Pashupati Ashtakam

પશુપતિ અષ્ટકમ્ ।

પશુપતીન્દુપતિં ધરણીપતિં ભુજગલોકપતિં ચ સતીપતિમ્ ।
પ્રણતભક્તજનાર્તિહરં પરં ભજત રે મનુજા ગિરિજાપતિમ્ ॥૧॥

ન જનકો જનની ન ચ સોદરો ન તનયો ન ચ ભૂરિબલં કુલમ્ ।
અવતિ કોઽપિ ન કાલવશં ગતં ભજત રે મનુજા ગિરિજાપતિમ્ ॥૨॥

મુરજડિણ્ડિમવાદ્યવિલક્ષણં મધુરપઞ્ચમનાદવિશારદમ્ ।
પ્રમથભૂતગણૈરપિ સેવિતં ભજત રે મનુજા ગિરિજાપતિમ્  ॥૩॥

શરણદં સુખદં શરણાન્વિતં શિવ શિવેતિ શિવેતિ નતં નૃણામ્ ।
અભયદં કરુણાવરુણાલયં ભજત રે મનુજા ગિરિજાપતિમ્  ॥૪॥

નરશિરોરચિતં મણિકુણ્ડલં ભુજગહારમુદં વૃષભધ્વજમ્ ।
ચિતિરજોધવલીકૃતવિગ્રહં ભજત રે  મનુજા ગિરિજાપતિમ્  ॥૫॥

મખવિનાશકરં શશિશેખરં સતતમધ્વરભાજિફલપ્રદમ્ ।
પ્રળયદગ્ધસુરાસુરમાનવં ભજત રે મનુજા ગિરિજાપતિમ્  ॥૬॥

મદમપાસ્ય ચિરં હૃદિ સંસ્થિતં મરણજન્મજરામયપીડિતમ્ ।
જગદુદીક્ષ્ય સમીપભયાકુલં ભજત રે મનુજા ગિરિજાપતિમ્  ॥૭॥

હરિવિરઞ્ચિસુરાધિપપૂજિતં યમજનેશધનેશનમસ્કૄતમ્ ।
ત્રિનયનં ભુવનત્રિતયાધિપં ભજત રે મનુજા ગિરિજાપતિમ્  ॥૮॥

પશુપતેરિદમષ્ટકમદ્ભુતં વિરચિતં પૃથિવીપતિસૂરિણા ।
પઠતિ સંશૃણુતે મનુજઃ સદા શિવપુરીં વસતે લભતે મુદમ્ ॥૯॥

ઇતિ શ્રીપશુપત્યષ્ટકમ્ સંપૂર્ણમ્ ॥