logo

|

Home >

Scripture >

scripture >

English-Script

Jabali Upanishhad

 

  • This Page is courtesy of Sanskrit Documents List. Please send your corrections

     

  • This stotra is also available in  devanAgari PDF

    Jabali Upanishad
    jaabaalyupanishhat.h

    jaabaalyupanishhadvedyapadatattvasvaruupakam.h .
    paaramaishvaryavibhava.n raamachandrapadaM bhaje .. 
    AUM aapyaayantu maamaa~Ngaani vaakpraaNashchakshuH 
    shrotramatho balamindriyaaNi cha .. sarvaaNi sarvaM 
    brahmopanishhadaM maahaM brahma niraakuryaaM maa maa 
    brahma niraakarodaniraakaraNamastvaniraakaraNaM mestu 
    tadaatmani nirate ya upanishhatsu dharmaaste mayi santu te mayi santu .. 
    AUM shaantiH shaantiH shaantiH .. 
    hariH AUM .. atha hainaM bhagavanta.n jaabaaliM paippalaadiH 
    paprachchha bhagavanme bruuhi paramatattvarahasyam.h . ki.n
    tattva.n ko jiivaH kaH pashuH ka iishaH ko mokshopaaya iti .
    sa ta.n hovaacha saadhu pR^ishhTa.n sarva.n nivedayaami 
    yathaaj~naatamiti . punaH sa tamuvaacha kutastvayaa j~naatamiti .
    punaH sa tamuvaacha shhaDaananaaditi . punaH sa tamuvaacha 
    tenaatha kuto j~naatamiti . punaH sa tamuvaacha teneshaanaaditi . 
    punaH sa tamuvaacha katha.n tasmaattena j~naatamiti . punaH sa 
    tamuvaacha tadu[paasanaaditi . punaH sa tamuvaacha bhagavankR^ipayaa
    me sarahasya.n sarva.n nivedayeti . sa tena pR^ishhTaH sarva.n 
    nivedayaamaasa tattvam.h . pashupatiraha~NkaaraavishhTaH 
    sa.nsaarii jiivaH sa eva pashuH . sarvaj~naH pa~nchakR^ityasaMpannaH
    sarveshvara iishaH pashupatiH . ke pashava iti punaH sa tamuvaacha jiivaaH
    pashava uktaaH . tatpatitvaatpashupatiH . sa punasta.n hovaacha katha.n 
    jiivaaH pashava iti . katha.n tatpatiriti . sa tamuvaacha yathaa tR^iNaashino 
    vivekahiinaaH parapreshhyaaH kR^ishhyaadikarmasu niyuktaaH 
    sakaladuHkhasahaaH svasvaamibadhyamaanaa gavaadayaH pashavaH .
    yathaa tatsvaamina iva sarvaj~na iishaH pashupatiH . tajj~naana.n 
    kenopaayena jaayate . punaH sa tamuvaacha vibhuutidhaaraNaadeva . 
    tatprakaaraH kathamiti . kutrakutra dhaaryam.h . punaH sa tamuvaacha 
    sadyojaataadipa~nchabrahmamantrairbhasma sa.ngR^ihyaagniriti
    bhasmetyanenaabhimantrya maanastoka iti samuddhR^itya jalena
    sa.nsR^ijya tryaayupamiti shirolalaaTavakshaHskandheshhviti 
    tisR^ibhistryaayupaistriyambakaistisro rekhaaH prakurviita . 
    vratametachchhaambhava.n sarveshhu vedeshhu vedavaadibhiruktaM
    bhavati . tatsamaacharenmumukshurna punarbhavaaya . atha
    sanatkumaaraH pramaaNaM pR^ichchhati . tripuNDradhaaraNasya 
    tridhaH rekhaa aalalaaTaadaachakshushhoraabhruvormadhyatashcha .
    yaasya prathamaa rekhaa saa gaarhapatyashchaakaaro rajo bhuurlokaH
    svaatmaa kriyaashaktiH R^igvedaH praataHsavanaM prajaapatirdevo
    devateti . yaasya dvitiiyaa rekhaa saa dakshiNaagnirukaaraH 
    satvamantarikshamantaraatmaa chechchhaashaktiryajurvedo 
    maadhyandinasavana.n vishhNurdevo devateti . yaasya tR^itiiyaa rekhaa 
    saahavaniiyo makaarastamo dyaurlokaH paramaatmaa j~naanashaktiH 
    saamavedastR^itiiyasavanaM mahaadevo devateti tripuNDra.n bhasmanaa
    karoti . yo vidvaanbrahmachaarii gR^ihii vaanaprastho yatirvaa sa
    mahaapaatakopapaatakebhyaH puuto bhavati . sa sarvaandevaandhyaato 
    bhavati . sa sarveshhu tiirtheshhu snaato bhavati . sa sakalarudramantrajaapii 
    bhavati . na sa punaraavartate na sa punaraavartate .. iti . AUM satyamityupanishhat.h ..
    AUM aapyaayantu maamaa~Ngaani vaakpraaNashchakshuH 
    shrotramatho balamindriyaaNi cha .. sarvaaNi sarvaM 
    brahmopanishhadaM maahaM brahma niraakuryaaM maa maa 
    brahma niraakarodaniraakaraNamastvaniraakaraNaM mestu 
    tadaatmani nirate ya upanishhatsu dharmaaste mayi santu te mayi santu .. 
    
    AUM shaantiH shaantiH shaantiH .. hariH AUM tatsat.h ..
    iti shriijaabaalyupanishhatsamaaptaa .. 

Related Content

Brihajjabala Upanishadham

Jabali Upanishat