Chandrachoodaalaa Ashtakam

---

ચન્દ્રચૂડાલા અષ્ટકમ

યમનિયમાદ્યઙ્ગયુતૈર્યોગૈર્યત્પાદપઙ્કજં દ્રષ્ટુમ | 
પ્રયતન્તે મુનિવર્યાસ્તમહં પ્રણમામિ ચન્દ્રચૂડાલમ ||૧|| 

યમગર્વભઞ્જનચણં નમતાં સર્વેષ્ટદાનધૌરેયમ | 
શમદમસાધનસંપલ્લભ્યં પ્રણમામિ ચન્દ્રચૂડાલમ ||૨|| 

યં દ્રોણબિલ્વમુખ્યૈઃ પૂજયતાં દ્વારિ મત્તમાતઙ્ગાઃ | 
કણ્ઠે લસન્તિ વિદ્યાસ્તમહં પ્રણમામિ ચન્દ્રચૂડાલમ ||૩|| 

નલિનભવપદ્મનેત્રપ્રમુખામરસેવ્યમાનપદપદ્મમ | 
નતજનવિદ્યાદાનપ્રવણં પ્રણમામિ ચન્દ્રચૂડાલમ ||૪|| 

નુતિભિર્દેવવરાણાં મુખરીકૃતમન્દિરદ્વારમ | 
સ્તુતમાદિમવાક્તતિભિઃ સતતં પ્રણમામિ ચન્દ્રચૂડાલમ ||૫|| 

જન્તોસ્તવ પાદપૂજનકરણાત્કરપદ્મગાઃ પુમર્થાઃ સ્યુઃ | 
મુરહરપૂજિતપાદં તમહં પ્રણમામિ ચન્દ્રચૂડાલમ ||૬|| 

ચેતસિ ચિન્તયતાં યત્પદપદ્મં સત્વરં વક્ત્રાત | 
નિઃસરતિ વાક્સુધામા તમહં પ્રણમામિ ચન્દ્રચૂડાલમ ||૭|| 

નમ્રાજ્ઞાનતમસ્તતિદૂરીકરણાય નેત્રલક્ષ્માદ્યઃ | 
ધત્તેઽગ્નિચન્દ્રસૂર્યાંસ્તમહં પ્રણમામિ ચન્દ્રચૂડાલમ ||૮|| 

અષ્ટકમેતત્પઠતાં સ્પષ્ટતરં કષ્ટનાશનં પુંસામ | 
અષ્ટ દદાતિ હિ સિદ્ધીરિષ્ટસમષ્ટીશ્ચ ચન્દ્રચૂડાલઃ ||૯|| 

ઇતિ ચન્દ્રચૂડાલાષ્ટકં સંપૂર્ણમ ||