Home >
Scripture >
scripture >
Kannada
Copy linkಶಿವಲೋಚನ ಸ್ತುತಿಃ - Shivalochana Stutih
Singer
Please select an Audio
Play Song
Source language
Kannada
Translation language
Click on the songs to view the meaning
Shivalochana Stutih
ಜಯತಿ ಲಲಾಟಕಟಾಕ್ಷಃ ಶಶಿಮೌಲೇಃ ಪಕ್ಷ್ಮಲಃ ಪ್ರಿಯಪ್ರಣತೌ |
ಧನುಷಿ ಸ್ಮರೇಣ ನಿಹಿತಃ ಸಕಣ್ಟಕಃ ಕೇತಕೇಪುರಿವ ||೧||
ಸಾನನ್ದಾ ಗಣಗಾಯಕೇ ಸಪುಲಕಾ ಗೌರೀಮುಖಾಮ್ಭೋರುಹೇ
ಸಕ್ರೋಧಾ ಕುಸುಮಾಯುಧೇ ಸಕರುಣಾ ಪಾದಾನತೇ ವಜ್ರಿಣಿ |
ಸಸ್ಮೇರಾ ಗಿರಿಜಾಸಖೀಷು ಸನಯಾ ಶೈಲಾಧಿನಾಥೇ ವಹನ್
ಭೂಮೀನ್ದ್ರ ಪ್ರದಿಶನ್ತು ಶರ್ಮ ವಿಪುಲಂ ಶಮ್ಭೋಃ ಕಟಾಕ್ಷಚ್ಛಟಾಃ ||೨||
ಏಕಂ ಧ್ಯಾನನಿಮೀಲನಾನ್ಮುಕುಲಿತಂ ಚಕ್ಷುರ್ದ್ವಿತೀಯಂ ಪುನಃ
ಪಾರ್ವತ್ಯಾ ವದನಾಮ್ಬುಜಸ್ತನತಟೇ ಶ್ರೃಙ್ಗಾರಭಾರಾಲಸಮ್ |
ಅನ್ಯದ್ದೂರವಿಕೃಷ್ಟಚಾಪಮದನಕ್ರೋಧಾನಲೋದ್ದೀಪಿತಂ
ಶಂಭೋರ್ಭಿನ್ನರಸಂ ಸಮಾಧಿಸಮಯೇ ನೇತ್ರತ್ರಯಂ ಪಾತು ವಃ ||೩||
ಪಕ್ಷ್ಮಾಲೀಪಿಙ್ಗಲಿಮ್ನಃ ಕಣ ಇವ ತಡಿತಾಂ ಯಸ್ಯ ಕೃತ್ಸ್ನಃ
ಸಮೂಹೋ ಯಸ್ಮಿನ್ ಬ್ರಹ್ಮಾಣ್ಡಮೀಷದ್ವಿಘಟಿತಮುಕುಲೇ ಕಾಲಯಜ್ವಾ ಜುಹಾವ |
ಅರ್ಚಿರ್ನಿಷ್ಟಪ್ತಚೂಡಾಶಶಿಗಣಿತಸುಧಾಘೋರಝಾಙ್ಕಾರಕೋಣಂ
ತಾರ್ತೀಯಂ ಯತ್ಪುರಾರೇಸ್ತದವತು ಮದನಪ್ಲೋಷಣಂ ಲೋಚನಂ ವಃ ||೪||
ಇತಿ ಶಿವಲೋಚನಸ್ತುತಿಃ ಸಂಪೂರ್ಣಾ ||