logo

|

Home >

Scripture >

scripture >

Kannada

ಸದಾಶಿವಾಷ್ಟಕಮ್ - Sadasivaashtakam

Sadasivaashtakam

 

ಶ್ರೀಮತ್ಪರಮಹಂಸಸ್ವಾಮಿಬ್ರಹ್ಮಾನನ್ದವಿರಚಿತಂ

ಶೀರ್ಷಜಟಾಗಣಭಾರಂ ಗರಳಾಹಾರಂ ಸಮಸ್ತಸಂಹಾರಮ್ | 
ಕೈಲಾಸಾದ್ರಿವಿಹಾರಂ ಪಾರಂ ಭವವಾರಿಧೇರಹಂ ವನ್ದೇ ||೧|| 

ಚನ್ದ್ರಕಲೋಜ್ಜ್ವಲಭಾಲಂ ಕಣ್ಠವ್ಯಾಲಂ ಜಗತ್ರಯೀಪಾಲಮ್ | 
ಕೃತನರಮಸ್ತಕಮಾಲಂ ಕಾಲಂ ಕಾಲಸ್ಯ ಕೋಮಲಂ ವನ್ದೇ ||೨|| 

ಕೋಪೇಕ್ಷಣಹತಕಾಮಂ ಸ್ವಾತ್ಮಾರಾಮಂ ನಗೇನ್ದ್ರಜಾವಾಮಮ್ | 
ಸಂಸೃತಿಶೋಕವಿರಾಮಂ ಶ್ಯಾಮಂ ಕಣ್ಠೇನ ಕಾರಣಂ ವನ್ದೇ ||೩|| 

ಕಟಿತಟವಿಲಸಿತನಾಗಂ ಖಣ್ಡಿತಯಾಗಂ ಮಹಾದ್ಭುತತ್ಯಾಗಮ್ | 
ವಿಗತವಿಷಯರಸರಾಗಂ ಭಾಗಂ ಯಜ್ಞೇಷು ಬಿಭ್ರತಂ ವನ್ದೇ ||೪|| 

ತ್ರಿಪುರಾದಿಕದನುಜಾನ್ತಂ ಗಿರಿಜಾಕಾನ್ತಂ ಸದೈವ ಸಂಶಾನ್ತಮ್ | 
ಲೀಲಾವಿಜಿತಕೃತಾನ್ತಂ ಭಾನ್ತಂ ಸ್ವಾನ್ತೇಷು ದೇಹಿನಾಂ ವನ್ದೇ ||೫|| 

ಸುರಸರಿದಾಪ್ಲುತಕೇಶಂ ತ್ರಿದಶಕುಲೇಶಂ ಹೃದಾಲಯಾವೇಶಮ್ | 
ವಿಗತಾಶೇಷಕ್ಲೇಶಂ ದೇಶಂ ಸರ್ವೇಷ್ಟಸಂಪದಾಂ ವನ್ದೇ ||೬|| 

ಕರತಲಕಲಿತಪಿನಾಕಂ ವಿಗತಜರಾಕಂ ಸುಕರ್ಮಣಾಂ ಪಾಕಮ್ | 
ಪರಪದವೀತವರಾಕಂ ನಾಕಙ್ಗಮಪೂಗವನ್ದಿತಂ ವನ್ದೇ ||೭||

ಭೂತಿವಿಭೂಷಿತಕಾಯಂ ದುಸ್ತರಮಾಯಂ ವಿವರ್ಜಿತಾಪಾಯಮ್ | 
ಪ್ರಮಥಸಮೂಹಸಹಾಯಂ ಸಾಯಂಪ್ರಾತರ್ನಿರನ್ತರಂ ವನ್ದೇ ||೮|| 

ಯಸ್ತು ಪದಾಷ್ಟಕಮೇತದ್ಬ್ರಹ್ಮಾನನ್ದೇನ ನಿರ್ಮಿತಂ ನಿತ್ಯಮ್ | 
ಪಠತಿ ಸಮಾಹಿತಚೇತಾಃ ಪ್ರಾಪ್ನೋತ್ಯನ್ತೇ ಸ ಶೈವಮೇವ ಪದಮ್ ||೯|| 

ಇತಿ ಶ್ರೀಮತ್ಪರಮಹಂಸಸ್ವಾಮಿಬ್ರಹ್ಮಾನನ್ದವಿರಚಿತಂ ಸದಾಶಿವಾಷ್ಟಕಂ ಸಂಪೂರ್ಣಮ್ ||

Related Content

आर्तिहर स्तोत्रम - Artihara stotram

दक्षिणामूर्ति वर्णमालास्तोत्रम - DhakshiNamurthi varnamala

शिव प्रातः स्मरण स्तोत्रम - shiva praataH smaraNa stotram

श्री शिवापराधक्षमापण स्तोत्रम - Shivaaparaadhakshamaapana

ਸਦਾਸ਼ਿਵਾਸ਼੍ਟਕਮ - Sadashivashtakam