Sri Kashivishveshvaraadi Stotram

---

નમઃ શ્રીવિશ્વનાથાય દેવવન્દ્યપદાય તે || 
કાશીશેશાવતારે મે દેવદેવ હ્યુપાદિશ ||૧|| 

 

માયાધીશં મહાત્માનં સર્વકારણકારણમ || 
વન્દે તં માધવં દેવં યઃ કાશીં ચાધિતિષ્ઠતિ ||૨|| 

 

વન્દે તં ધર્મગોપ્તારં સર્વગુહ્યાર્થવેદિનમ || 
ગણદેવં ઢુણ્ઢિરાજં તં મહાન્તં સ્વવિઘ્નહમ ||૩|| 

 

ભારં વોઢું સ્વભક્તાનાં યો યોગં પ્રાપ્ત ઉત્તમમ || 
તં સઢુણ્ઢિં દણ્ડપાણિં વન્દે ગઙ્ગાતટસ્થિતમ ||૪|| 

 

ભૈરવં દંષ્ટ્રાકરાળં ભક્તાભયકરં ભજે || 
દુષ્ટદણ્ડશૂલશીર્ષધરં વામાધ્વચારિણમ || ૫|| 

 

શ્રીકાશીં પાપશમનીં દમનીં દુષ્ટચેતસઃ || 
સ્વનિઃશ્રેણિં ચાવિમુક્તપુરીં મર્ત્યહિતાં ભજે ||૬|| 

 

નમામિ ચતુરારાધ્યાં સદાઽણિમ્નિ સ્થિતિં ગુહામ || 
શ્રીગઙ્ગે ભૈરવીં દૂરીકુરુ કલ્યાણિ યાતનામ ||૭|| 

 

ભવાનિ રક્ષાન્નપૂર્ણે સદ્વર્ણિતગુણેઽમ્બિકે || 
દેવર્ષિવન્દ્યાંબુમણિકર્ણિકાં મોક્ષદાં ભજે ||૮|| 

 

ઇતિ કાશીવિશ્વેશ્વરાદિસ્તોત્રં સંપૂર્ણમ ||