logo

|

Home >

Scripture >

scripture >

Kannada

ರಾವಣಕೃತ ಶಿವತಾಣ್ಡವ ಸ್ತೋತ್ರ - Ravanakruta Shivatandava Stotra

Ravanakrutam Shivatandava Stotram


ರಾವಣಕೃತಂ ಶಿವತಾಂಡವ ಸ್ತೋತ್ರಂ ।

ಜಟಾಟವೀ ಗಲಜ್ಜಲ ಪ್ರವಾಹಪಾವಿತ ಸ್ಥಲೇ
ಗಲೇ ವಲಂಬ್ಯ ಲಂಬಿತಾಂ ಭುಜಂಗ ತುಂಗ ಮಾಲಿಕಾಂ ।
ಡಮಡ್ಡಮಡ್ಡಮಡ್ಡಮನ್ನಿನಾದವಡ್ ಡಮರ್ವಯಂ
ಚಕಾರ ಚಂಟತಾಂಡವಂ ತನೋತು ನ: ಶಿವ: ಶಿವಂ ॥1॥

ಜಟಾಕಟಾಹ ಸಂಭ್ರಮ ಭ್ರಮನ್ನಿಲಿಂಪ ನಿರ್ಝರೀ
ವಿಲೋಲವೀಚಿ ವಲ್ಲರೀ ವಿರಾಜಮಾನಮೂರ್ದ್ಧನಿ ।
ಧಗದ್ಧಗದ್ ಧಗಜ್ಜ್ವಲ ಲಲಾಟ ಪಟ್ಟ ಪಾವಕೇ
ಕಿಶೋರ ಚಂದ್ರಶೇಖರೇ ರತಿಃ ಪ್ರತಿಕ್ಷಣಂ ಮಮ ॥2॥

ಧರಾಧರೇಂದ್ರ ನಂದಿನೀ ವಿಲಾಸಬಂಧು ಬಂಧುರ
ಸ್ಫುರತ್ ದಿಗಂತಸಂತತಿ ಪ್ರಮೋದಮಾನಮಾನಸೇ ।
ಕೃಪಾ ಕಟಾಕ್ಷ ಧೋರಣೀ ನಿರುದ್ಧ ದುರ್ಧರಾಪದಿ
ಕ್ವಚಿತ್ ಚಿದಂಬರೇ ಮನೋ ವಿನೋದಮೇತು ವಸ್ತುನಿ ॥3॥

ಜಟಾಭುಜಂಗ ಪಿಂಗಲ ಸ್ಫುರತ್ಫಣಾಮಣಿಪ್ರಭಾ
ಕದಂಬ ಕುಂಕುಮ ದ್ರವಪ್ರಲಿಪ್ತ ದಿಗ್ವಧೂಮುಖೇ ।
ಮದಾಂಧ ಸಿಂಧುರ ಸ್ಫುರತ್ತ್ವಗುತ್ತರೀಯ ಮೇದುರೇ
ಮನೋ ವಿನೋದಮದ್ಭುತಂ ಬಿಭರ್ತು ಭೂತಭರ್ತರಿ ॥4॥

ಸಹಸ್ರ ಲೋಚನ ಪ್ರಭೃತ್ಯ ಶೇಷಲೇಖ ಶೇಖರ
ಪ್ರಸೂನ ಧೂಲಿ ಧೋರಣೀ ವಿಧೂಸರಾಂಘ್ರಿಪೀಠಭೂಃ ।
ಭುಜಂಗರಾಜಮಾಲಯಾ ನಿಬದ್ಧಜಾಟಜೂಟಕಃ
ಶ್ರಿಯೈ ಚಿರಾಯ ಜಾಯತಾಂ ಚಕೋರಬಂಧು ಶೇಖರಃ ॥5॥

ಲಲಾಟಚತ್ವರ ಜ್ವಲದ್ ಧನಂಜಯಸ್ಫುಲಿಂಗಭಾ
ನಿಪೀತಪಂಚಸಾಯಕಂ ನಮನ್ನಿಲಿಂಪನಾಯಕಂ
ಸುಧಾಮಯೂಖಲೇಖಯಾ ವಿರಾಜಮಾನಶೇಖರಂ 
ಮಹಾಕಪಾಲಿ ಸಂಪದೇ ಶಿರೋ ಜಟಾಲಮಸ್ತು ನಃ ॥6॥

ಕರಾಲ ಭಾಲ ಪಟ್ಟಿಕಾ ಧಗದ್ಧಗದ್ಧಗಜ್ಜ್ವಲ-
ದ್ಧನಂಜಯಾಧರೀಕೃತ ಪ್ರಚಂಡ ಪಂಚಸಾಯಕೇ ।
ಧರಾಧರೇಂದ್ರ ನಂದಿನೀ ಕುಚಾಗ್ರ ಚಿತ್ರ ಪತ್ರಕ
ಪ್ರಕಲ್ಪನೈಕ ಶಿಲ್ಪಿನಿ ತ್ರಿಲೋಚನೇ ಮತಿರ್ಮಮ ॥7॥

ನವೀನಮೇಘಮಂಡಲೀ ನಿರುದ್ಧ ದುರ್ಧರಸ್ಫುರತ್
ಕುಹೂನಿಶೀಥಿನೀತಮಃ ಪ್ರಬಂಧ ಬಂಧುಕಂಧರಃ
ನಿಲಿಂಪನಿರ್ಝರೀ ಧರ-ಸ್ತನೋತು ಕೃತ್ತಿಸಿಂಧುರಃ
ಕಲಾನಿಧಾನಬಂಧುರಃ ಶ್ರಿಯಂ ಜಗದ್ಧುರಂಧರಃ ॥8॥

ಪ್ರಫುಲ್ಲನೀಲ ಪಂಕಜ ಪ್ರಪಂಚ ಕಾಲಿಮಚ್ಛಟಾ-
ವಿಡಂಬಿ ಕಂಠ ಕಂಧರಾ ರುಚಿಪ್ರಬದ್ಧ ಕಂಧರಂ ।
ಸ್ಮರಚ್ಛಿದಂ ಪುರಚ್ಛಿದಂ ಭವಚ್ಛಿದಂ ಮಖಚ್ಛಿದಂ
ಗಜಚ್ಛಿದಾಂಧಕಚ್ಛಿದಂ ತಮಂತಕಚ್ಛಿದಂ ಭಜೇ ॥9॥

ಅಗರ್ವ ಸರ್ವಮಂಗಲಾ ಕಲಾಕದಂಬಮಂಜರೀ
ರಸಪ್ರವಾಹ ಮಾಧುರೀ ವಿಜೃಂಭಣಾಮಧುವ್ರತಂ ।
ಸ್ಮರಾಂತಕಂ ಪುರಾಂತಕಂ ಭವಾಂತಕಂ ಮಖಾಂತಕಂ
ಗಜಾಂತಕಾಂಧಕಾಂತಕಂ ತಮಂತಕಾಂತಕಂ ಭಜೇ ॥10॥

ಜಯತ್ವದಭ್ರಬಿಭ್ರಮ ಭ್ರಮದ್ಭುಜಂಗಮಸ್ಫುರದ್
ಧಗದ್ಧಗಾದ್ವಿನಿರ್ಗಮತ್ಕರಾಲ ಭಾಲಹವ್ಯವಾಟ್ ।
ಧಿಮಿದ್ಧಿಮಿದ್ಧಿಮಿಧ್ವನನ್ಮೃದಂಗ ತುಂಗಮಂಗಲ
ಧ್ವನಿ ಕ್ರಮ ಪ್ರವರ್ತಿತ ಪ್ರಚಂಡ ತಾಂಡವಃ ಶಿವಃ ॥11॥

ದೃಷದ್ವಿಚಿತ್ರ ತಲ್ಪಯೋರ್ಭುಜಂಗ ಮೌಕ್ತಿಕಸ್ರಜೋ-
ರ್ಗರಿಷ್ಠರತ್ನಲೋಷ್ಠಯೋಃ ಸುಹೃದ್ವಿಪಕ್ಷ ಪಕ್ಷಯೋಃ ।
ತೃಣಾರವಿಂದಚಕ್ಷುಷೋಃ ಪ್ರಜಾಮಹೀ ಮಹೇಂದ್ರಯೋಃ
ಸಮಪ್ರವರ್ತಯನ್ಮನಃ ಕದಾ ಸದಾಶಿವಂ ಭಜೇ ॥ 12॥

ಕದಾ ನಿಲಿಂಪ ನಿರ್ಝರೀ ನಿಕುಂಜಕೋಟರೇ ವಸನ್-
ವಿಮುಕ್ತದುರ್ಮತಿಃ ಸದಾ ಶಿರಃ ಸ್ಥಮಂಜಲಿಂ ವಹನ್ ।
ವಿಮುಕ್ತಲೋಲಲೋಚನಾ ಲಲಾಮಭಾಲಲಗ್ನಕಃ
ಶಿವೇತಿ ಮಂತ್ರಮುಚ್ಚರನ್ ಕದಾ ಸುಖೀ ಭವಾಮ್ಯಹಂ ॥ 13॥

ಇಮಂ ಹಿ ನಿತ್ಯಮೇವ ಮುಕ್ತಮುತ್ತಮೋತ್ತಮಂ ಸ್ತವಂ
ಪಠನ್ಸ್ಮರನ್ಬ್ರುವನ್ನರೋ ವಿಶುದ್ಧಿಮೇತಿ ಸಂತತಂ ।
ಹರೇ ಗುರೌ ಸ ಭಕ್ತಿಮಾಶು ಯಾತಿ ನಾನ್ಯಥಾ ಗತಿಂ
ವಿಮೋಹನಂ ಹಿ ದೇಹಿನಾಂ ತು ಶಂಕರಸ್ಯ ಚಿಂತನಂ ॥ 14॥

ಪೂಜಾವಸಾನಸಮಯೇ ದಶವಕ್ತ್ರಗೀತಂ
ಯಃ ಶಂಭುಪೂಜನಮಿದಂ ಪಠತಿ ಪ್ರದೋಷೇ।
ತಸ್ಯ ಸ್ಥಿರಾಂ ರಥಗಜೇಂದ್ರತುರಂಗಯುಕ್ತಾಂ
ಲಕ್ಷ್ಮೀಂ ಸದೈವ ಸುಮುಖೀಂ ಪ್ರದದಾತಿ ಶಂಭುಃ ॥ 15॥

ಇತಿ ಶ್ರೀರಾವಣವಿರಚಿತಂ ಶಿವತಾಂಡವಸ್ತೋತ್ರಂ ಸಂಪೂರ್ಣಂ ॥

Related Content

आर्तिहर स्तोत्रम - Artihara stotram

दक्षिणामूर्ति वर्णमालास्तोत्रम - DhakshiNamurthi varnamala

शिव प्रातः स्मरण स्तोत्रम - shiva praataH smaraNa stotram

श्री शिवापराधक्षमापण स्तोत्रम - Shivaaparaadhakshamaapana

ਪ੍ਰਦੋਸ਼ ਸ੍ਤੋਤ੍ਰਮ - Pradoshastotram