Paramatma Ashtakam

---

ಪರಮಾತ್ಮಾ ಅಷ್ಟಕಮ್ |

ಪರಮಾತ್ಮಂಸ್ತವ ಪ್ರಾಪ್ತೌ ಕುಶಲೋಽಸ್ಮಿ ನ ಸಂಶಯಃ | 
ತಥಾಪಿ ಮೇ ಮನೋ ದುಷ್ಟಂ ಭೋಗೇಷು ರಮತೇ ಸದಾ ||೧|| 

ಯದಾ ಯದಾ ತು ವೈರಾಗ್ಯಂ ಭೋಗೇಭ್ಯಶ್ಚ ಕರೋಮ್ಯಹಮ್ | 
ತದೈವ ಮೇ ಮನೋ ಮೂಢಂ ಪುನರ್ಭೋಗೇಷು ಗಚ್ಛತಿ ||೨|| 

ಭೋಗಾನ್ಭುಕ್ತ್ವಾ ಮುದಂ ಯಾತಿ ಮನೋ ಮೇ ಚಞ್ಚಲಂ ಪ್ರಭೋ | 
ತವ ಸ್ಮೃತಿ ಯದಾ ಯಾತಿ ತದಾ ಯಾತಿ ಬಹಿರ್ಮುಖಮ್ ||೩|| 

ಪ್ರತ್ಯಹಂ ಶಾಸ್ತ್ರನಿಚಯಂ ಚಿನ್ತಯಾಮಿ ಸಮಾಹಿತಃ | 
ತಥಾಪಿ ಮೇ ಮನೋ ಮೂಢಂ ತ್ಯಕ್ತ್ವಾ ತ್ವಾಂ ಭೋಗಮಿಚ್ಛತಿ ||೪|| 

ಶೋಕಮೋಹೌ ಮಾನಮದೌ ತವಾಜ್ಞಾನಾದ್ಭವನ್ತಿ ವೈ | 
ಯದಾ ಬುದ್ಧಿಪಥಂ ಯಾಸಿ ಯಾನ್ತಿ ತೇ ವಿಲಯಂ ತದಾ ||೫|| 

ಕೃಪಾಂ ಕುರು ತಥಾ ನಾಥ ತ್ವಯಿ ಚಿತ್ತಂ ಸ್ಥಿರಂ ಯಥಾ | 
ಮಮ ಸ್ಯಾಜ್ಜ್ಞಾನಸಂಯುಕ್ತಂ ತವ ಧ್ಯಾನಪರಾಯಣಮ್ ||೬|| 

ಮಾಯಯಾ ತೇ ವಿಮೂಢೋಽಸ್ಮಿ ನ ಪಶ್ಯಾಮಿ ಹಿತಾಹಿತಮ್ | 
ಸಂಸಾರಾಪಾರಪಾಥೋಧೌ ಪತಿತಂ ಮಾಂ ಸಮುದ್ಧರ ||೭|| 

ಪರಮಾತ್ಮಂಸ್ತ್ವಯಿ ಸದಾ ಮಮ ಸ್ಯಾನ್ನಿಶ್ಚಲಾ ಮತಿಃ | 
ಸಂಸಾರದುಃಖಗಹನಾತ್ತ್ವಂ ಸದಾ ರಕ್ಷಕೋ ಮಮ||೮|| 

ಪರಾತ್ಮನ ಇದಂ ಸ್ತೋತ್ರಂ ಮೋಹವಿಚ್ಛೇದಕಾರಕಮ್ | 
ಜ್ಞಾನದಂ ಚ ಭವೇನ್ನೃಣಾಂ ಯೋಗಾನನ್ದೇನ ನಿರ್ಮಿತಮ್ ||೯|| 

ಇತಿ ಶ್ರೀಯೋಗಾನನ್ದತೀರ್ಥವಿರಚಿತಂ ಪರಮಾತ್ಮಾಷ್ಟಕಂ ಸಂಪೂರ್ಣಮ್ ||