Shiva Ashtottara Naama Shataka Stotram

---

શિવાષ્ટોત્તરનામશતકસ્તોત્રમ |

દેવા ઊચુઃ || 

જય શંભો વિભો રુદ્ર સ્વયંભો જય શઙ્કર | 
જયેશ્વર જયેશાન જય સર્વજ્ઞ કામદ ||૧|| 

નીલકણ્ઠ જય શ્રીદ શ્રીકણ્ઠ જય ધૂર્જટે | 
અષ્ટમૂર્તેઽનન્તમૂર્તે મહામૂર્તે જયાનઘ ||૨|| 

જય પાપહરાનઙ્ગનિઃસઙ્ગાભઙ્ગનાશન | 
જય ત્વં ત્રિદશાધાર ત્રિલોકેશ ત્રિલોચન ||૩|| 

જય ત્વં ત્રિપથાધાર ત્રિમાર્ગ ત્રિભિરૂર્જિત | 
ત્રિપુરારે ત્રિધામૂર્તે જયૈકત્રિજટાત્મક ||૪||

શશિશેખર શૂલેશ પશુપાલ શિવાપ્રિય | 
શિવાત્મક શિવ શ્રીદ સુહૃચ્છ્રીશતનો જય ||૫|| 

સર્વ સર્વેશ ભૂતેશ ગિરિશ ત્વં ગિરીશ્વર | 
જયોગ્રરૂપ ભીમેશ ભવ ભર્ગ જય પ્રભો ||૬|| 

જય દક્ષાધ્વરધ્વંસિન્નન્ધકધ્વંસકારક | 
રુણ્ડમાલિન્કપાલિંસ્ત્વં ભુજઙ્ગાજિનભૂષણ||૭|| 

દિગમ્બર દિશામ્નાથ વ્યોમકેશ ચિતાંપતે | 
જયાધાર નિરાધાર ભસ્માધાર ધરાધર ||૮|| 

દેવદેવ મહાદેવ દેવતેશાદિ દૈવત | 
વહ્નિવીર્ય જય સ્થાણો જયાયોનિજસમ્ભવ ||૯|| 

ભવ શર્વ મહાકાલ ભસ્માઙ્ગ સર્પભૂષણ | 
ત્ર્યમ્બક સ્થપતે વાચાંપતે ભો જગતાંપતે ||૧૦|| 

શિપિવિષ્ટ વિરૂપાક્ષ જય લિઙ્ગ વૃષધ્વજ | 
નીલલોહિત પિઙ્ગાક્ષ જય ખટ્વાઙ્ગમણ્ડન ||૧૧|| 

કૃત્તિવાસ અહિર્બુધ્ન્ય મઊડાનીશ જટાંબુભૃત | 
જગદ્ભ્રાતર્જગન્માતર્જગત્તાત જગદ્ગુરો ||૧૨|| 

પઞ્ચવક્ત્ર મહાવક્ત્ર કાલવક્ત્ર ગજાસ્યભૃત |
દશબાહો મહાબાહો મહાવીર્ય મહાબલ ||૧૩|| 

અઘોરઘોરવક્ત્ર ત્વં સદ્યોજાત ઉમાપતે | 
સદાનન્દ મહાનન્દ નન્દમૂર્તે જયેશ્વર ||૧૪| 

એવમષ્ટોત્તરશતં નામ્નાં દેવકૃતં તુ યે | 
શંભોર્ભક્ત્યા સ્મરન્તીહ શૃણ્વન્તિ ચ પઠન્તિ ચ ||૧૫|| 

ન તાપાસ્ત્રિવિધાસ્તેષાં ન શોકો ન રુજાદયઃ | 
ગ્રહગોચરપીડા ચ તેષાં ક્વાપિ ન વિદ્યતે |૧૬|| 

શ્રીઃ પ્રજ્ઞાઽઽરોગ્યમાયુષ્યં સૌભાગ્યં ભાગ્યમુન્નતિમ | 
વિદ્યા ધર્મે મતિઃ શંભોર્ભક્તિસ્તેષાં ન સંશયઃ ||૧૭|| 

ઇતિ શ્રીસ્કન્દપુરાણે સહ્યાદ્રિખણ્ડે શિવાષ્ટઓત્તરનામશતકસ્તોત્રં સંપૂર્ણં||