Shivakavacha Stotram

ಶ್ರೀ ಶಿವಾಯ ನಮಃ ॥

ಅಸ್ಯ ಶ್ರೀ ಶಿವಕವಚಸ್ತೊತ್ರಮಂತ್ರಸ್ಯ

ಬ್ರಹ್ಮಾ ಋಷಿಃ,
ಅನುಷ್ಟುಪ್ ಛಂದಃ,
ಶ್ರೀಸದಾಶಿವರುದ್ರೊ ದೆವತಾ,
ಹ್ರೀಂ ಶಕ್ತಿಃ,
ರಂ ಕೀಲಕಂ,
ಶ್ರೀಂ ಹ್ರೀಂ ಕ್ಲೀಂ ಬೀಜಂ,
ಶ್ರೀಸದಾಶಿವಪ್ರೀತ್ಯರ್ಥೆ ಶಿವಕವಚಸ್ತೊತ್ರಜಪೆ ವಿನಿಯೊಗಃ ।

ಅಥ ನ್ಯಾಸಃ ।

ಒಂ ನಮೊ ಭಗವತೆ ಜ್ವಲಜ್ಜ್ವಾಲಾಮಾಲಿನೆ ಒಂ ಹ್ರಾಂ ಸರ್ವಶಕ್ತಿಧಾಮ್ನೆ ಈಶಾನಾತ್ಮನೆ ಅಂಗುಷ್ಠಾಭ್ಯಾಂ ನಮಃ ।
ಒಂ ನಮೊ ಭಗವತೆ ಜ್ವಲಜ್ಜ್ವಾಲಾಮಾಲಿನೆ ಒಂ ನಂ ರಿಂ ನಿತ್ಯತೃಪ್ತಿಧಾಮ್ನೆ ತತ್ಪುರುಷಾತ್ಮನೆ ತರ್ಜನೀಭ್ಯಾಂ ನಮಃ ।
ಒಂ ನಮೊ ಭಗವತೆ ಜ್ವಲಜ್ಜ್ವಾಲಾಮಾಲಿನೆ ಒಂ ಮಂ ರುಂ ಅನಾದಿಶಕ್ತಿಧಾಮ್ನೆ ಅಘೊರಾತ್ಮನೆ ಮಧ್ಯಮಾಭ್ಯಾಂ ನಮಃ ।
ಒಂ ನಮೊ ಭಗವತೆ ಜ್ವಲಜ್ಜ್ವಾಲಾಮಾಲಿನೆ ಒಂ ಶಿಂ ರೈಂ ಸ್ವತಂತ್ರಶಕ್ತಿಧಾಮ್ನೆ ವಾಮದೆವಾತ್ಮನೆ ಅನಾಮಿಕಾಭ್ಯಾಂ ನಮಃ ।
ಒಂ ನಮೊ ಭಗವತೆ ಜ್ವಲಜ್ಜ್ವಾಲಾಮಾಲಿನೆ ಒಂ ವಾಂ ರೌಂ ಅಲುಪ್ತಶಕ್ತಿಧಾಮ್ನೆ ಸದ್ಯೊಜಾತಾತ್ಮನೆ ಕನಿಷ್ಠಿಕಾಭ್ಯಾಂ ನಮಃ ।
ಒಂ ನಮೊ ಭಗವತೆ ಜ್ವಲಜ್ಜ್ವಾಲಾಮಾಲಿನೆ ಒಂ ಯಂ ರಃ ಅನಾದಿ ಶಕ್ತಿಧಾಮ್ನೆ ಸರ್ವಾತ್ಮನೆ ಕರತಲಕರಪೃಷ್ಠಾಭ್ಯಾಂ ನಮಃ ।

ಹೃದಯಾದಿ ನ್ಯಾಸಃ ।

ಒಂ ನಮೊ ಭಗವತೆ ಜ್ವಲಜ್ಜ್ವಾಲಾಮಾಲಿನೆ ಒಂ ಹ್ರಾಂ ಸರ್ವಶಕ್ತಿಧಾಮ್ನೆ ಈಶಾನಾತ್ಮನೆ ಹೃದಯಾಯ ನಮಃ  ।
ಒಂ ನಮೊ ಭಗವತೆ ಜ್ವಲಜ್ಜ್ವಾಲಾಮಾಲಿನೆ ಒಂ ನಂ ರಿಂ ನಿತ್ಯತೃಪ್ತಿಧಾಮ್ನೆ ತತ್ಪುರುಷಾತ್ಮನೆ ಶಿರಸೇ ಸ್ವಾಹಾ ।
ಒಂ ನಮೊ ಭಗವತೆ ಜ್ವಲಜ್ಜ್ವಾಲಾಮಾಲಿನೆ ಒಂ ಮಂ ರುಂ ಅನಾದಿಶಕ್ತಿಧಾಮ್ನೆ ಅಘೊರಾತ್ಮನೆ ಶಿಕಾಯೈ ವಷಟ್ ।
ಒಂ ನಮೊ ಭಗವತೆ ಜ್ವಲಜ್ಜ್ವಾಲಾಮಾಲಿನೆ ಒಂ ಶಿಂ ರೈಂ ಸ್ವತಂತ್ರಶಕ್ತಿಧಾಮ್ನೆ ವಾಮದೆವಾತ್ಮನೆ ಕವಚಾಯ ಹುಂ ।
ಒಂ ನಮೊ ಭಗವತೆ ಜ್ವಲಜ್ಜ್ವಾಲಾಮಾಲಿನೆ ಒಂ ವಾಂ ರೌಂ ಅಲುಪ್ತಶಕ್ತಿಧಾಮ್ನೆ ಸದ್ಯೊಜಾತಾತ್ಮನೆ ನೇತ್ರತ್ರಯಾಯ ವೌಷಟ್ ।
ಒಂ ನಮೊ ಭಗವತೆ ಜ್ವಲಜ್ಜ್ವಾಲಾಮಾಲಿನೆ ಒಂ ಯಂ ರಃ ಅನಾದಿ ಶಕ್ತಿಧಾಮ್ನೆ ಸರ್ವಾತ್ಮನೆ ಅಸ್ತ್ರಾಯ ಫಟ್ ॥

ಅಥ ಧ್ಯಾನಂ ॥

ವಜ್ರದಂಷ್ಟ್ರಂ ತ್ರಿನಯನಂ ಕಾಲಕಂಠಮರಿಂದಮಂ ।
ಸಹಸ್ರಕರಮತ್ಯುಗ್ರಂ ವಂದೆ ಶಂಭುಮುಮಾಪತಿಂ ॥1॥

ಅಥಾಪರಂ ಸರ್ವಪುರಾಣಗುಹ್ಯಂ ನಿಃಶೆಷಪಾಪೌಘಹರಂ ಪವಿತ್ರಂ ।
ಜಯಪ್ರದಂ ಸರ್ವವಿಪತ್ಪ್ರಮೊಚನಂ ವಕ್ಷ್ಯಾಮಿ ಶೈವಂ ಕವಚಂ ಹಿತಾಯ ತೆ ॥2॥

ಋಷಭ ಉವಾಚ ॥

ನಮಸ್ಕೃತ್ವಾ ಮಹಾದೆವಂ ವಿಶ್ವವ್ಯಾಪಿನಮೀಶ್ವರಂ ।
ವಕ್ಷ್ಯೆ ಶಿವಮಯಂ ವರ್ಮ ಸರ್ವರಕ್ಷಾಕರಂ ನೃಣಾಂ ॥3॥

ಶುಚೌ ದೆಶೆ ಸಮಾಸೀನೊ ಯಥಾವತ್ಕಲ್ಪಿತಾಸನಃ ।
ಜಿತೆಂದ್ರಿಯೊ ಜಿತಪ್ರಾಣಃ ಚಿಂತಯೆಚ್ಛಿವಮವ್ಯಯಂ ॥4॥

ಹೃತ್ಪುಂಡರೀಕಾಂತರಸನ್ನಿವಿಷ್ಟಂ ಸ್ವತೆಜಸಾ ವ್ಯಾಪ್ತನಭೋಽವಕಾಶಂ ।
ಅತೀಂದ್ರಿಯಂ ಸೂಕ್ಷ್ಮಮನಂತಮಾದ್ಯಂ ಧ್ಯಾಯೆತ್ಪರಾನಂದಮಯಂ ಮಹೆಶಂ ॥5॥

ಧ್ಯಾನಾವಧೂತಾಖಿಲಕರ್ಮಬಂಧಶ್ಚಿರಂ ಚಿದಾನಂದನಿಮಗ್ನಚೆತಾಃ ।
ಷಡಕ್ಷರನ್ಯಾಸಸಮಾಹಿತಾತ್ಮಾ ಶೈವೆನ ಕುರ್ಯಾತ್ಕವಚೆನ ರಕ್ಷಾಂ ॥6॥

ಮಾಂ ಪಾತು ದೆವೊಽಖಿಲದೆವತಾತ್ಮಾ ಸಂಸಾರಕೂಪೆ ಪತಿತಂ ಗಭೀರೆ ।
ತನ್ನಾಮ ದಿವ್ಯಂ ವರಮಂತ್ರಮೂಲಂ ಧುನೊತು ಮೆ ಸರ್ವಮಘಂ ಹೃದಿಸ್ಥಂ ॥ 7॥

ಸರ್ವತ್ರ ಮಾಂ ರಕ್ಷತು ವಿಶ್ವಮೂರ್ತಿರ್ಜ್ಯೊತಿರ್ಮಯಾನಂದ ಘನಶ್ಚಿದಾತ್ಮಾ ।
ಅಣೊರಣೀಯಾನುರುಶಕ್ತಿರೆಕಃ ಸ ಈಶ್ವರಃ ಪಾತು ಭಯಾದಶೆಷಾತ್ ॥8॥

ಯೊ ಭೂಸ್ವರೂಪೆಣ ಬಿಭರ್ತಿ ವಿಶ್ವಂ ಪಾಯಾತ್ಸ ಭೂಮೆರ್ಗಿರಿಶೊಽಷ್ಟಮೂರ್ತಿಃ ।
ಯೊಽಪಾಂಸ್ವರೂಪೆಣ ನೃಣಾಂ ಕರೊತಿ ಸಂಜೀವನಂ ಸೊಽವತು ಮಾಂ ಜಲೆಭ್ಯಃ ॥9॥

ಕಲ್ಪಾವಸಾನೆ ಭುವನಾನಿ ದಗ್ಧ್ವಾ ಸರ್ವಾಣಿ ಯೊ ನೃತ್ಯತಿ ಭೂರಿಲೀಲಃ ।
ಸ ಕಾಲರುದ್ರೊಽವತು ಮಾಂ ದವಾಗ್ನೆರ್ವಾತ್ಯಾದಿಭೀತೆರಖಿಲಾಚ್ಚ ತಾಪಾತ್ ॥10॥

ಪ್ರದೀಪ್ತವಿದ್ಯುತ್ಕನಕಾವಭಾಸೊ ವಿದ್ಯಾವರಾಭೀತಿಕುಠಾರ ಪಾಣಿಃ ।
ಚತುರ್ಮುಖಸ್ತತ್ಪುರುಷಸ್ತ್ರಿನೆತ್ರಃ ಪ್ರಾಚ್ಯಾಂ ಸ್ಥಿತೊ ರಕ್ಷತು ಮಾಮಜಸ್ರಂ ॥11॥

ಕುಠಾರಖೆಟಾಂಕುಶಪಾಶಶೂಲಕಪಾಲಢಕ್ಕಾಕ್ಷ ಗುಣಾಂದಧಾನಃ ।
ಚತುರ್ಮುಖೊ ನೀಲರುಚಿಸ್ತ್ರಿನೆತ್ರಃ ಪಾಯಾದಘೊರೊ ದಿಶಿ ದಕ್ಷಿಣಸ್ಯಾಂ ॥12॥

ಕುಂದೆಂದು ಶಂಖಸ್ಫಟಿಕಾವಭಾಸೊ ವೆದಾಕ್ಷಮಾಲಾವರದಾಭಯಾಂಗಃ ।
ತ್ರ್ಯಕ್ಷಶ್ಚತುರ್ವಕ್ತ್ರ ಉರು ಪ್ರಭಾವಃ ಸದ್ಯೊಽಧಿಜಾತೊಽವತು ಮಾಂ ಪ್ರತೀಚ್ಯಾಂ ॥13॥

ವರಾಕ್ಷಮಾಲಾಽಭಯಟಂಕಹಸ್ತಃ ಸರೊಜಕಿಂಜಲ್ಕಸಮಾನವರ್ಣಃ ।
ತ್ರಿಲೊಚನಶ್ಚಾರುಚತುರ್ಮುಖೊ ಮಾಂ ಪಾಯಾದುದೀಚ್ಯಾಂ ದಿಶಿ ವಾಮದೆವಃ ॥14॥

ವೆದಾಭಯೆಷ್ಟಾಂಕುಶಪಾಶಢಂಕ ಕಪಾಲಢಕ್ಕಾಕ್ಷ್ರರಶೂಲಪಾಣಿಃ ।
ಸಿತದ್ಯುತಿಃ ಪಂಚಮುಖೊಽವತಾನ್ಮಾಮೀಶಾನ ಊರ್ಧ್ವಂ ಪರಮಪ್ರಕಾಶಃ ॥15॥

ಮೂರ್ಧಾನಮವ್ಯಾನ್ಮಮ ಚಂದ್ರಮೌಲಿರ್ಭಾಲಂ ಮಮಾವ್ಯಾದಥ ಭಾಲನೆತ್ರಃ ।
ನೆತ್ರೆ ಮಮಾವ್ಯಾಜ್ಜಗನೆತ್ರಹಾರೀ ನಾಸಾಂ ಸದಾ ರಕ್ಷತು ವಿಶ್ವನಾಥಃ ॥16॥

ಪಾಯಾಚ್ಛ್ರುತೀ ಮೆ ಶ್ರುತಿಗೀತಕೀರ್ತಿಃ ಕಪೊಲಮವ್ಯಾತ್ಸತತಂ ಕಪಾಲೀ ।
ವಕ್ತ್ರಂ ಸದಾ ರಕ್ಷತು ಪಂಚವಕ್ತ್ರೊ ಜಿಹ್ವಾಂ ಸದಾ ರಕ್ಷತು ವೆದಜಿಹ್ವಃ ॥17॥

ಕಂಠಂ ಗಿರೀಶೊಽವತು ನೀಲಕಂಠಃ ಪಾಣಿದ್ವಯಂ ಪಾತು ಪಿನಾಕಪಾಣಿಃ ।
ದೊರ್ಮೂಲಮವ್ಯಾನ್ಮಮ ಧರ್ಮಬಾಹುರ್ವಕ್ಷಃಸ್ಥಲಂ ದಕ್ಷಮಖಾಂತಕೊಽವ್ಯಾತ್ ॥18॥

ಮಮೊದರಂ ಪಾತು ಗಿರೀಂದ್ರಧನ್ವಾ ಮಧ್ಯಂ ಮಮಾವ್ಯಾನ್ಮದನಾಂತಕಾರೀ ।
ಹೆರಂಭತಾತೊ ಮಮ ಪಾತು ನಾಭಿಂ ಪಾಯಾತ್ಕಟಿಂ ಧೂರ್ಜಟಿರೀಶ್ವರೊ ಮೆ ॥ 19॥

ಊರುದ್ವಯಂ ಪಾತು ಕುಬೆರಮಿತ್ರೊ ಜಾನುದ್ವಯಂ ಮೆ ಜಗದೀಶ್ವರೊಽವ್ಯಾತ್ ।
ಜಂಘಾಯುಗಂ ಪುಂಗವಕೆತುರವ್ಯಾತ್ ಪಾದೌ ಮಮಾವ್ಯಾತ್ ಸುರವಂದ್ಯಪಾದಃ ॥20॥

ಮಹೆಶ್ವರಃ ಪಾತು ದಿನಾದಿಯಾಮೆ ಮಾಂ ಮಧ್ಯಯಾಮೆಽವತು ವಾಮದೆವಃ ।
ತ್ರಿಲೊಚನಃ ಪಾತು ತೃತೀಯಯಾಮೆ ವೃಷಧ್ವಜಃ ಪಾತು ದಿನಾಂತ್ಯಯಾಮೆ ॥21॥

ಪಾಯಾನ್ನಿಶಾದೌ ಶಶಿಶೆಖರೊ ಮಾಂ ಗಂಗಾಧರೊ ರಕ್ಷತು ಮಾಂ ನಿಶೀಥೆ ।
ಗೌರೀಪತಿಃ ಪಾತು ನಿಶಾವಸಾನೆ ಮೃತ್ಯುಂಜಯೊ ರಕ್ಷತು ಸರ್ವಕಾಲಂ ॥ 22॥

ಅಂತಃಸ್ಥಿತಂ ರಕ್ಷತು ಶಂಕರೊ ಮಾಂ ಸ್ಥಾಣುಃ ಸದಾ ಪಾತು ಬಹಿಃ ಸ್ಥಿತಂ ಮಾಂ ।
ತದಂತರೆ ಪಾತು ಪತಿಃ ಪಶೂನಾಂ ಸದಾಶಿವೊ ರಕ್ಷತು ಮಾಂ ಸಮಂತಾತ್ ॥23॥

ತಿಷ್ಠಂತಮವ್ಯಾದ್ಭುವನೈಕನಾಥಃ ಪಾಯಾತ್ವ್ರಜಂತಂ ಪ್ರಮಥಾಧಿನಾಥಃ ।
ವೆದಾಂತ ವೆದ್ಯೊಽವತು ಮಾಂ ನಿಷಣ್ಣಂ ಮಾಮವ್ಯಯಃ ಪಾತು ಶಿವಃ ಶಯಾನಂ ॥24॥

ಮಾರ್ಗೆಷು ಮಾಂ ರಕ್ಷತು ನೀಲಕಂಠಃ ಶೈಲಾದಿದುರ್ಗೆಷು ಪುರತ್ರಯಾರಿಃ ।
ಅರಣ್ಯವಾಸಾದಿಮಹಾಪ್ರವಾಸೆ ಪಾಯಾನ್ಮೃಗವ್ಯಾಧ ಉದಾರಶಕ್ತಿಃ ॥25॥

ಕಲ್ಪಾಂತಕಾಲೊಗ್ರ ಪಟುಪ್ರಕೊಪಸ್ಫುಟಾಟ್ಟಹಾಸೊಚ್ಚಲಿತಾಂಡಕೊಶಃ ।
ಘೊರಾರಿಸೆನಾರ್ಣವದುರ್ನಿವಾರ ಮಹಾಭಯಾದ್ರಕ್ಷತು ವೀರಭದ್ರಃ ॥26॥

ಪತ್ಯಶ್ವಮಾತಂಗಘಟಾವರೂಥಸಹಸ್ರ ಲಕ್ಷಾಯುತ ಕೊಟಿಭೀಷಣಂ ।
ಅಕ್ಷೌಹಿಣೀನಾಂ ಶತಮಾತತಾಯಿನಾಂ ಛಿಂದ್ಯಾನ್ಮೃಡೊ ಘೊರಕುಠಾರಧಾರಯಾ ॥27॥

ನಿಹಂತು ದಸ್ಯೂನ್ಪ್ರಲಯಾನಲಾರ್ಚಿರ್ಜ್ವಲತ್ತ್ರಿಶೂಲಂ ತ್ರಿಪುರಾಂತಕಸ್ಯ ।
ಶಾರ್ದೂಲಸಿಂಹರ್ಕ್ಷವೃಕಾದಿಹಿಂಸ್ರಾನ್ ಸಂತ್ರಾಸಯತ್ವೀಶಧನುಃ ಪಿನಾಕಃ ॥28॥

ದುಃಸ್ವಪ್ನ ದುಃಶಕುನ ದುರ್ಗತಿ ದೌರ್ಮನಸ್ಯ ದುರ್ಭಿಕ್ಷ ದುರ್ವ್ಯಸನ ದುಃಸಹ ದುರ್ಯಶಾಂಸಿ।
ಉತ್ಪಾತ ತಾಪ ವಿಷಭೀತಿಮಸದ್ಗ್ರಹಾರ್ತಿಮ್ವ್ಯಾಧೀಂಶ್ಚ ನಾಶಯತು ಮೆ ಜಗತಾಮಧೀಶಃ ॥29॥

ಒಂ ನಮೊ ಭಗವತೆ ಸದಾಶಿವಾಯ ಸಕಲತತ್ತ್ವಾತ್ಮಕಾಯ ಸರ್ವಮಂತ್ರಸ್ವರೂಪಾಯ
ಸರ್ವಯಂತ್ರಾಧಿಷ್ಠಿತಾಯ ಸರ್ವತಂತ್ರಸ್ವರೂಪಾಯ ಸರ್ವತತ್ತ್ವವಿದೂರಾಯ ಬ್ರಹ್ಮರುದ್ರಾವತಾರಿಣೆ
ನೀಲಕಂಠಾಯ ಪಾರ್ವತೀಮನೊಹರಪ್ರಿಯಾಯ ಸೊಮಸೂರ್ಯಾಗ್ನಿಲೊಚನಾಯ ಭಸ್ಮೊದ್ಧೂಲಿತವಿಗ್ರಹಾಯ
ಮಹಾಮಣಿಮುಕುಟಧಾರಣಾಯ ಮಾಣಿಕ್ಯಭೂಷಣಾಯ ಸ್ರುಷ್ಟಿಸ್ಥಿತಿಪ್ರಳಯಕಾಲರೌದ್ರಾವತಾರಾಯ
ದಕ್ಷಾಧ್ವರಧ್ವಂಸಕಾಯ ಮಹಾಕಾಲಮೆದನಾಯ ಮೂಲಾಧಾರೈಕನಿಲಯಾಯ ತತ್ತ್ವಾತೀತಾಯ
ಗಂಗಾಧರಾಯ ಸರ್ವದೆವಾಧಿದೆವಾಯ ಷಡಾಶ್ರಯಾಯ ವೆದಾಂತಸಾರಾಯ
ತ್ರಿವರ್ಗಸಾಧನಾಯಾನಂತಕೊಟಿಬ್ರಹ್ಮಾಂಡನಾಯಕಾಯಾನಂತ ವಾಸುಕಿ ತಕ್ಷಕ ಕಾರ್ಕೊಟಕ
ಶಂಖ ಕುಲಿಕ ಪದ್ಮ ಮಹಾಪದ್ಮೆತ್ಯಷ್ಟ ಮಹಾನಾಗಕುಲಭೂಷಣಾಯ ಪ್ರಣವಸ್ವರೂಪಾಯ
ಚಿದಾಕಾಶಾಯಾಕಾಶಾದಿಸ್ವರೂಪಾಯ ಗ್ರಹನಕ್ಷತ್ರಮಾಲಿನೆ ಸಕಲಾಯ ಕಳಂಕರಹಿತಾಯ
ಸಕಲಲೊಕೈಕಕರ್ತ್ರೆ ಸಕಲಲೊಕೈಕಭರ್ತ್ರೆ ಸಕಲಲೊಕೈಕ ಸಂಹರ್ತ್ರೆ ಸಕಲಲೊಕೈಕಗುರವೆ
ಸಕಲಲೊಕೈಕಸಾಕ್ಷಿಣೆ ಸಕಲನಿಗಮಗುಹ್ಯಾಯ ಸಕಲವೆದಾಂತಪಾರಗಾಯ ಸಕಲಲೊಕೈಕವರಪ್ರದಾಯ
ಸಕಲಲೊಕೈಕಶಂಕರಾಯ ಶಶಾಂಕಶೆಖರಾಯ ಶಾಶ್ವತನಿಜಾವಾಸಾಯ ನಿರಾಭಾಸಾಯ
ನಿರಾಮಯಾಯ ನಿರ್ಮಲಾಯ ನಿರ್ಲೊಭಾಯ ನಿರ್ಮದಾಯ ನಿಶ್ಚಿಂತಾಯ ನಿರಹಂಕಾರಾಯ ನಿರಂಕುಶಾಯ
ನಿಷ್ಕಳಂಕಾಯ ನಿರ್ಗುಣಾಯ ನಿಷ್ಕಾಮಾಯ ನಿರುಪಪ್ಲವಾಯ ನಿರವದ್ಯಾಯ ನಿರಂತರಾಯ ನಿಷ್ಕಾರಣಾಯ
ನಿರಾತಂಕಾಯ ನಿಷ್ಪ್ರಪಂಚಾಯ ನಿಃಸಂಗಾಯ ನಿರ್ದ್ವಂದ್ವಾಯ ನಿರಾಧಾರಾಯ ನೀರಾಗಾಯ ನಿಷ್ಕ್ರೊಧಾಯ
ನಿರ್ಮಲಾಯ ನಿಷ್ಪಾಪಾಯ ನಿರ್ಭಯಾಯ ನಿರ್ವಿಕಲ್ಪಾಯ ನಿರ್ಭೆದಾಯ ನಿಷ್ಕ್ರಿಯಾಯ ನಿಸ್ತುಲಾಯ ನಿಃಸಂಶಯಾಯ
ನಿರಂಜನಾಯ ನಿರುಪಮವಿಭವಾಯ ನಿತ್ಯಶುದ್ಧಬುದ್ಧಪರಿಪೂರ್ಣಸಚ್ಚಿದಾನಂದಾದ್ವಯಾಯ ಪರಮಶಾಂತಸ್ವರೂಪಾಯ
ತೆಜೊರೂಪಾಯ ತೆಜೊಮಯಾಯ ಜಯ ಜಯ ರುದ್ರ ಮಹಾರೌದ್ರ ಮಹಾಭದ್ರಾವತಾರ ಮಹಾಭೈರವ ಕಾಲಭೈರವ
ಕಲ್ಪಾಂತಭೈರವ ಕಪಾಲಮಾಲಾಧರ ಖಟ್ವಾಂಗ ಖಡ್ಗ ಚರ್ಮ ಪಾಶಾಂಕುಶ ಡಮರುಕ ಶೂಲ ಚಾಪ
ಬಾಣ ಗದಾ ಶಕ್ತಿ ಭಿಂಡಿಪಾಲ ತೊಮರ ಮುಸಲ ಮುದ್ಗರ ಪಾಶ ಪರಿಘ ಭುಶುಂಡಿ ಶತಘ್ನಿ ಚಕ್ರಾಯುಧ
ಭೀಷಣಕರ ಸಹಸ್ರಮುಖ ದಂಷ್ಟ್ರಾಕರಾಳವದನ ವಿಕಟಾಟ್ಟಹಾಸ ವಿಸ್ಫಾರಿತ ಬ್ರಹ್ಮಾಂಡಮಂಡಲ
ನಾಗೆಂದ್ರಕುಂಡಲ ನಾಗೆಂದ್ರಹಾರ ನಾಗೆಂದ್ರವಲಯ ನಾಗೆಂದ್ರಚರ್ಮಧರ ಮೃತ್ಯುಂಜಯ ತ್ರ್ಯಂಬಕ ತ್ರಿಪುರಾಂತಕ
ವಿಶ್ವರೂಪ ವಿರೂಪಾಕ್ಷ ವಿಶ್ವೆಶ್ವರ ವೃಷಭವಾಹನ ವಿಷವಿಭೂಷಣ ವಿಶ್ವತೊಮುಖ ಸರ್ವತೊಮುಖ ರಕ್ಷ
ರಕ್ಷ ಮಾಂ ಜ್ವಲ ಜ್ವಲ ಮಹಾಮೃತ್ಯುಮಪಮೃತ್ಯುಭಯಂ ನಾಶಯ ನಾಶಯ  ಚೊರಭಯಮುತ್ಸಾದಯೊತ್ಸಾದಯ
ವಿಷಸರ್ಪಭಯಂ ಶಮಯ ಶಮಯ ಚೊರಾನ್ಮಾರಯ ಮಾರಯ ಮಮ ಶತ್ರೂನುಚ್ಚಾಟಯೊಚ್ಚಾಟಯ ತ್ರಿಶೂಲೆನ
ವಿದಾರಯ ವಿದಾರಯ ಕುಠಾರೆಣ ಭಿಂಧಿ ಭಿಂಧಿ ಖಡ್ಗೆನ ಛಿಂಧಿ ಛಿಂಧಿ ಖಟ್ವಾಂಗೆನ ವಿಪೊಥಯ ವಿಪೊಥಯ
ಸುಸಲೆನ ನಿಷ್ಪೆಷಯ ನಿಷ್ಪೆಷಯ ಬಾಣೈಃ ಸಂತಾಡಯ ಸಂತಾಡಯ ರಕ್ಷಾಂಸಿ ಭೀಷಯ ಭೀಷಯ
ಶೆಷಭೂತಾನಿ ವಿದ್ರಾವಯ ವಿದ್ರಾವಯ ಕೂಷ್ಮಾಂಡ ವೆತಾಳ ಮಾರೀಚ ಬ್ರಹ್ಮರಾಕ್ಷಸಗಣಾನ್ ಸಂತ್ರಾಸಯ
ಸಂತ್ರಾಸಯ ಮಮಾಭಯಂ ಕುರು ಕುರು ವಿತ್ರಸ್ತಂ ಮಾಮಾಶ್ವಾಸಯಾಶ್ವಾಸಯ ನರಕಮಹಾಭಯಾನ್ಮಾಮುದ್ಧಾರಯೊದ್ಧಾರಯ
ಅಮೃತಕಟಾಕ್ಷ ವೀಕ್ಷಣೆನ ಮಾಂ ಸಂಜೀವಯ ಸಂಜೀವಯ ಕ್ಷುತೃಡ್ಭ್ಯಾಂ ಮಾಮಾಪ್ಯಾಯಯಾಪ್ಯಾಯಯ ದುಃಖಾತುರಂ
ಮಾಮಾನಂದಯಾನಂದಯ ಶಿವಕವಚೆನ ಮಾಮಾಚ್ಛಾದಯಾಚ್ಛಾದಯ ಮೃತ್ಯುಂಜಯ ತ್ರ್ಯಂಬಕ ಸದಾಶಿವ ನಮಸ್ತೆ ನಮಸ್ತೆ ।

ಋಷಭ ಉವಾಚ ॥

ಇತ್ಯೆತತ್ಕವಚಂ ಶೈವಂ ವರದಂ ವ್ಯಾಹೃತಂ ಮಯಾ ।
ಸರ್ವಬಾಧಾ ಪ್ರಶಮನಂ ರಹಸ್ಯಂ ಸರ್ವದೆಹಿನಾಂ ॥ 30॥

ಯಃ ಸದಾ ಧಾರಯೆನ್ಮರ್ತ್ಯಃ ಶೈವಂ ಕವಚಮುತ್ತಮಂ।
ನ ತಸ್ಯ ಜಾಯತೆ ಕ್ವಾಪಿ ಭಯಂ ಶಂಭೊರನುಗ್ರಹಾತ್ ॥31॥

ಕ್ಷೀಣಾಯುಃ ಪ್ರಾಪ್ತಮೄತ್ಯುರ್ವಾ ಮಹಾರೊಗಹತೊಽಪಿ ವಾ ।
ಸದ್ಯಃ ಸುಖಮವಾಪ್ನೊತಿ ದೀರ್ಘಮಾಯುಶ್ಚ ವಿಂದತಿ ॥ 32॥

ಸರ್ವದಾರಿದ್ರಶಮನಂ ಸೌಮಂಗಲ್ಯವಿವರ್ಧನಂ ।
ಯೊ ಧತ್ತೆ ಕವಚಂ ಶೈವಂ ಸ ದೆವೈರಪಿ ಪೂಜ್ಯತೆ ॥ 33॥

ಮಹಾಪಾತಕಸಂಘಾತೈರ್ಮುಚ್ಯತೆ ಚೊಪಪಾತಕೈಃ ।
ದೆಹಾಂತೆ ಮುಕ್ತಿಮಾಪ್ನೊತಿ ಶಿವವರ್ಮಾನುಭಾವತಃ ॥34॥

ತ್ವಮಪಿ ಶ್ರದ್ಧಯಾ ವತ್ಸ ಶೈವಂ ಕವಚಸುತ್ತಮಂ ।
ಧಾರಯಸ್ವ ಮಯಾ ದತ್ತಂ ಸದ್ಯಃ ಶ್ರೆಯೊ ಹ್ಯವಾಪ್ಸ್ಯಸಿ ॥ 35॥

ಸೂತ ಉವಾಚ ॥

ಇತ್ಯುಕ್ತ್ವಾ ಋಷಭೊ ಯೊಗೀ ತಸ್ಮೈ ಪಾರ್ಥಿವಸೂನವೆ ।
ದದೌ ಶಂಖಂ ಮಹಾರಾವಂ ಖಡ್ಗಂ ಚಾರಿನಿಷೂದನಂ ॥36॥

ಪುನಶ್ಚ ಭಸ್ಮ ಸಂಮಂತ್ರ್ಯ ತದಂಗಂ ಪರಿತೊಽಸ್ಪೃಶತ್ ।
ಗಜಾನಾಂ ಷಟ್ಸಹಸ್ರಸ್ಯ ತ್ರಿಗುಣಸ್ಯ ಬಲಂ ದದೌ ॥37॥

ಭಸ್ಮಪ್ರಭಾವಾತ್ಸಂಪ್ರಾಪ್ತ ಬಲೈಶ್ವರ್ಯ ಧೃತಿ ಸ್ಮೃತಿಃ ।
ಸ ರಾಜಪುತ್ರಃ ಶುಶುಭೆ ಶರದರ್ಕ ಇವ ಶ್ರಿಯಾ॥38॥

ತಮಾಹ ಪ್ರಾಂಜಲಿಂ ಭೂಯಃ ಸ ಯೊಗೀ ನೃಪನಂದನಂ ।
ಏಷ ಖಡ್ಗೊ ಮಯಾ ದತ್ತಸ್ತಪೊಮಂತ್ರಾನುಭಾವಿತಃ ॥39॥

ಶಿತಧಾರಮಿಮಂ ಖಡ್ಗಂ ಯಸ್ಮೈ ದರ್ಶಯಸೆ ಸ್ಫುಟಂ ।
ಸ ಸದ್ಯೊ ಮ್ರಿಯತೆ ಶತ್ರುಃ ಸಾಕ್ಷಾನ್ಮೃತ್ಯುರಪಿ ಸ್ವಯಂ ॥40॥

ಅಸ್ಯ ಶಂಖಸ್ಯ ನಿರ್ಹ್ರಾದಂ ಯೆ ಶೃಣ್ವಂತಿ ತವಾಹಿತಾಃ ।
ತೆ ಮೂರ್ಚ್ಛಿತಾಃ ಪತಿಷ್ಯಂತಿ ನ್ಯಸ್ತಶಸ್ತ್ರಾ ವಿಚೆತನಾಃ ॥41॥

ಖಡ್ಗಶಂಖಾವಿಮೌ ದಿವ್ಯೌ ಪರಮನ್ಯೌ ವಿನಾಶಿನೌ ।
ಆತ್ಮಸೈನ್ಯ ಸ್ವಪಕ್ಷಾಣಾಂ ಶೌರ್ಯತೆಜೊವಿವರ್ಧನೌ ॥42॥

ಏತಯೊಶ್ಚ ಪ್ರಭಾವೆಣ ಶೈವೆನ ಕವಚೆನ ಚ ।
ದ್ವಿಷಟ್ಸಹಸ್ರನಾಗಾನಾಂ ಬಲೆನ ಮಹತಾಪಿ ಚ ॥ 43॥

ಭಸ್ಮ ಧಾರಣಸಾಮರ್ಥ್ಯಾಚ್ಛತ್ರುಸೈನ್ಯಂ ವಿಜೆಷ್ಯಸಿ ।
ಪ್ರಾಪ್ತ ಸಿಂಹಾಸನಂ ಪಿತ್ರ್ಯಂ ಗೊಪ್ತಾಸಿ ಪೃಥಿವೀಮಿಮಾಂ ॥44॥

ಇತಿ ಭದ್ರಾಯುಷಂ ಸಮ್ಯಗನುಶಾಸ್ಯ ಸಮಾತೃಕಂ ।
ತಾಭ್ಯಾಂ ಸಂಪೂಜಿತಃ ಸೊಽಥ ಯೊಗೀ ಸ್ವೈರಗತಿರ್ಯಯೌ ॥45॥

ಇತಿ ಶ್ರೀಸ್ಕಂದಪುರಾಣೆ ಬ್ರಹ್ಮೊತ್ತರಖಂಡೆ ಶಿವಕವಚಸ್ತೊತ್ರಂ ಸಂಪೂರ್ಣಂ ॥