ಪ್ರದೋಷ ಸ್ತೋತ್ರಮ್

Pradosha Stotram

---

ಜಯ ದೇವ ಜಗನ್ನಾಥ ಜಯ ಶಙ್ಕರ ಶಾಶ್ವತ | 
ಜಯ ಸರ್ವಸುರಾಧ್ಯಕ್ಷ ಜಯ ಸರ್ವಸುರಾರ್ಚಿತ ||೧|| 

 

ಜಯ ಸರ್ವಗುಣಾತೀತ ಜಯ ಸರ್ವವರಪ್ರದ || 
ಜಯ ನಿತ್ಯ ನಿರಾಧಾರ ಜಯ ವಿಶ್ವಮ್ಭರಾವ್ಯಯ ||೨|| 

 

ಜಯ ವಿಶ್ವೈಕವನ್ದ್ಯೇಶ ಜಯ ನಾಗೇನ್ದ್ರಭೂಷಣ | 
ಜಯ ಗೌರೀಪತೇ ಶಮ್ಭೋ ಜಯ ಚನ್ದ್ರಾರ್ಧಶೇಖರ ||೩|| 

 

ಜಯ ಕೋಠ್ಯರ್ಕಸಙ್ಕಾಶ ಜಯಾನನ್ತಗುಣಾಶ್ರಯ | 
ಜಯ ಭದ್ರ ವಿರೂಪಾಕ್ಷ ಜಯಾಚಿನ್ತ್ಯ ನಿರಞ್ಜನ ||೪|| 

 

ಜಯ ನಾಥ  ಕೃಪಾಸಿನ್ಧೋ ಜಯ ಭಕ್ತಾರ್ತಿಭಞ್ಜನ | 
ಜಯ ದುಸ್ತರಸಂಸಾರಸಾಗರೋತ್ತಾರಣ ಪ್ರಭೋ ||೫|| 

 

ಪ್ರಸೀದ ಮೇ ಮಹಾದೇವ ಸಂಸಾರಾರ್ತಸ್ಯ ಖಿದ್ಯತಃ | 
ಸರ್ವಪಾಪಕ್ಷಯಂ ಕೃತ್ವಾ ರಕ್ಷ ಮಾಂ ಪರಮೇಶ್ವರ ||೬|| 

 

ಮಹಾದಾರಿದ್ರ್ಯಮಗ್ನಸ್ಯ ಮಹಾಪಾಪಹತಸ್ಯ ಚ || 
ಮಹಾಶೋಕನಿವಿಷ್ಟಸ್ಯ ಮಹಾರೋಗಾತುರಸ್ಯ ಚ ||೭|| 

 

ಋಣಭಾರಪರೀತಸ್ಯ ದಹ್ಯಮಾನಸ್ಯ ಕರ್ಮಭಿಃ || 
ಗ್ರಹೈಃಪ್ರಪೀಡ್ಯಮಾನಸ್ಯ ಪ್ರಸೀದ ಮಮ ಶಙ್ಕರ ||೮|| 

 

ದರಿದ್ರಃ ಪ್ರಾರ್ಥಯೇದ್ದೇವಂ ಪ್ರದೋಷೇ ಗಿರಿಜಾಪತಿಮ್ || 
ಅರ್ಥಾಢ್ಯೋ ವಾಽಥ ರಾಜಾ ವಾ ಪ್ರಾರ್ಥಯೇದ್ದೇವಮೀಶ್ವರಮ್ ||೯|| 

 

ದೀರ್ಘಮಾಯುಃ ಸದಾರೋಗ್ಯಂ ಕೋಶವೃದ್ಧಿರ್ಬಲೋನ್ನತಿಃ || 
ಮಮಾಸ್ತು ನಿತ್ಯಮಾನನ್ದಃ ಪ್ರಸಾದಾತ್ತವ ಶಙ್ಕರ ||೧೦|| 

 

ಶತ್ರವಃ ಸಂಕ್ಷಯಂ ಯಾನ್ತು ಪ್ರಸೀದನ್ತು ಮಮ ಪ್ರಜಾಃ || 
ನಶ್ಯನ್ತು ದಸ್ಯವೋ ರಾಷ್ಟ್ರೇ ಜನಾಃ ಸನ್ತು ನಿರಾಪದಃ ||೧೧|| 

 

ದುರ್ಭಿಕ್ಷಮಾರಿಸನ್ತಾಪಾಃ ಶಮಂ ಯಾನ್ತು ಮಹೀತಲೇ || 
ಸರ್ವಸಸ್ಯಸಮೃದ್ಧಿಶ್ಚ ಭೂಯಾತ್ಸುಖಮಯಾ ದಿಶಃ ||೧೨|| 

 

ಏವಮಾರಾಧಯೇದ್ದೇವಂ ಪೂಜಾನ್ತೇ ಗಿರಿಜಾಪತಿಮ್ || 
ಬ್ರಾಹ್ಮಣಾನ್ಭೋಜಯೇತ್ ಪಶ್ಚಾದ್ದಕ್ಷಿಣಾಭಿಶ್ಚ ಪೂಜಯೇತ್ ||೧೩||

 

ಸರ್ವಪಾಪಕ್ಷಯಕರೀ ಸರ್ವರೋಗನಿವಾರಣೀ | 
ಶಿವಪೂಜಾ ಮಯಾಽಽಖ್ಯಾತಾ ಸರ್ವಾಭೀಷ್ಟಫಲಪ್ರದಾ ||೧೪||

 

ಇತಿ ಪ್ರದೋಷಸ್ತೋತ್ರಂ ಸಮ್ಪೂರ್ಣಮ್ ||