logo

|

Home >

Scripture >

scripture >

Kannada

ಅಸಿತಕೃತಂ ಶಿವಸ್ತೋತ್ರಮ್ - Asitakrutam Shivastotram

Asitakrutam Shivastotram


ಅಸಿತ ಕೃತಂ ಶಿವ ಸ್ತೋತ್ರಮ್

ಅಸಿತ ಉವಾಚ || 

ಜಗದ್ಗುರೋ ನಮ್ಸ್ತುಭ್ಯಂ ಶಿವಾಯ ಶಿವದಾಯ ಚ | 
ಯೋಗೀನ್ದ್ರಾಣಾಂ ಚ ಯೋಗೀನ್ದ್ರ ಗುರೂಣಾಂ ಗುರವೇ ನಮಃ ||೧|| 

ಮೃತ್ಯೋರ್ಮೃತ್ಯುಸ್ವರೂಪೇಣ ಮೃತ್ಯುಸಂಸಾರಖಣ್ಡನ | 
ಮೃತ್ಯೋರೀಶ ಮೃತ್ಯುಬೀಜ ಮೃತ್ಯುಞ್ಜಯ ನಮೋಽಸ್ತು  ತೇ ||೨||

ಕಾಲರೂಪಂ ಕಲಯತಾಂ ಕಾಲಕಾಲೇಶ ಕಾರಣ | 
ಕಾಲಾದತೀತ ಕಾಲಸ್ಥ ಕಾಲಕಾಲ ನಮೋಽಸ್ತು ತೇ ||೩|| 

ಗುಣಾತೀತ ಗುಣಾಧಾರ ಗುಣಬೀಜ ಗುಣಾತ್ಮಕ | 
ಗುಣೀಶ ಗುಣಿನಾಂ ಬೀಜ ಗುಣಿನಾಂ ಗುರವೇ ನಮಃ ||೪|| 

ಬ್ರಹ್ಮಸ್ವರೂಪ ಬ್ರಹ್ಮಜ್ಞ ಬ್ರಹ್ಮಭಾವೇ ಚ ತತ್ಪರ | 
ಬ್ರಹ್ಮಬೀಜ ಸ್ವರೂಪೇಣ ಬ್ರಹ್ಮಬೀಜ ನಮೋಽಸ್ತು ತೇ ||೫||

ಇತಿ ಸ್ತುತ್ವಾ ಶಿವಂ ನತ್ವಾ ಪುರಸ್ತಸ್ಥೌ ಮುನೀಶ್ವರಃ | 
ದೀನವತ್ಸಾಶ್ರುನೇತ್ರಶ್ಚ ಪುಳಕಾಞ್ಚಿತವಿಗ್ರಹಃ ||೬|| 

ಅಸಿತೇನ ಕೃತಂ ಸ್ತೋತ್ರಂ ಭಕ್ತಿಯುಕ್ತಶ್ಚ ಯಃ ಪಠೇತ್ | 
ವರ್ಷಮೇಕಂ ಹವಿಷ್ಯಾಶೀ ಶಙ್ಕರಸ್ಯ ಮಹಾತ್ಮನಃ ||೭|| 

ಸ ಲಭೇದ್ವೈಷ್ಣವಂ ಪುತ್ರಂ ಜ್ಞಾನಿನಂ ಚಿರಜೀವಿನಮ್ | 
ದರಿದ್ರೋ ಭವೇದ್ಧನಾಢ್ಯೋ ಮೂಕೋ ಭವತಿ ಪಣ್ಡಿತಃ ||೮|| 

ಅಭಾರ್ಯೋ ಲಭತೇ ಭಾರ್ಯಾಂ ಸುಶೀಲಾಂ ಚ ಪತಿವ್ರತಾಮ್ | 
ಇಹ ಲೋಕೇ ಸುಖಂ ಭುಕ್ತ್ವಾ ಯಾತ್ಯನ್ತೇ ಶಿವಸನ್ನಿಧಿಮ್ ||೯|| 

ಇದಂ ಸ್ತೋತ್ರಂ ಪುರಾ ದತ್ತಂ ಬ್ರಹ್ಮಣಾ ಚ ಪ್ರಚೇತಸೇ | 
ಪ್ರಚೇತಸಾ ಸ್ವಪುತ್ರಾಯಾಸಿತಾಯ ದತ್ತಮುತ್ತಮಮ್ ||೧೦|| 

ಇತಿ ಶ್ರೀಬ್ರಹ್ಮವೈವರ್ತೇ ಮಹಾಪುರಾಣೇ ಶ್ರೀಕೃಷ್ಣಜನ್ಮಖಣ್ಡೇ 
ಅಸಿತಕೃತಂ ಶಿವಸ್ತೋತ್ರಂ ಸಂಪೂರ್ಣಮ್ || 

Related Content

आर्तिहर स्तोत्रम - Artihara stotram

दक्षिणामूर्ति वर्णमालास्तोत्रम - DhakshiNamurthi varnamala

शिव प्रातः स्मरण स्तोत्रम - shiva praataH smaraNa stotram

श्री शिवापराधक्षमापण स्तोत्रम - Shivaaparaadhakshamaapana

ਪ੍ਰਦੋਸ਼ ਸ੍ਤੋਤ੍ਰਮ - Pradoshastotram