Chandrashekara Ashtaka Stotram

ಶಿವಾಯ ನಮಃ || 

ಚನ್ದ್ರಶೇಖರಾಷ್ಟಕಸ್ತೋತ್ರಮ್ |

ಚನ್ದ್ರಶೇಖರ ಚನ್ದ್ರಶೇಖರ 
ಚನ್ದ್ರಶೇಖರ ಪಾಹಿ ಮಾಮ್ | 
ಚನ್ದ್ರಶೇಖರ ಚನ್ದ್ರಶೇಖರ 
ಚನ್ದ್ರಶೇಖರ ರಕ್ಷ ಮಾಮ್ ||೧|| 

ರತ್ನಸಾನುಶರಾಸನಂ ರಜತಾದ್ರಿಶೃಙ್ಗನಿಕೇತನಂ 
ಸಿಞ್ಜಿನೀಕೃತಪನ್ನಗೇಶ್ವರಮಚ್ಯುತಾನನಸಾಯಕಮ್ | 
ಕ್ಷಿಪ್ರದಗ್ಧಪುರತ್ರಯಂ ತ್ರಿದಿವಾಲಯೈರಭಿವನ್ದಿತಂ 
ಚನ್ದ್ರಶೇಖರಮಾಶ್ರಯೇ ಮಮ ಕಿಂ ಕರಿಷ್ಯತಿ ವೈ ಯಮಃ ||೨|| 

ಪಞ್ಚಪಾದಪಪುಷ್ಪಗನ್ಧಪದಾಂಬುಜದ್ವಯಶೋಭಿತಂ 
ಭಾಲಲೋಚನಜಾತಪಾವಕದಗ್ಧಮನ್ಮಥವಿಗ್ರಹಮ್ | 
ಭಸ್ಮದಿಗ್ಧಕಲೇಬರಂ ಭವ ನಾಶನಂ ಭವಮವ್ಯಯಂ 
ಚನ್ದ್ರಶೇಖರಮಾಶ್ರಯೇ ಮಮ ಕಿಂ ಕರಿಷ್ಯತಿ ವೈ ಯಮಃ ||೩|| 

ಮತ್ತವಾರಣಮುಖ್ಯಚರ್ಮಕೄತೋತ್ತರೀಯಮನೋಹರಂ  
ಪಙ್ಕಜಾಸನಪದ್ಮಲೋಚನಪೂಜಿತಾಂಘ್ರಿಸರೋರುಹಮ್ | 
ದೇವಸಿನ್ಧುತರಙ್ಗಸೀಕರ ಸಿಕ್ತಶುಭ್ರಜಟಾಧರಂ 
ಚನ್ದ್ರಶೇಖರಮಾಶ್ರಯೇ ಮಮ ಕಿಂ ಕರಿಷ್ಯತಿ ವೈ ಯಮಃ ||೪|| 

ಯಕ್ಷರಾಜಸಖಂ ಭಗಾಕ್ಷಹರಂ ಭುಜಙ್ಗವಿಭೂಷಣಂ 
ಶೈಲರಾಜಸುತಾಪರಿಷ್ಕೃತಚಾರುವಾಮಕಲೇಬರಮ್ | 
ಕ್ಷ್ವೇಡನೀಲಗಲಂ ಪರಶ್ವಧಧಾರಿಣಂ ಮೃಗಧಾರಿಣಂ 
ಚನ್ದ್ರಶೇಖರಮಾಶ್ರಯೇ ಮಮ ಕಿಂ ಕರಿಷ್ಯತಿ ವೈ ಯಮಃ ||೫|| 

ಕುಣ್ಡಲೀಕೃತಕುಣ್ಡಲೇಶ್ವರ ಕುಣ್ಡಲಂ ವೃಷವಾಹನಂ 
ನಾರದಾದಿಮುನೀಶ್ವರಸ್ತುತವೈಭವಂ ಭುವನೇಶ್ವರಮ್ | 
ಅನ್ಧಕಾನ್ತಕಮಾಶ್ರಿತಾಮರಪಾದಪಂ ಶಮನಾನ್ತಕಂ  
ಚನ್ದ್ರಶೇಖರಮಾಶ್ರಯೇ ಮಮ ಕಿಂ ಕರಿಷ್ಯತಿ ವೈ ಯಮಃ ||೬|| 

ಭೇಷಜಂ ಭವರೋಗಿಣಾಮಖಿಲಾಪದಾಮಪಹಾರಿಣಂ 
ದಕ್ಷಯಜ್ಞವಿನಾಶನಂ ತ್ರಿಗುಣಾತ್ಮಕಂ ತ್ರಿವಿಲೋಚನಮ್ | 
ಭುಕ್ತಿಮುಕ್ತಿಫಲಪ್ರದಂ ಸಕಲಾಘಸಂಘನಿಬರ್ಹಣಂ 
ಚನ್ದ್ರಶೇಖರಮಾಶ್ರಯೇ ಮಮ ಕಿಂ ಕರಿಷ್ಯತಿ ವೈ ಯಮಃ ||೭|| 

ಭಕ್ತವತ್ಸಲಮರ್ಚಿತಂ ನಿಧಿಕ್ಷಯಂ ಹರಿದಂಬರಂ 
ಸರ್ವಭೂತಪತಿಂ ಪರಾತ್ಪರಮಪ್ರಮೇಯಮನುತ್ತಮಮ್ | 
ಸೋಮವಾರಿದಭೂಹುತಾಶನಸೋಮಪಾನಿಲಖಾಕೃತಿಂ 
ಚನ್ದ್ರಶೇಖರಮಾಶ್ರಯೇ ಮಮ ಕಿಂ ಕರಿಷ್ಯತಿ ವೈ ಯಮಃ ||೮|| 

ವಿಶ್ವಸೃಷ್ಟಿವಿಧಾಯಿನಂ ಪುನರೇವ ಪಾಲನತತ್ಪರಂ 
ಸಂಹರನ್ತಮಪಿ ಪ್ರಪಞ್ಚಮಶೇಷಲೋಕನಿವಾಸಿನಮ್ | 
ಕೀಡಯನ್ತಮಹರ್ನಿಶಂ ಗಣನಾಥಯೂಥಸಮನ್ವಿತಂ 
ಚನ್ದ್ರಶೇಖರಮಾಶ್ರಯೇ ಮಮ ಕಿಂ ಕರಿಷ್ಯತಿ ವೈ ಯಮಃ ||೯|| 

ಮೃತ್ಯುಭೀತಮೃಕಣ್ಡುಸೂನುಕೃತಸ್ತವಂ ಶಿವಸನ್ನಿಧೌ 
ಯತ್ರ ಕುತ್ರ ಚ ಯಃ ಪಠೇನ್ನ ಹಿ ತಸ್ಯ ಮೃತ್ಯುಭಯಂ ಭವೇತ್ | 
ಪೂರ್ಣಮಾಯುರರೋಗತಾಮಖಿಲಾರ್ಥಸಂಪದಮಾದರಾತ್ 
ಚನ್ದ್ರಶೇಖರ ಏವ ತಸ್ಯ ದದಾತಿ ಮುಕ್ತಿಮಯತ್ನತಃ ||೧೦|| 

ಇತಿ ಶ್ರೀಚನ್ದ್ರಶೇಖರಾಷ್ಟಕಸ್ತೋತ್ರಂ ಸಂಪೂರ್ಣಮ್ ||