Home >
Scripture >
scripture >
English-Script
Copy linkKalagni Rudra Upanishad
Singer
Please select an Audio
Play Song
Source language
English-Script
Translation language
Click on the songs to view the meaning
This Page is courtesy of Sanskrit Documents List. Please send your corrections
This stotra is also available in devanAgari PDF
kaalaagnirudropanishhat.h || 30 ||
brahmaGYaanopaayatayaa yadvibhuutiH prakiirtitaa |
tamahaM kaalaagnirudraM bhajataaM svaatmadaM bhaje ||
OM saha naavavatu saha nau bhunaktu
sahaviiryaM karavaavahai
tejasvinaavadhiitamastu
maa vidvishhaavahai
OM shaantiH shaantiH shaantiH ||
OM atha kaalaagnirudropanishhadaH
sa.nvata.rko.agnirR^ishhiranushhTup.hchhandaH
shriikaalaagnirudro devataa
shriikaalaagnirudrapriityarthe
bhasmatripuNDradhaaraNe viniyogaH ||
atha kaalaagnirudraM bhagavantaM sanatkumaaraH paprachchha
adhiihi bhagava.nstripuNDravidhiM satattvaM
kiM dravyaM kiyatsthaanaM katipramaaNaM kaa rekhaa
ke mantraaH kaa shaktiH kiM daivataM
kaH kartaa kiM phalamiti cha |
taM hovaacha bhagavaankaalaagnirudraH
yaddravyaM tadaagneyaM bhasma
sadyojaataadipaJNchabrahmamantraiH
parigR^ihyaagniriti bhasma vaayuriti bhasma jalamiti bhasma
sthalamiti bhasma vyometi bhasmetyanenaabhimantrya
maanastoka iti samuddhR^itya
maa no mahaantamiti jalena saMsR^ijya
triyaayushhamiti shirolalaaTavakshaHskandheshhu
triyaayushhaistryambakaistrishaktibhistiryaktisro
rekhaaH prakurviita vratametachchhaambhavaM
sarveshhu deveshhu vedavaadibhiruktaM
bhavati tasmaattatsamaacharenmumukshurna punarbhavaaya ||
atha sanatkumaaraH paprachchha pramaaNamasya
tripuNDradhaaraNasya tridhaa rekhaa
bhavatyaalalaaTaadaachakshushhoraamuurdhnoraabhruvormadhyatashcha
yaasya prathamaa rekhaa saa gaarhapatyashchaakaaro
rajobhuurlokaH svaatmaa kriyaashaktirR^igvedaH
praataHsavanaM maheshvaro devateti yaasya dvitiiyaa rekhaa
saa dakshiNaagnirukaaraH satvamantarikshamantaraatmaa\-
chechchhaashaktiryajurvedo maadhya.ndinaM savanaM
sadaashivo devateti yaasya tR^itiiyaa rekhaa saahavaniiyo makaarastamo
dyaurlokaH paramaatmaa GYaanashaktiH saamavedastR^itiiyasavanaM
mahaadevo devateti evaM tripuNDravidhiM bhasmanaa karoti
yo vidvaanbrahmachaarii gR^ihii vaanaprastho yatirvaa
sa mahaapaatakopapaatakebhyaH puuto bhavati
sa sarveshhu tiirtheshhu snaato bhavati
sa sarvaanvedaanadhiito bhavati
sa sarvaandevaaJNGYaato bhavati
sa satataM sakalarudramantrajaapii bhavati
sa sakalabhogaanbhuN^kte dehaM tyaktvaa shivasaayujyameti na
sa punaraavartate na sa punaraavartata
ityaaha bhagavaankaalaagnirudraH ||
yastvetadvaadhiite so.apyevameva bhavatiityoM satyamityupanishhat.h || 30 ||
OM saha naavavatu saha nau bhunaktu
sahaviiryaM karavaavahai
tejasvinaavadhiitamastu
maa vidvishhaavahai
OM shaantiH shaantiH shaantiH ||
iti kaalaagnirudropanishhatsamaaptaa ||