OM devaa ha vai svargalokamaayaMste rudramapRucCan ko bhavaaniti |
so&bravIdahamekaH prathamamaasIdvartaami cha
bhaviShyaami cha naanyaH kashcinmatto vyatirikta iti |
so&ntaraadantaraM praavishaddishashcaantaraM praavishat |
so&haM nityaanityo vyaktaavyakto brahmaa brahmaahaM praa~JcaH
pratya~jco&haM dakShiNaa~jcha uda~jco&hamamadhashcordhvashcaahaM
dishashca pratidishashcaahaM pumaanapumaan striyashcaahaM
saavitryahaM gaayatryahaM triShTuboojagatyanuShTup caa&haM
Cando&haM satyo&haM gaarhapatyo dakShiNaagniraahavanIyo&haM
gaurahaM gauryahamRugahaM yajurahaM saamaahamatharvaa~ggiraso&haM
jyeShTho&haM shreShTho&haM variShTho&hamaasvaroM nama iti ||
ya idamatharvashiro braahmaNo&dhIte |
ashrotriyaH shrotriyo bhavati |
anupanIta upanIto bhavati |
so&gnipooto bhavati |
sa vaayupooto bhavati |
sa sooryapooto bhavati |
sa somapooto bhavati |
sa satyapooto bhavati |
sa sarvairvedairj~jaato bhavati |
sarvairvedairanudhyaato bhavati |
sa sarveShu tIrtheShu snaato bhavati |
tena sarvaiH RutubhiriShTaM bhavati |
gaayatryaaH ShaShThisahasraaNi japtaani bhavanti |
praNavaanaamayutaM japtaM bhavati |
sa cakShuShaH pa~gktiM punaati |
aasaptamaat puruShayugaanpunaatItyaaha bhagavaanatharvashiraH
sakRujjaptvaiva shuciH sa pootaH karmaNyo bhavati |
dvitIyaM japtvaa gaNaadhipatyamavaapnoti |
tRutIyaM japtvaivamevaanupravishatyoM satyamoM satyamoM satyaM |
ityatharvavede shivaathaarvashIrShaM saMpoorNam ||