಜಿತಾಭ್ಯಾಂ ನಮೋ ನಮಃ ಶಙ್ಕರಪಾರ್ವತೀಭ್ಯಾಂ ||೧೨||
ಸ್ತೋತ್ರಂ ತ್ರಿಸನ್ಧ್ಯಂ ಶಿವಪಾರ್ವತೀಯಂ ಭಕ್ತ್ಯಾ ಪಠೇದ್ವಾದಶಕಂ ನರೋ ಯಃ |
ಸ ಸರ್ವಸೌಭಾಗ್ಯಫಲಾನಿ ಭುಙ್ತೇ ಶತಾಯುರನ್ತೇ ಶಿವಲೋಕಮೇತಿ ||೧೩||
ಇತಿ ಶ್ರೀಮತ್ಪರಮಹಂಸಪರಿವ್ರಾಜಕಾಚಾರ್ಯಸ್ಯ ಶ್ರೀಗೋವಿನ್ದಭಗವತ್ಪೂಜ್ಯಪಾದಶಿಷ್ಯಸ್ಯ ಶ್ರೀಮಚ್ಛಙ್ಕರಭಗವತಃ ಕೃತಾವುಮಾಮಹೇಶ್ವರಸ್ತೋತ್ರಂ ಸಂಪೂರ್ಣಂ ||