logo

|

Home >

Scripture >

scripture >

Kannada

ಬಿಲ್ವಾಷ್ಟಕಮ್ - Bilvaashtakam

Bilvaashtakam

 

ತ್ರಿದಳಂ ತ್ರಿಗುಣಾಕಾರಂ ತ್ರಿನೇತ್ರಂ ಚ ತ್ರಯಾಯುಧಂ । 
ತ್ರಿಜನ್ಮಪಾಪಸಂಹಾರಮೇಕಬಿಲ್ವಂ ಶಿವಾರ್ಪಣಂ ॥1॥

 

ತ್ರಿಶಾಖೈರ್ಬಿಲ್ವಪತ್ರೈಶ್ಚ ಹ್ಯಚ್ಛಿದ್ರೈಃ ಕೋಮಳೈಃ ಶುಭೈಃ । 
ಶಿವಪೂಜಾಂ ಕರಿಷ್ಯಾಮಿ ಹ್ಯೇಕಬಿಲ್ವಂ ಶಿವಾರ್ಪಣಂ ॥2॥

 

ಅಖಂಡಬಿಲ್ವಪತ್ರೇಣ ಪೂಜಿತೇ ನಂದಿಕೇಶ್ವರೇ । 
ಶುಧ್ಯಂತಿ ಸರ್ವಪಾಪೇಭ್ಯೋ ಹ್ಯೇಕಬಿಲ್ವಂ ಶಿವಾರ್ಪಣಂ ॥3॥

 

ಶಾಲಿಗ್ರಾಮಶಿಲಾಮೇಕಾಂ ವಿಪ್ರಾಣಾಂ ಜಾತು ಅರ್ಪಯೇತ್ । 
ಸೋಮಯಜ್ಞಮಹಾಪುಣ್ಯಂ ಹ್ಯೇಕಬಿಲ್ವಂ ಶಿವಾರ್ಪಣಂ ॥4॥

 

ದಂತಿಕೋಟಿಸಹಸ್ರಾಣಿ ಅಶ್ವಮೇಧಶತಾನಿ ಚ । 
ಕೋಟಿಕನ್ಯಾಮಹಾದಾನಂ ಹ್ಯೇಕಬಿಲ್ವಂ ಶಿವಾರ್ಪಣಂ ॥5॥

 

ಲಕ್ಷ್ಮ್ಯಾಃಸ್ತನತ ಉತ್ಪನ್ನಂ ಮಹಾದೇವಸ್ಯ ಚ ಪ್ರಿಯಂ । 
ಬಿಲ್ವವೃಕ್ಷಂ ಪ್ರಯಚ್ಛಾಮಿ ಹ್ಯೇಕಬಿಲ್ವಂ ಶಿವಾರ್ಪಣಂ ॥6॥

 

ದರ್ಶನಂ ಬಿಲ್ವವೃಕ್ಷಸ್ಯ ಸ್ಪರ್ಶನಂ ಪಾಪನಾಶನಂ । 
ಅಘೋರಪಾಪಸಂಹಾರಂ ಹ್ಯೇಕಬಿಲ್ವಂ ಶಿವಾರ್ಪಣಂ ॥7॥

 

ಮೂಲತೋ ಬ್ರಹ್ಮರೂಪಾಯ ಮಧ್ಯತೋ ವಿಷ್ಣುರೂಪಿಣೇ । 
ಅಗ್ರತಃ ಶಿವರೂಪಾಯ ಹ್ಯೇಕಬಿಲ್ವಂ ಶಿವಾರ್ಪಣಂ ॥8॥

 

ಬಿಲ್ವಾಷ್ಟಕಮಿದಂ ಪುಣ್ಯಂ ಯಃ ಪಠೇಚ್ಛಿವಸನ್ನಿಧೌ । 
ಸರ್ವಪಾಪವಿನಿರ್ಮುಕ್ತಃ ಶಿವಲೋಕಮವಾಪ್ನುಯಾತ್ ॥9॥

 

ಇತಿ ಬಿಲ್ವಾಷ್ಟಕಂ ಸಂಪೂರ್ಣಂ ॥

Related Content

Bilvaashtakam

Bilvashtakam

Mahadeva Ashtakam

Siva Stotra

बिल्वाश्टकम - Bilvashtakam