logo

|

Home >

Scripture >

scripture >

Kannada

ಚನ್ದ್ರಚೂಡಾಲಾಷ್ಟಕಮ್ - Chandrachoodaalaa Ashtakam

Chandrachoodaalaa Ashtakam


ಚನ್ದ್ರಚೂಡಾಲಾ ಅಷ್ಟಕಮ್

ಯಮನಿಯಮಾದ್ಯಙ್ಗಯುತೈರ್ಯೋಗೈರ್ಯತ್ಪಾದಪಙ್ಕಜಂ ದ್ರಷ್ಟುಮ್ | 
ಪ್ರಯತನ್ತೇ ಮುನಿವರ್ಯಾಸ್ತಮಹಂ ಪ್ರಣಮಾಮಿ ಚನ್ದ್ರಚೂಡಾಲಮ್ ||೧|| 

ಯಮಗರ್ವಭಞ್ಜನಚಣಂ ನಮತಾಂ ಸರ್ವೇಷ್ಟದಾನಧೌರೇಯಮ್ | 
ಶಮದಮಸಾಧನಸಂಪಲ್ಲಭ್ಯಂ ಪ್ರಣಮಾಮಿ ಚನ್ದ್ರಚೂಡಾಲಮ್ ||೨|| 

ಯಂ ದ್ರೋಣಬಿಲ್ವಮುಖ್ಯೈಃ ಪೂಜಯತಾಂ ದ್ವಾರಿ ಮತ್ತಮಾತಙ್ಗಾಃ | 
ಕಣ್ಠೇ ಲಸನ್ತಿ ವಿದ್ಯಾಸ್ತಮಹಂ ಪ್ರಣಮಾಮಿ ಚನ್ದ್ರಚೂಡಾಲಮ್ ||೩|| 

ನಲಿನಭವಪದ್ಮನೇತ್ರಪ್ರಮುಖಾಮರಸೇವ್ಯಮಾನಪದಪದ್ಮಮ್ | 
ನತಜನವಿದ್ಯಾದಾನಪ್ರವಣಂ ಪ್ರಣಮಾಮಿ ಚನ್ದ್ರಚೂಡಾಲಮ್ ||೪|| 

ನುತಿಭಿರ್ದೇವವರಾಣಾಂ ಮುಖರೀಕೃತಮನ್ದಿರದ್ವಾರಮ್ | 
ಸ್ತುತಮಾದಿಮವಾಕ್ತತಿಭಿಃ ಸತತಂ ಪ್ರಣಮಾಮಿ ಚನ್ದ್ರಚೂಡಾಲಮ್ ||೫|| 

ಜನ್ತೋಸ್ತವ ಪಾದಪೂಜನಕರಣಾತ್ಕರಪದ್ಮಗಾಃ ಪುಮರ್ಥಾಃ ಸ್ಯುಃ | 
ಮುರಹರಪೂಜಿತಪಾದಂ ತಮಹಂ ಪ್ರಣಮಾಮಿ ಚನ್ದ್ರಚೂಡಾಲಮ್ ||೬|| 

ಚೇತಸಿ ಚಿನ್ತಯತಾಂ ಯತ್ಪದಪದ್ಮಂ ಸತ್ವರಂ ವಕ್ತ್ರಾತ್ | 
ನಿಃಸರತಿ ವಾಕ್ಸುಧಾಮಾ ತಮಹಂ ಪ್ರಣಮಾಮಿ ಚನ್ದ್ರಚೂಡಾಲಮ್ ||೭|| 

ನಮ್ರಾಜ್ಞಾನತಮಸ್ತತಿದೂರೀಕರಣಾಯ ನೇತ್ರಲಕ್ಷ್ಮಾದ್ಯಃ | 
ಧತ್ತೇಽಗ್ನಿಚನ್ದ್ರಸೂರ್ಯಾಂಸ್ತಮಹಂ ಪ್ರಣಮಾಮಿ ಚನ್ದ್ರಚೂಡಾಲಮ್ ||೮|| 

ಅಷ್ಟಕಮೇತತ್ಪಠತಾಂ ಸ್ಪಷ್ಟತರಂ ಕಷ್ಟನಾಶನಂ ಪುಂಸಾಮ್ | 
ಅಷ್ಟ ದದಾತಿ ಹಿ ಸಿದ್ಧೀರಿಷ್ಟಸಮಷ್ಟೀಶ್ಚ ಚನ್ದ್ರಚೂಡಾಲಃ ||೯|| 

ಇತಿ ಚನ್ದ್ರಚೂಡಾಲಾಷ್ಟಕಂ ಸಂಪೂರ್ಣಮ್ ||

Related Content

आर्तिहर स्तोत्रम - Artihara stotram

दक्षिणामूर्ति वर्णमालास्तोत्रम - DhakshiNamurthi varnamala

शिव प्रातः स्मरण स्तोत्रम - shiva praataH smaraNa stotram

श्री शिवापराधक्षमापण स्तोत्रम - Shivaaparaadhakshamaapana

ਪ੍ਰਦੋਸ਼ ਸ੍ਤੋਤ੍ਰਮ - Pradoshastotram