logo

|

Home >

Scripture >

scripture >

Gujarati

વિશ્વમૂર્તિ સ્તોત્રમ - Vishvamoorti Stotram

Vishvamoorti Stotram

અકારણાયાખિલકારણાય નમો મહાકારણકારણાય | 
નમોઽસ્તુ કાલાનલલોચનાય કૃતાગસં મામવ વિશ્વમૂર્તે ||૧|| 

 

નમોઽસ્ત્વહીનાભરણાય નિત્યં નમઃ પશૂનાં પતયે મૃડાય | 
વેદાન્તવેદ્યાય નમો નમસ્તે કૃતાગસં મામવ વિશ્વમૂર્તે ||૨||

 

નમોઽસ્તુ ભક્તેહિતદાનદાત્રે સર્વૌષધીનાં પતયે નમોઽસ્તુ |
બ્રહ્મણ્યદેવાય નમો નમસ્તે કૃતાગસં મામવ વિશ્વમૂર્તે||૩|| 

 

કાલાય કાલાનલસન્નિભાય હિરણ્યગર્ભાય નમો નમસ્તે | 
હાલાહલાદાય સદા નમસ્તે કૃતાગસં મામવ વિશ્વમૂર્તે ||૪|| 

 

વિરિઞ્ચિનારાયણશક્રમુખ્યૈરજ્ઞાતવીર્યાય નમો નમસ્તે | 
સૂક્ષ્માતિસૂક્ષ્માય નમોઽઘહન્ત્રે કૃતાગસં મામવ વિશ્વમૂર્તે ||૫|| 

 

અનેકકોટીન્દુનિભાય તેઽસ્તુ નમો ગિરીણાં પતયેઽઘહન્ત્રે | 
નમોઽસ્તુ તે ભક્તવિપદ્ધરાય કૃતાગસં મામવ વિશ્વમૂર્તે || ૬|| 

 

સર્વાન્તરસ્થાય વિશુદ્ધધામ્ને નમોઽસ્તુ તે દુષ્ટકુલાન્તકાય | 
સમસ્તતેજોનિધયે નમસ્તે કૃતાગસં મામવ વિશ્વમૂર્તે ||૭|| 

 

યજ્ઞાય યજ્ઞાદિફલપ્રદાત્રે યજ્ઞસ્વરૂપાય નમો નમસ્તે | 
નમો મહાનન્દમયાય નિત્યં કૃતાગસં મામવ વિશ્વમૂર્તે ||૮|| 

 

ઇતિ સ્તુતો મહાદેવો દક્ષં પ્રાહ કૃતાઞ્જલિમ | 
યત્તેઽભિલષિતં દક્ષ તત્તે દાસ્યામ્યહં ધ્રુવમ ||૯|| 

 

અન્યચ્ચ શ્રૃણુ ભો દક્ષ યચ્ચ કિઞ્ચિદ્બ્રવીમ્યહમ | 
યત્કૃતં હિ મમ સ્તોત્રં ત્વયા ભક્ત્યા પ્રજાપતે ||૧૦|| 

 

યે શ્રદ્ધયા પઠિષ્યન્તિ માનવાઃ પ્રત્યહં શુભમ |
નિષ્કલ્મષા ભવિષ્યન્તિ સાપરાધા અપિ ધ્રુવમ ||૧૧|| 

 

ઇતિ દક્ષકૃતં વિશ્વમૂર્તિસ્તોત્રં સંપૂર્ણમ ||

Related Content

आर्तिहर स्तोत्रम - Artihara stotram

दक्षिणामूर्ति वर्णमालास्तोत्रम - DhakshiNamurthi varnamala

शिव प्रातः स्मरण स्तोत्रम - shiva praataH smaraNa stotram

श्री शिवापराधक्षमापण स्तोत्रम - Shivaaparaadhakshamaapana

ਪ੍ਰਦੋਸ਼ ਸ੍ਤੋਤ੍ਰਮ - Pradoshastotram