logo

|

Home >

Scripture >

scripture >

Gujarati

શિવસ્તુતિઃ (લઙ્કેશ્વર વિરચિતા) - Shivastutih (Langeshvara Virachitaa)

Shivastutih 
(Langeshvara Virachitaa)


શિવસ્તુતિઃ
(લઙ્કેશ્વર વિરચિતા)

ગલે કલિતકાલિમઃ  પ્રકટિતેન્દુભાલસ્થલે વિનાટિતજટોત્કરં રુચિરપાણિપાથોરુહે | 
ઉદઞ્ચિતકપાલકં જઘનસીમ્નિ સન્દર્શિતદ્વિપાજિનમનુક્ષણં કિમપિ ધામ વન્દામહે || ૧|| 

વૃષોપરિ પરિસ્ફુરદ્ધવળધામ ધામ શ્રિયાં કુબેરગિરિગૌરિમપ્રભવગર્વનિર્વાસિ તત | 
ક્વચિત્પુનરુમાકુચોપચિતકુઙ્કુમૈ રઞ્જિતં ગજાજિનવિરાજિતં વૃજિનભઙ્ગબીજં ભજે ||૨|| 

ઉદિત્વરવિલોચનત્રયવિસુત્વરજ્યોતિષા કલાકરકલાકરવ્યતિકરેણ ચાહર્નિશમ | 
ષિકાસિતજટાટવીવિહરણોત્સવપ્રોલ્લસત્તરામરતરઙ્ગિણીતરલચૂડમીડે મૃડમ ||૩|| 

વિહાય કમલાલયાવિલસિતાનિ વિદ્યુન્નટીવિડમ્બનપટૂનિ મે વિહરણં વિધત્તાં મનઃ | 
કપર્દિનિ કુમુદ્વતીરમણખણ્ડચૂડામણૌ કટીતટપટીભવત્કરટિચર્મણિ બ્રહ્મણિ ||૪||

ભવદ્ભવનદેહલીનિકટતુણ્ડદણ્ડાહતિત્રુટન્મુકુટકોટિમિર્મઘવદાદિમિર્ભૂયતે વ્રજેમ  
ભવદન્તિકં પ્રકૃતિમેત્ય પૈશાચિકીં કિમિત્યમરસંપદઃ પ્રમથનાથ નાથામહે ||૫||

ત્વદર્ચનપરાયણપ્રમથકન્યકાલુંઠિતપ્રસૂનસફલદ્રુમં કમપિ શૈલમાશાસ્મહે | 
અલં તટવિતર્દિકાશયિતસિદ્ધસીમન્તીનીપ્રકીર્ણસુમનોમનોરમણમેરુણા મેરુણા||૬|| 

ન જાતુ હર યાતુ મે વિષયદુર્વિલાસં મનો મનોભવકથાઽસ્તુ મે ન ચ મનોરથાતિથ્યભૂઃ | 
સ્ફુરત્સુરતરઙ્ગિણીતટકુટીરકોટૌ વસન્નયે શિવ દિવાનિશં તવ ભવાનિ પૂજાપરઃ ||૭|| 

વિભૂષણસુરાપગાશુચિતરાલવાલાવલીવલદ્વહલસી કરપ્રકરસેકસંવર્ધિતા |
મહેશ્વરસુરદ્રુમસ્ફુરિતસજ્જટામઞ્જરી નિમજ્જનફલપ્રદા મમ નુ હન્ત ભૂયાદિયમ ||૮|| 

બહિર્વિષયસઙ્ગતિપ્રતિનિવર્તિતાક્ષાવલેઃ સમાધિકલિતાત્મનઃ પશુપતેરશેષાત્મનઃ |
શિરઃસુરસરિત્તટીકુટિલકલ્પકલ્પદ્રુમં નિશાકરકલામહં બટુવિભૃશ્યમાનાં ભજે ||૯||

ત્વદીયસુરવાહિનીવિમલવારિધારાબલજ્જટાગહનગાહિની મતિરિયં મમ ક્રામતુ | 
ઉપોત્તમસરિત્તટીવિટપિતાટવી પ્રોલ્લસત્તપસ્વિપરિષત્તુલામમલમલ્લિકાભ પ્રભો ||૧૦|| 

ઇતિ લઙ્કેશ્વરવિરચિતા શિવસ્તુતિઃ સંપૂર્ણા|| 

Related Content

आर्तिहर स्तोत्रम - Artihara stotram

दक्षिणामूर्ति वर्णमालास्तोत्रम - DhakshiNamurthi varnamala

शिव प्रातः स्मरण स्तोत्रम - shiva praataH smaraNa stotram

श्री शिवापराधक्षमापण स्तोत्रम - Shivaaparaadhakshamaapana

ਪ੍ਰਦੋਸ਼ ਸ੍ਤੋਤ੍ਰਮ - Pradoshastotram