Home >
Scripture >
scripture >
English-Script
Copy linkShri Vishvanatha Suprabhatam
Singer
Please select an Audio
Play Song
Source language
English-Script
Translation language
Click on the songs to view the meaning
Please send your corrections
shrI vishvanAtha suprabhAtam
uttiShTa bhairavasvAmin kAshikApurapAlaka |
shrIvishvanAthabhaktAnAM saMpUraya manoratham || 1 ||
snAnAya gA~Ngasalile.atha samarchanAya vishveshvarasya bahubhaktajanA upetAH |
shrIkAlabhairava lasanti bhavannideshaM uttiShTa darshaya dashAM tava suprabhAtam || 2||
yAgavratAdibahupuNyavashaM yathA tvaM pApAtmanAmapi tathA sugatipradA.asi |
kAruNyapUramayi shailasutAsapatni mAtarbhagIrathasute tava suprabbbhAtam || 3 ||
dugdhapravAhakamanIyatara~Ngabha~Nge puNyapravAhaparipAthitabhaktasa~Nghe |
nityaM tapasvijanasevitapAdapadme ga~Nge sharaNyashivade tava suprabhAtam || 4 ||
vArANasIsthitagajAnana duNThirAja saMprArthiteShTaphaladAnasamarthamUrte |
uttiShTa vighnavirahAya bhajAmahe tvAM shrIpArvatItanaya bhostava suprabhAtam || 5 ||
pUjAspada prathamameva sureshu madhye saMpUraNe kushala bhaktamanorathAnAm |
gIrvANabR^indaparipUjitapAdapadma saMjAyatAM gaNapate tava suprabhAtam || 6 ||
kAtyAyani pramathanAthasharIrabhAge bhaktAligItamukharIkR^itapAdapadme |
brahmAdidevagaNavanditadivyashaurye shrIvishvanAthadayite tava suprabhAtam || 7 ||
prAtaH prasIda vimale kamalAyatAxi kAruNyapUrNahR^idaye namatAM sharaNye |
nirdhUtapApanichaye surapUjitA~Nghre shrIvishvanAthadayite tava suprabhAtam || 8 ||
sasyAnukUlajalavarShaNakAryahetoH shAkambharIti tava nAma bhuvi prasiddam |
sasyAtijAtamiha shuShyati chAnnapUrNe uttiShTa sarvaphalade tava suprabhAtam || 9 ||
sarvottamaM mAnavajanma labdhvA hinasti jIvAn bhuvi martyavargaH |
taddAraNAyAshu jahIhi nidrAM devyannapUrNe tava suprabhAtam ||10|
shRIkaNTha kaNThadhR^itapannaga nIlakaNTha sotkaNThabhaktanivahopahitopakaNTha |
uttiShTa sarvajanama~NgalasAdhanAya vishvaprajAprathitabhadra jahIhi nidrAm || 11 ||
ga~NgAdharAdritanayApriya shAntamUrte vedAntavedya sakaleshvara vishvamUrte |
kUTasthanitya nikhilAgamagItakIrte devAsurArchita vibho tava suprabhAtam || 12 ||
shrIvishvanAthakaruNAmR^itapUrNasindho shItAMshukhaNDasamalaMkR^itabhavyachUDa |
bhasmA~NgarAgaparishobhitasarvadeha vArANasIpurapate tava suprabhAtam || 13 ||
devAdideva tripurAntaka divyabhAva ga~NgAdhara pramathavandita sundarA~Nga |
nAgendrahAra natabhaktabhayApahAra vArANasIpurapate tava suprabhAtam || 14 ||
vedAntashAstravishadIkR^itadivyamUrte pratyUShakAlamunipu~NgavagItakIrte |
tvayyarpitArjitasamastasuraxaNasya vArANasIpurapate tava suprabhAtam || 15 ||
kailAsavAsamunisevitapAdapadma ga~NgAjalaughapariShiktajaTAkalApa |
vAchAmagocharavibho jaTilatrinetra vArANasIpurapate tava suprabhAtam || 16 ||
shrIpArvatIhR^idayavallabha pa~nchavaktra shrInIlakaNTha nR^ikapAlakalApamAla |
shrIvishvanAthamR^idupa~Nkajama~njupAda shrIkAshikApurapate tava suprabhAtam || 17 ||
kAshI tritApaharaNI shivasadmabhUtA sharmeshvarI trijagatAM supurIShu hR^idyA |
vidyAkalAsu navakaushaladAnashIlA shrIkAshikApurapate tava suprabhAtam || 18 ||
shrIvishvanAtha tava pAdayugaM smarAmi ga~NgAmaghApaharaNIM shirashA namAmi |
vAchaM tavaiva yashasA.anagha bhUShayAmi vArANasIpurapate tava suprabhAtam || 19 ||
nArInateshvarayutaM nijachArurUpaM strIgauravaM jagati vardhayituM tanoShi |
ga~NgAM hi dhArayasi mUrdhni tathaiva deva vArANasIpurapate tava suprabhAtam || 20 ||
tvameva mAtA cha pitA tvameva tvameva bandhushcha sakhA tvameva |
tvameva vidyA draviNaM tvameva tvameva sarvaM mama devadeva || *
om ma~NgalaM bhagavAn shambho ma~Ngalam vR^IShabhadhvaja |
ma~NgalaM pArvatInAtha ma~NgalaM bhaktavatsala || *
* etat shlokadvayaM prAchInakavikR^Itam |