hālāsya stuti

pitāmaha-śiraccheda-caṇapāṇi-nakhāñcala. 
namastubhyaṃ namastubhyaṃ namastubhyaṃ maheśvara.. 1 ..

niśumbha-śumbhapramukha-daityaśikṣaṇa-dakṣiṇe. 
namastubhyaṃ namastubhyaṃ namastubhyaṃ maheśvari.. 2 ..

śailarājasya jāmātaḥ śaśirekhāvataṃsaka. 
namastubhyaṃ namastubhyaṃ namastubhyaṃ maheśvara.. 3 ..

śailarājātmaje mātaḥ śātakumbha-nibhaprabhe. 
namastubhyaṃ namastubhyaṃ namastubhyaṃ maheśvari.. 4 ..

bhūtanāthapurārāte bhujaṅgakṛtabhūṣaṇa. 
namastubhyaṃ namastubhyaṃ namastubhyaṃ maheśvara.. 5 ..

pādapravaṇabhaktānāṃ pārijātaguṇādhike. 
namastubhyaṃ namastubhyaṃ namastubhyaṃ maheśvari.. 6 ..

hālāśyeśa dayāmūrte hālāhala-lasadgal̤a. 
namastubhyaṃ namastubhyaṃ namastubhyaṃ maheśvara.. 7 ..

nitambini maheśasya kadambavananāyike. 
namastubhyaṃ namastubhyaṃ namastubhyaṃ maheśvari.. 8 ..