Shivapanchakshara Stotram

શિવપઞ્ચાક્ષર સ્તોત્રમ્

નાગેન્દ્રહારાય ત્રિલોચનાય 
ભસ્માંગરાગાય મહેશ્વરાય । 
નિત્યાય શુદ્ધાય દિગંબરાય 
તસ્મૈ નકારાય નમઃ શિવાય ॥*૧॥

મન્દાકિનીસલિલ ચન્દનચર્ચિતાય 
નન્દીશ્વર પ્રમથનાથ મહેશ્વરાય । 
મન્દાર મુખ્યબહુપુષ્પ સુપૂજિતાય 
તસ્મૈ મકારાય નમઃ શિવાય ॥૨॥

શિવાય ગૌરી વદનાબ્જવૃન્દ સૂર્યાય 
દક્ષાધ્વર નાશકાય । 
શ્રીનીલકણ્ઠાય વૃષધ્વજાય  
તસ્મૈ શિકારાય નમઃ શિવાય ॥૩॥

વસિષ્ઠ કુંભોદ્ભવ ગૌતમાર્ય મુનીન્દ્ર દેવાર્ચિતશેખરાય । 
ચદ્રાર્ક વૈશ્વાનરલોચનાય તસ્મૈ વકારાય નમઃ શિવાય ॥૪॥

યક્ષસ્વરૂપાય જટાધરાય પિનાકહસ્તાય સનાતનાય । 
દિવ્યાય દેવાય દિગંબરાય તસ્મૈ યકારાય નમઃ શિવાય ॥૫॥

પઞ્ચાક્ષરમિદં પુણ્યં યઃ પઠેચ્છિવસન્નિધૌ । 
શિવલોકમવાપ્નોતિ શિવેન સહ મોદતે ॥૬॥

ઇતિ શ્રીમચ્છઙ્કરાચાર્યવિરચિતં શિવપઞ્ચાક્ષરસ્તોત્રં સંપૂર્ણમ્ ॥