logo

|

Home >

Scripture >

scripture >

Gujarati

નિર્વાણ દસકં -Nirvana Dasakam

Nirvana Dasakam


નિર્વાણદશકં |

ન ભૂમિર્ન તોયં ન તેજો ન વાયુર્ન ખં નેન્દ્રિયં  વા ન તેષાં સમૂહઃ | 
અનૈકાન્તિકત્વાત્સુષુપ્ત્યૈકસિદ્ધસ્તદેકોઽવશિષ્ટઃ શિવઃ કેવલોઽહમ ||૧|| 

ન વર્ણા ન વર્ણાશ્રમાચારધર્મા ન મે ધારણાધ્યાનયોગાદયોઽપિ | 
અનાત્માશ્રયોઽહં મમાધ્યાસહાનાત્તદેકોઽવશિષ્ટઃ શિવઃ કેવલોઽહમ ||૨|| 

ન માતા પિતા વા ન દેવા ન લોકા ન વેદા ન યજ્ઞા ન તીર્થં બ્રુવન્તિ | 
સુષુપ્તૌ નિરસ્તાતિશૂન્યાત્મકત્વાત્તદેકોઽવશિષ્ટઃ શિવઃ કેવલોઽહમ ||૩|| 

ન સાઙ્ખ્યં ન શૈવં ન તત્પાઞ્ચરાત્રં ન જૈનં ન મીમાંસકાદેર્મતં વા | 
વિશિષ્ટાનુભૂત્યા વિશુદ્ધાત્મકત્વાત્તદેકોઽવશિષ્ટઃ શિવઃ કેવલોઽહમ  ||૪|| 

ન શુક્લં ન કૃષ્ણં ન રક્તં ન પીતં ન પીનં ન કુઞ્જં ન હ્રસ્વં ન દીર્ઘમ | 
અરૂપં તથા જ્યોતિરાકારકત્વાત્તદેકોઽવશિષ્ટઃ શિવઃ કેવલોઽહમ  ||૫|| 

ન જાગ્રન્ન મે સ્વપ્નકો વા સુપુપ્તિર્ન વિશ્વો ન વા તૈજસઃ પ્રાજ્ઞકો વા | 
અવિદ્યાત્મકત્વાન્ત્રયાણાં તુરીયં તદેકોઽવશિષ્ટઃ શિવઃ કેવલોઽહમ  ||૬|| 

ન શાસ્તા ન શાસ્ત્રં ન શિષ્યો ન શિક્ષા ન ચ ત્વં ન ચાહં ન ચાયં પ્રપઞ્ચઃ | 
સ્વરૂપાવબોધાદ્વિકલ્પાસહિષ્ણુસ્તદેકોઽવશિષ્ટઃ શિવઃ કેવલોઽહમ  ||૭|| 

ન ચોર્ધ્વે ન ચાધો ન ચાન્તર્ન બાહ્યં ન મધ્યં ન તિર્યઙ ન પૂર્વા પરાદિક | 
વિયદ્વ્યાપકત્વાદખણ્ડૈકરૂપસ્તદેકોઽવશિષ્ટઃ શિવઃ કેવલોઽહમ  ||૮|| 

અપિ વ્યાપકત્વાદિતત્ત્વાત્પ્રયોગાત્સ્વતઃ સિદ્ધભાવાદનન્યાશ્રયત્વાત | 
જગત્તુચ્છમેતત્સમસ્તં તદન્યસ્તદેકોઽવશિષ્ટઃ શિવઃ કેવલોઽહમ  ||૯|| 

ન ચૈકં તદન્યદ્દ્વિતીયં કુતઃ સ્યાન્ન ચાકેવલત્વં ન વા કેવલત્વમ | 
ન શૂન્યં ન ચાશૂન્યમદ્વૈતકત્વાત્કથં સર્વવેદાન્તસિદ્ધં બ્રવીમિ ||૧૦|| 

ઇતિ શ્રીમચ્છઙ્કરાચાર્યવિરચિતં નિર્વાણદશકસ્તોત્રં સંપૂર્ણમ ||

Related Content

आर्तिहर स्तोत्रम - Artihara stotram

दक्षिणामूर्ति वर्णमालास्तोत्रम - DhakshiNamurthi varnamala

शिव प्रातः स्मरण स्तोत्रम - shiva praataH smaraNa stotram

श्री शिवापराधक्षमापण स्तोत्रम - Shivaaparaadhakshamaapana

ਪ੍ਰਦੋਸ਼ ਸ੍ਤੋਤ੍ਰਮ - Pradoshastotram