Pradosha Stotram

જય દેવ જગન્નાથ જય શઙ્કર શાશ્વત । 
જય સર્વસુરાધ્યક્ષ જય સર્વસુરાર્ચિત ॥૧॥

જય સર્વગુણાતીત જય સર્વવરપ્રદ ॥ 
જય નિત્ય નિરાધાર જય વિશ્વમ્ભરાવ્યય ॥૨॥

જય વિશ્વૈકવન્દ્યેશ જય નાગેન્દ્રભૂષણ । 
જય ગૌરીપતે શમ્ભો જય ચન્દ્રાર્ધશેખર ॥૩॥

જય કોઠ્યર્કસઙ્કાશ જયાનન્તગુણાશ્રય । 
જય ભદ્ર વિરૂપાક્ષ જયાચિન્ત્ય નિરઞ્જન ॥૪॥

જય નાથ  કૃપાસિન્ધો જય ભક્તાર્તિભઞ્જન । 
જય દુસ્તરસંસારસાગરોત્તારણ પ્રભો ॥૫॥

પ્રસીદ મે મહાદેવ સંસારાર્તસ્ય ખિદ્યતઃ । 
સર્વપાપક્ષયં કૃત્વા રક્ષ માં પરમેશ્વર ॥૬॥

મહાદારિદ્ર્યમગ્નસ્ય મહાપાપહતસ્ય ચ ॥ 
મહાશોકનિવિષ્ટસ્ય મહારોગાતુરસ્ય ચ ॥૭॥

ઋણભારપરીતસ્ય દહ્યમાનસ્ય કર્મભિઃ ॥ 
ગ્રહૈઃપ્રપીડ્યમાનસ્ય પ્રસીદ મમ શઙ્કર ॥૮॥

દરિદ્રઃ પ્રાર્થયેદ્દેવં પ્રદોષે ગિરિજાપતિમ્ ॥ 
અર્થાઢ્યો વાઽથ રાજા વા પ્રાર્થયેદ્દેવમીશ્વરમ્ ॥૯॥

દીર્ઘમાયુઃ સદારોગ્યં કોશવૃદ્ધિર્બલોન્નતિઃ ॥ 
મમાસ્તુ નિત્યમાનન્દઃ પ્રસાદાત્તવ શઙ્કર ॥૧૦॥

શત્રવઃ સંક્ષયં યાન્તુ પ્રસીદન્તુ મમ પ્રજાઃ ॥ 
નશ્યન્તુ દસ્યવો રાષ્ટ્રે જનાઃ સન્તુ નિરાપદઃ ॥૧૧॥

દુર્ભિક્ષમારિસન્તાપાઃ શમં યાન્તુ મહીતલે ॥ 
સર્વસસ્યસમૃદ્ધિશ્ચ ભૂયાત્સુખમયા દિશઃ ॥૧૨॥

એવમારાધયેદ્દેવં પૂજાન્તે ગિરિજાપતિમ્ ॥ 
બ્રાહ્મણાન્ભોજયેત્ પશ્ચાદ્દક્ષિણાભિશ્ચ પૂજયેત્ ॥૧૩॥

સર્વપાપક્ષયકરી સર્વરોગનિવારણી । 
શિવપૂજા મયાઽઽખ્યાતા સર્વાભીષ્ટફલપ્રદા ॥૧૪॥

ઇતિ પ્રદોષસ્તોત્રં સમ્પૂર્ણમ્ ॥