Home >
Scripture >
scripture >
English-Script
Copy linkGarbha Upanishad
Singer
Please select an Audio
Play Song
Source language
English-Script
Translation language
Click on the songs to view the meaning
This Page is courtesy of Sanskrit Documents List. Please send your corrections
This stotra is also available in devanAgari PDF
Garbha Upanishad
garbhopanishhat.h - 17
yadgarbhopanishhadvedya.n garbhasya svaatmabodhakam.h .
shariiraapahnavaatsiddha.n svamaatra.n kalaye harim.h ..
AUM sahanaavavatviti shaantiH ..
AUM pa~nchaatmakaM pa~nchasu vartamaana.n shhaDaashraya.n
shhaDguNayogayuktam.h .
tatsaptadhaatu trimala.n dviyoni
chaturvidhaahaaramaya.n shariiraM bhavati ..
pa~nchaatmakamiti kasmaat.h pR^ithivyaapastejovaayuraakaashamiti .
asminpa~nchaatmake
shariire kaa pR^ithivii kaa aapaH ki.n tejaH ko vaayuH kimaakaasham.h .
tatra yatkaThina.n saa pR^ithivii yaddrava.n taa aapo yadushhNa.n
tattejo yatsa~ncharati sa vaayuH yatsushhira.n tadaakaashamityuchyate ..
tatra pR^ithivii dhaaraNe aapaH piNDiikaraNe tejaH prakaashane
vaayurgamane aakaashamavakaashapradaane . pR^ithak.h shrotre
shabdopalabdhau tvak.h sparshe chakshushhii ruupe jihvaa rasane
naasikaa.a.aghraaNe upasthashchaanandane.apaanamutsarge buddhyaa
buddhyati manasaa sa~Nkalpayati vaachaa vadati . shhaDaashrayamiti
kasmaat.h madhuraamlalavaNatiktakaTukashhaayarasaanvindate .
shhaDjarshhabhagaandhaaramadhyamapa~nchamadhaivatanishhaadaashcheti .
ishhTaanishhTashabdasa.nj~naaH pratividhaaH saptavidhaa bhavanti .. 1..
shuklo raktaH kR^ishhNo dhuumraH piitaH kapilaH paaNDura iti .
saptadhaatumiti kasmaat.h yadaa devadattasya dravyaadivishhayaa
jaayante .. paraspara.n saumyaguNatvaat.h shhaDvidho raso
rasaachchhoNita.n shoNitaanmaa.nsaM maa.nsaanmedo medasaH
snaavaa snaavno.asthiinyasthibhyo majjaa majj~naH shukra.n
shukrashoNitasa.nyogaadaavartate garbho hR^idi vyavasthaa.n
nayati . hR^idaye.antaraagniH agnisthaane pittaM pittasthaane
vaayuH vaayusthaane hR^idayaM praajaapatyaatkramaat.h .. 2..
R^itukaale saMprayogaadekaraatroshhita.n kalilaM bhavati
saptaraatroshhitaM budbudaM bhavati ardhamaasaabhyantareNa piNDo
bhavati maasaabhyantareNa kaThino bhavati maasadvayena shiraH
saMpadyate maasatrayeNa paadapravesho bhavati . atha chaturthe maase
jaTharakaTipradesho bhavati . pa~nchame maase pR^ishhThava.nsho bhavati .
shhashhThe maase mukhanaasikaakshishrotraaNi bhavanti . saptame
maase jiivena sa.nyukto bhavati . ashhTame maase sarvasaMpuurNo
bhavati . pituu reto.atiriktaat.h purushho bhavati . maatuH
reto.atiriktaatstriyo bhavantyubhayorbiijatulyatvaannapu.nsako
bhavati . vyaakulitamanaso.andhaaH kha~njaaH kubjaa vaamanaa
bhavanti . anyonyavaayuparipiiDitashukradvaidhyaaddvidhaa
tanuH syaattato yugmaaH prajaayante .. pa~nchaatmakaH samarthaH
pa~nchaatmakatejaseddharasashcha samyagj~naanaat.h dhyaanaat.h
aksharamo~Nkaara.n chintayati . tadetadekaakshara.n j~naatvaa.ashhTau
prakR^itayaH shhoDasha vikaaraaH shariire tasyaive dehinaam.h . atha
maatraa.ashitapiitanaaDiisuutragatena praaNa aapyaayate . atha
navame maasi sarvalakshaNasaMpuurNo bhavati puurvajaatiiH smarati
kR^itaakR^ita.n cha karma vibhaati shubhaashubha.n cha karma vindati .. 3..
naanaayonisahasraaNi dR^ishhTvaa chaiva tato mayaa .
aahaaraa vividhaa bhuktaaH piitaashcha vividhaaH stanaaH ..
jaatasyaiva mR^itasyaiva janma chaiva punaH punaH .
aho duHkhodadhau magnaH na pashyaami pratikriyaam.h ..
yanmayaa parijanasyaarthe kR^ita.n karma shubhaashubham.h .
ekaakii tena dahyaami gataaste phalabhoginaH ..
yadi yonyaaM pramu~nchaami saa.nkhya.n yoga.n samaashraye .
ashubhakshayakartaaraM phalamuktipradaayakam.h ..
yadi yonyaaM pramu~nchaami taM prapadye maheshvaram.h .
ashubhakshayakartaaraM phalamuktipradaayakam.h ..
yadi yonyaaM pramu~nchaami taM prapadye
bhagavanta.n naaraayaNa.n devam.h .
ashubhakshayakartaaraM phalamuktipradaayakam.h .
yadi yonyaaM pramu~nchaami dhyaaye brahma sanaatanam.h ..
atha jantuH striiyonishata.n yonidvaari
saMpraapto yantreNaapiiDyamaano mahataa duHkhena jaatamaatrastu
vaishhNavena vaayunaa sa.nspR^ishyate tadaa na smarati janmamaraNa.n
na cha karma shubhaashubham.h .. 4..
shariiramiti kasmaat.h
saakshaadagnayo hyatra shriyante j~naanaagnirdarshanaagniH
koshhThaagniriti . tatra koshhThaagnirnaamaashitapiitalehyachoshhyaM
pachatiiti . darshanaagnii ruupaadiinaa.n darshana.n karoti .
j~naanaagniH shubhaashubha.n cha karma vindati . tatra triiNi
sthaanaani bhavanti hR^idaye dakshiNaagnirudare gaarhapatyaM
mukhamaahavaniiyamaatmaa yajamaano buddhiM patnii.n nidhaaya
mano brahmaa lobhaadayaH pashavo dhR^itirdiikshaa santoshhashcha
buddhiindriyaaNi yaj~napaatraaNi karmendriyaaNi havii.nshhi shiraH
kapaala.n keshaa darbhaa mukhamantarvediH chatushhkapaala.n
shiraH shhoDasha paarshvadantoshhThapaTalaani saptottara.n
marmashata.n saashiitika.n sandhishata.n sanavaka.n snaayushata.n
sapta shiraasataani pa~ncha majjaashataani asthiini cha ha
vai triiNi shataani shhashhTishchaardhachatasro romaaNi koTyo
hR^idayaM palaanyashhTau dvaadasha palaani jihvaa pittaprastha.n
kaphasyaaDhaka.n shukla.n kuDavaM medaH prasthau dvaavaniyataM
muutrapuriishhamaahaaraparimaaNaat.h . paippalaadaM mokshashaastraM
parisamaaptaM paippalaadaM mokshashaastraM parisamaaptamiti ..
AUM saha naavavatviti shaantiH ..
iti garbhopanishhatsamaaptaa ..