Umamaheshvara Stotram

---

નમઃ શિવાભ્યાં નવાયૌવનાભ્યાં પરસ્પરાશ્લિષ્ટવપુર્ધરાભ્યામ || 
નગેન્દ્રકન્યાવૃષકેતનાભ્યાં નમો નમઃ શઙ્કરપાર્વતીભ્યામ||૧|| 

 

નમઃ શિવાભ્યાં સરસોત્સવાભ્યાં નમસ્કૃતાભીષ્ટવરપ્રદાભ્યામ | 
નારાયણેનાર્ચિતપાદુકાભ્યાં નમો નમઃ શઙ્કરપાર્વતીભ્યામ ||૨|| 

 

નમઃ શિવાભ્યાં વૃષવાહનાભ્યાં વિરિઞ્ચિવિષ્ણ્વિન્દ્રસુપૂજિતાભ્યામ | 
વિભૂતિપાટીરવિલેપનાભ્યાં નમો નમઃ શઙ્કરપાર્વતીભ્યામ ||૩|| 

 

નમઃ શિવાભ્યાં જગદીશ્વરાભ્યાં જગત્પતિભ્યાં જયવિગ્રહભ્યામ | 
જમ્ભારિમુખ્યૈરભિવન્દિતાભ્યાં નમો નમઃ શઙ્કરપાર્વતીભ્યામ ||૪|| 

 

નમઃ શિવાભ્યાં પરમૌષધાભ્યાં પઞ્ચાક્ષરીપઞ્જરરઞ્જિતાભ્યામ | 
પ્રપઞ્ચસૃષ્ટિસ્થિતિસંહૃતિભ્યાં નમો નમઃ શઙ્કરપાર્વતીભ્યામ ||૫|| 

 

નમઃ શિવાભ્યામતિસુન્દરાભ્યામત્યન્તમાસક્તહૃદમ્બુજાભ્યામ | 
અશેષલોકૈકહિતઙ્કરાભ્યાં નમો નમઃ શઙ્કરપાર્વતીભ્યામ ||૬|| 

 

નમઃ શિવાભ્યાં કલિનાશનાભ્યાં કઙ્કાળકલ્યાણવપુર્ધરાભ્યામ | 
કૈલાસશૈલસ્થિતદેવતાભ્યાં નમો નમઃ શઙ્કરપાર્વતીભ્યામ ||૭|| 

 

નમઃ શિવાભ્યામશુભાપહાભ્યામશેષલોકૈકવિશેષિતાભ્યામ || 
અકુણ્ઠિતાભ્યાં સ્મૃતિસંભૃતાભ્યાં નમો નમઃ શઙ્કરપાર્વતીભ્યામ ||૮|| 

 

નમઃ શિવાભ્યાં રથવાહનાભ્યાં રવીન્દુવૈશ્વાનરલોચનાભ્યામ | 
રાકાશશાઙ્કાભમુખામ્બુજાભ્યાં નમો નમઃ શઙ્કરપાર્વતીભ્યામ ||૯|| 

 

નમઃ શિવાભ્યાં જટિલન્ધરાભ્યાં જરામૃતિભ્યાં ચ વિવર્જિતાભ્યામ | 
જનાર્દનાબ્જોદ્ભવપૂજિતાભ્યાં નમો નમઃ શઙ્કરપાર્વતીભ્યામ ||૧૦|| 

 

નમઃ શિવાભ્યાં વિષમેક્ષણાભ્યાં બિલ્વચ્છદામલ્લિકદામભૃચ્દ્યામ | 
શોભાવતીશાન્તવતીશ્વરાભ્યાં નમો નમઃ શઙ્કરપાર્વતીભ્યામ || ૧૧|| 

 

નમઃ શિવાભ્યાં પશુપાલકાભ્યાં જગત્રયીરક્ષણબદ્ધહૃદ્ભ્યામ | 
સમસ્તદેવાસુરપૂજિતાભ્યાં નમો નમઃ શઙ્કરપાર્વતીભ્યામ ||૧૨|| 

 

સ્તોત્રં ત્રિસન્ધ્યં શિવપાર્વતીયં ભક્ત્યા પઠેદ્વાદશકં નરો યઃ | 
સ સર્વસૌભાગ્યફલાનિ ભુઙ્તે શતાયુરન્તે શિવલોકમેતિ ||૧૩|| 

 

ઇતિ શ્રીમત્પરમહંસપરિવ્રાજકાચાર્યસ્ય શ્રીગોવિન્દભગવત્પૂજ્યપાદશિષ્યસ્ય શ્રીમચ્છઙ્કરભગવતઃ કૃતાવુમામહેશ્વરસ્તોત્રં સંપૂર્ણમ ||