logo

|

Home >

Scripture >

scripture >

Kannada

ಶಿವರಾಮ ಅಷ್ಟಕಮ್ - Shivaraama Ashtakam

Shivaraama Ashtakam


ಶಿವ ಹರೇ ಶಿವ ರಾಮ ಸಖೇ ಪ್ರಭೋ ತ್ರಿವಿಧತಾಪನಿವಾರಣ ಹೇ ವಿಭೋ || 
ಅಜ ಜನೇಶ್ವರ ಯಾದವ ಪಾಹಿ ಮಾಂ ಶಿವ ಹರೇ ವಿಜಯಂ ಕುರು ಮೇ ವರಮ್ ||೧|| 

 

ಕಮಲಲೋಚನ ರಾಮ ದಯಾನಿಧೇ ಹರ ಗುರೋ ಗಜರಕ್ಷಕ ಗೋಪತೇ || 
ಶಿವತನೋ ಭವ ಶಙ್ಕರ ಪಾಹಿ ಮಾಂ ಶಿವ ಹರೇ ವಿಜಯಂ ಕುರು ಮೇ ವರಮ್ ||೨|| 

 

ಸ್ವಜನರಞ್ಜನ ಮಙ್ಗಳಮನ್ದಿರಂ ಭಜತಿ ತಂ ಪುರುಷಂ ಪರಮಂ ಪದಮ್ || 
ಭವತಿ ತಸ್ಯ ಸುಖಂ ಪರಮಾದ್ಭುತಂ ಶಿವ ಹರೇ ವಿಜಯಂ ಕುರು ಮೇ ವರಮ್ ||೩|| 

 

ಜಯ ಯುಧಿಷ್ಠಿರವಲ್ಲಭ ಭೂಪತೇ ಜಯ ಜಯಾರ್ಜಿತಪುಣ್ಯಪಯೋನಿಧೇ || 
ಜಯ ಕೃಪಾಮಯ ಕೃಷ್ಣ ನಮೋಽಸ್ತು ತೇ ಶಿವ ಹರೇ ವಿಜಯಂ ಕುರು ಮೇ ವರಮ್ ||೪|| 

 

ಭವವಿಭೋಚನ ಮಾಧವ ಮಾಪತೇ ಸುಕವಿಮಾನಸಹಂಸ ಶಿವಾರತೇ || 
ಜನಕಜಾರತ ರಾಘವ ರಕ್ಷ ಮಾಂ ಶಿವ ಹರೇ ವಿಜಯಂ ಕುರು ಮೇ ವರಮ್ ||೫|| 

 

ಅವನಿಮಣ್ಡಲಮಙ್ಗಳ ಮಾಪತೇ ಜಲದಸುನ್ದರ ರಾಮ ರಮಾಪತೇ || 
ನಿಗಮಕೀರ್ತಿಗುಣಾರ್ಣವ ಗೋಪತೇ ಶಿವ ಹರೇ ವಿಜಯಂ ಕುರು ಮೇ ವರಮ್ || ೬|| 

 

ಪತಿತಪಾವನನಾಮಮಯೀ ಲತಾ ತವ ಯಶೋ ವಿಮಲಂ ಪರಿಗೀಯತೇ || 
ತದಪಿ ಮಾಧವ ಮಾಂ ಕಿಮುಪೇಕ್ಷಸೇ ಶಿವ ಹರೇ ವಿಜಯಂ ಕುರು ಮೇ ವರಮ್ || ೭|| 

 

ಅಮರತಾಪರದೇವ ರಮಾಪತೇ ವಿಜಯತಸ್ತವ ನಾಮ ಧನೋಪಮಾ || 
ಮಯಿ ಕಥಂ ಕರುಣಾರ್ಣವ ಜಾಯತೇ ಶಿವ ಹರೇ ವಿಜಯಂ ಕುರು ಮೇ ವರಮ್ || ೮|| 

 

ಹನುಮತಃ ಪ್ರಿಯ ಚಾಪಕರ ಪ್ರಭೋ ಸುರಸರಿದ್ಧೃತಶೇಖರ ಹೇ ಗುರೋ || 
ಮಮ ವಿಭೋ ಕಿಮು ವಿಸ್ಮರಣಂ ಕೃತಂ ಶಿವ ಹರೇ ವಿಜಯಂ ಕುರು ಮೇ ವರಮ್ || ೯|| 

 

ನರಹರೇತಿ ಪರಂ ಜನಸುನ್ದರಂ ಪಠತಿ ಯಃ ಶಿವರಾಮಕೃತಸ್ತವಮ್ || 
ವಿಶತಿ ರಾಮರಮಾಚರಣಾಂಬುಜೇ ಶಿವ ಹರೇ ವಿಜಯಂ ಕುರು ಮೇ ವರಮ್ ||೧೦|| 

 

ಪ್ರಾತರುತ್ಥಾಯ ಯೋ ಭಕ್ತ್ಯಾ ಪಠೇದೇಕಾಗ್ರಮಾನಸಃ || 
ವಿಜಯೋ ಜಾಯತೇ ತಸ್ಯ ವಿಷ್ಣುಸಾನ್ನಿಧ್ಯಮಾಪ್ನುಯಾತ್ ||೧೧|| 

 

ಇತಿ ಶ್ರೀರಾಮಾನನ್ದವಿರಚಿತಂ ಶಿವರಾಮಸ್ತೋತ್ರಂ ಸಂಪೂರ್ಣಮ್ ||

Related Content

Abhayankaram Shivaraksha Stotram

About the Saints in English

Articles from Siddhanta Deepika in English

Bengali Devotional stotra

chandramaulIshastotram - Chandramoulisha Stotram